السلام عليكم ورحمه الله وبركاته

اخواتي الاعزاء كيفكم ان شاء الله طيبين

اخواتي سرنا نعاني بشكل كبير من الابتزاز بشكل كبير جدا انا احب ان اقدم عمل انساني خالصه لوجه الله تعالي

فمن كانت من المدينه المنوره بحكم اني من سكان المدينه وتبغي المساعده فأنا من يساعدها بأذن الله تعالي

ومستعد اسوي المعروض واوديه بنفسي للاماره واجيب ورقه المعامله لمتابعه القضيه

ملاحظه : ما اقبل احد يقولي روح للاماره عشان وظيفه او غيرها فقط للحالات الحرجه


اللي بيكلمني ياليت ع الخاص لاني انا ماني موجود وافتح المنتدي بين فتره وفتره

طبعا اسلم المعروض فقط يو الاربعاء لاني خارج المدينه باقي ايام الاسبوع وبأذن الله 10 ايام ويجي الرد من الاماره


واللي تبغي احد من اخوانها يروح عليه بهذي الاجراءات بالتفصيل

1- يأخذ بطاقه الاحوال ويصورها ومعها الاصليه + المعروض

2- ممنوع الدخول بالجوال منعا باتا يعني لاتجيب شي معك غير مستنداتك الرسميه

3- طبعا من اول ماتدخل للصاله تلاقي الاله تاخذ رقم منها وتنتظر الين مايجي دورك وتسلمها ويقوم الموظف بأجرائها وتنتظره الين مايعتمدها وتاخذ ن الموظف رقم المعامله ولابد ان يكتبلك رقم الاستفسار وهي خلال 10 ايام تتصلين وتستعلمين وهي في الغالب بأن تحول الي الجهات المختصه

واللي ماتبغي عن طريق الاماره يكون عن طريق الهيئه

واحد من اخوانك يروح وبأذن الله يجيبونه في خلال ايام معدوده وايضا فيه رقم خاص للمبزين الحكومه الله يجزاهم بالخير سوت هالرقم للحالات الصعبه اللي يبغاه يبحث بقوقل وحيطلع الرقم



والله يسامح كل شاب ويهديه يارب وكيف يبيع ربه عشان بنت والله ماعرف


وبالله لاتنسوني من خالص دعائكم خصوصا في صلواتكم امتحاناتي هذا الاسبوع بالله ادعولي

في امان الله

جزاك الله خير اخي مازن .

وتاخذ من الموظف رقم المعامله ....... للمبتزين ....

هذي كتبتها في موضوعي في الاعلي بس كانت ناقصه منها احرف بسبب الكيبورد وعدلتها

تحياتي

حسبي الله كل من يبتز بنات المسلمين
الله يرد كيده في نحره ويجعل تدبيره تدميره ويهلكه ويريح العباد والبلاد من شره
ونصيحه انتبهوا يابنات من الذئاب البشريه
وخصوصا اللي تحط صورها بجوالها وبعدها يضيع منها ويطيح بيد واحد مايخاف ربه
جزاك الله كل خير

الله يبارك فيك ويكثر أمثالك

الله لا يوفق كل من ينشر اسرار البنات او يشوهه صورة بنت ويتكلم في عرضها او يااذيها

يارب مين يريد بنات الناس بشر يارب ينحرق ويصير فحم اسود قبل مايخرب بيت بنت وحياتها

يارب يارب قبل يصير شي وينوي يسويه يصير قطع لحم مفتت مايقدرون يجمعونه يارب يارب

الله يصلح الاحوال

اخوي مازن يعطيك العافيه وماتقصر
الله يكثر من امثالك ..

اهنيك ع فعل الخير بارك الله فيك وكثر الله من امثالك الله يجعلها بميزان حسناتك واقول لكل شاب مايخاف الله حسبي الله ونعم الوكيل فيك بتشوفها بنفسك واهلك اذا قدرت ع البنت الضعيفه الله فوق من سابع سما قادر عليك دنيا واخرة

والله انك صادقة ياتماضر لانه خروووف اثول يتقوى على البنت الضعيفة ويبتزها بعرضها وشرفها
نذل والله لو في بنت تعرض للابتزاز لا تسكت ابدا هو اذا شافها رضيت خلاص
تصير مثل اللعبة بيده لازم كل البنات يفهمون ان اهلها عندهم الامر يهون لو عرفوا
بالسالفه ولا انها تجيهم مضيعه شرفها وعرضها هذي مصيبة اكبر

عساه يارب بالشاحنة الي تقطعه الي يلعب للأعراض البنات وسمعتهم
عساه بسيل يقطعه ويرميه بوادي هو والصور وجوالاته ونيته القذرة

البنات والله مسكينات ضعيفات قلوبهم رهيفة الله يحميهم من هالذياب