السلام عليكم ورحمه الله وبركاته

اخواتي الاعزاء كيفكم ان شاء الله طيبين

اخواتي سرنا نعاني بشكل كبير من الابتزاز بشكل كبير جدا انا احب ان اقدم عمل انساني خالصه لوجه الله تعالي

فمن كانت من المدينه المنوره بحكم اني من سكان المدينه وتبغي المساعده فأنا من يساعدها بأذن الله تعالي

ومستعد اسوي المعروض واوديه بنفسي للاماره واجيب ورقه المعامله لمتابعه القضيه

ملاحظه : ما اقبل احد يقولي روح للاماره عشان وظيفه او غيرها فقط للحالات الحرجه


اللي بيكلمني ياليت ع الخاص لاني انا ماني موجود وافتح المنتدي بين فتره وفتره

طبعا اسلم المعروض فقط يو الاربعاء لاني خارج المدينه باقي ايام الاسبوع وبأذن الله 10 ايام ويجي الرد من الاماره


واللي تبغي احد من اخوانها يروح عليه بهذي الاجراءات بالتفصيل

1- يأخذ بطاقه الاحوال ويصورها ومعها الاصليه + المعروض

2- ممنوع الدخول بالجوال منعا باتا يعني لاتجيب شي معك غير مستنداتك الرسميه

3- طبعا من اول ماتدخل للصاله تلاقي الاله تاخذ رقم منها وتنتظر الين مايجي دورك وتسلمها ويقوم الموظف بأجرائها وتنتظره الين مايعتمدها وتاخذ ن الموظف رقم المعامله ولابد ان يكتبلك رقم الاستفسار وهي خلال 10 ايام تتصلين وتستعلمين وهي في الغالب بأن تحول الي الجهات المختصه

واللي ماتبغي عن طريق الاماره يكون عن طريق الهيئه

واحد من اخوانك يروح وبأذن الله يجيبونه في خلال ايام معدوده وايضا فيه رقم خاص للمبزين الحكومه الله يجزاهم بالخير سوت هالرقم للحالات الصعبه اللي يبغاه يبحث بقوقل وحيطلع الرقم



والله يسامح كل شاب ويهديه يارب وكيف يبيع ربه عشان بنت والله ماعرف


وبالله لاتنسوني من خالص دعائكم خصوصا في صلواتكم امتحاناتي هذا الاسبوع بالله ادعولي

في امان الله