السلام عليكم ورحمه الله وبركاته
مالقيت احد افضفضله بعد الله غيركم
نفسيتي تعبانه واحس بضيق مايعلمه الا رب السموات والارض
بدخل في الموضوع زوجي موظف وعندي عيال ووانا عاطله متخرجه ليه 10 سنوات
ولا فيه وظيفه والاجارات نااار الله يفرجها
حبيت انا وزوجي نسوي لنا دخل ثاني وفعلا تدينا وبدينا في فتح حلاق وانا استشرتكم هنا في قسم المشاريع وقبل فتحه بكم يوم زوجي تقفلت نفسه منه وقال حرام وسال شيخ وافتاه وقلت خلاص طالما انه حرام قفله وبيرزقنا ربنا خير منه وبعد سنه قلنا نفتح مشروع ثاني وفتحنا بوفيه وربي كلها دين وجبنا عامل يمني وكم واحد معه واقسم بالله 3 شهور ما اخذنا ريال نصب علينا ابو يمن وصار مشاكل علي المحل واليمني شر حسبي الله عليه احس انها مقفله
من جميع الجهات
لا ظيفه ولا دخل ثاني وياااااااااااااربي فرجك

آسال الله لكم الفرج والخير وسعه الرزق يارب

سلام عليكم اختي

البوفيه ولا اي محل بيع قطع استهلاكيه الحين تمسكين العامل المحل وتجين اخر الشهر تاخذين منه مبلغ تتفقون عليه


الله يفرجها عليكم يآرب

الله يفرجها علينا و عليك و على كل من ضاقت عليه ..

شوفي اختي بقولك شي و اتمنى تاااااخذين نففففس عمييييييييق معاي .. لاني بطول بكلامي :

اول شي هل تمعنتي في هذا الحديث الصحيح عن الرسول صلى الله عليه و سلم اللي يقول ( انا عند ظن عبدي بي , فليظن بي عبدي ما شاء ) .

تخيلي يا عسسل , فليظن بي عبدي ماشاء ..

بس فقط , هذا كل ما عليك : انك تظنين بالله بما هو اهلٌ له !

بقولك حاجه ثانيه كمان , هل جربتي انتي و زوجك انكم تخصصون فقط عشره ريال شهريا لعمل الخير ؟

قال صلى الله عليه عليه و سلم ( مانقصت صدقة من مال ) , و قال تعالى ( يمحق الله الربا و يربي الصدقات )

ادري انك بتقولين بنفسك : هذي فاضيه , تقول لي اتصدق و انا محتاجه !! ..

طيب جربي ؟؟ انتو جربتو التجاره مع البشر و مانفعوكم ! طيب ليش ما تجربون التجاره مع الله ؟؟

و شوفي النتايج كيف حتكووووووون ..

بتقولين طيب اش نسوي بالعشره شهريا ؟

انا اقولك .. افضل الصدقات الماااااااااااااااااااااء .. خلي زوجك يشتري مع كل نزول راتب عشر قوارير ماء صحه .. بعشره ريال في الظهر و هو راجع من الدوام و الناس حر و لاهوووب ..

شفتي العمال حقين المظافه اللي في الشوارع .. خليه يوزع المويه عليهم بدون ما يطلبهم الدعاء لان طلب الدعاء ممن تصدقت عليهكانك تمن عليه .. و رديلي خبر كيف النتيجه ..

و قولي كل يوووم هذا الدعاء ( الحمدلله رب العالمين , الحمدلله حمدا طيبا كثيرا مباركا فيه ) كل صباح ..

هذا الدعاء يزيح به الله عنك سبعين نوعا من البلاء ادناها الهم .. ان شااالله ..

و قولي هذا الدعاء ( رب اني لما انزلت الي من خير فقير ) ..

ترى الفلوس اللي عند الناس ماهي من عندهم و كذاب اللي يقول الفلوس جات بتعبه .. هذي رزق من الله و هو قادر بلحظه يشيلها من عندهم و يحطها بين ايديك .. و قادر ان يشيلها من عندك و يعطيهم اياها ..

اطرقي باب الله .. و الله لن يخيب رجاءك .. و لا تطرقي باب البشر فانك لن تجدي منهم سوى الذل و المنه و الكبر ..

لا تفكري اني عندي فلوس و اني من الهاي كلاس لاوالله و لاني احب اتفلسف عليك ..

لكن انا جربت اللي انتي فيه و عانيت كثييييييييييييير بدنياي و الحمدلله على كل حال ..

ولانيب احب اتفلسف على احد بس مااحب برضو اشوف احد حزين

اختي انا ادور و اتمنى اني بيوم اصير تاجره و ماتدرين يمكن بيوم من الايام انا و انتي نصير شريكات تجاره ..

عندي افكار بس ماااش الجيب فاضي .. و لا عندي اي مانع انا و انتي نتشارك باي شي يدر علينا ربح حلال ..

وبدون تعب .. و محلات و شغل خرابيط التجاره الحين صارت بالنت ..

الله يسعدك و يييسر امررررررررررررركم ياااااااااااااااا رب ..

شكرا لكل من مر من هنا
اختي وتستمر الحياه
كلامك مريح جدا الله يوفقك دنيا واخره
ويفرجها علينا وعليك وعلي الجميع

الله يفك محنتكم ويسرها لكم

أختي الله يفرج همك ان شاء الله أنت وزوجك أهم شي في الدنيا الصحة والعافية والباقي يهون أنا أخواتي كلهم عاطلات اللي من عشر سنين واللي من خمسة عشر سنه الحمدلله على كل حال حتى في حافز مالهم حظ والحمدلله راضين بما قسمه الله لهم أنا حبيت أدلك يأختي على مشروع ناجح بإذن الله اللي هو محل سباكه ومواد بناء بشرط يكون موقعه بجوار أو قريب من مخطط سكني حديث محلات البناء فيها خير كثير وقبل كل شي الإستخاره والله يرزقنا وياكم من واسع فضله

الله يعينكم اختي ويفرج همكم

[gdwl]
عليكي انتي وزوجك بصلاة الليل والدعاء بسكينه
الله يفرج همك وييسر امرك

ا
[/gdwl]