بسسمم الله وعلى بركة الله نبدأ موضوع الدفاع الجوي

الله يوفقكم ويوفتني ياكم اخواني المتقدمين على جميع القطاعات العسكرية
وأسال الله سبحانة وتعالي في هذه الساعه ان يفرج هم كل عاطل لدينا وان يرزقة ماكان يرزق الطير بالعش

ويشرح صدوركم ويفككم من هم البطالة التي تبدو شبه عار ع المجتمع السعودي

اول استفسار بسيط في الاستفسارات الدفاع الجوي
الحين يوم قدمنا عليهم اعطونا بس رقم الطلب ولا ارسلو لنا رسايل برقم الطلب على الجوال
ولا قالو لناسيتم اخبارك برسالة نصية عندما يتم قبولكم .. ي خوفي نضامهم يدقون لاني اذا جيت انام اصمت الجوال وانخمد .؟

السلام عليكم انا خريج كلية تقنيه تبريد وتكييف ومافي بين الخيارات تبريد وتكييف ايش الحل

ي عيال رقم الطلب الي اعطوكم نفس رقم الهويه الوطنيه صح

السلام عليكم
التسجيل لا يقبل غير الاكسبلوور فقط


اتمنى اني افدتكم

وعسى الله يوفقكم يارب

السلام عليكم ..اخوكم متخرج من الثانويه علمي بتقدير ممتاز ..هل تنصحوني اسجل بالدفاع الجوي والا انتضر قطاع ثاني مثل الحرس الوطني مع ان طولي 167ززتحياتي لكم وياليت تفيدوني عن طبيعه عمل الدفاع الجوي ودوامهم وتخصصاتهم..

بالنسبه لـ الرواتب الجندي ابتداءاً من 5900 وأنت طالع
أنت ثانويه بالدفاع الجوي تاخذ رتبتة جندي أول يعني ماتنزل عن 6500
وأكيد لهم علاوات طبعاً 6500 الراتب الأجمالي اللي هو الراتب الاساسي + العلاوات

اما بالنسبه لـ الفحص الطبي انت تسجل بالنت وإذا قبلوك ( قبول مبدئي )
تروح لقسم التجنيد يطلب منك 6 صور كاشف الرأس ويوجهك لمستشفى القوات المسلحه وهم يفحصونك
والفحص يشمل : عيادة الأذن والحنجره / عيادة النفسيه / عيادة العظام / عيادة الأسنان / عيادة التحاليل من دم إلى بول الله يكرمك / عيادة الباطنيه / الأشعه .
وبعد ماتجري الفحوصات يقولون لك روح وحنا نتصل عليك إذا نتائج الفحص الطبي جميعها (لائق طبياً) يتصلون عليك تجي وتاخذ اوراق العمده والبصمات تملي بياناتك فيها وتخلي العمده يختم عليها وتخلي قسم الشرطه يختمون عليها ويعطونك مع الاوراق خطابين لـ الأحوال اللي هي تاخذ برنت وأنت واقف ب5دقايق والثانيه توديها للأدله الجنائيه تسوي بصمات ونتايج البصمات غالباً ماتاخذ يومين بالكثير لكشوفات التجنيد ..
وبعد ماتخلص من الاوراق تسلمها مع 4 صور كاشف الرأس .. ويقولون لك انتظر اتصال لـ القبول النهائي
يرفعون اوراقك للرياض وبعدها بأقل من اسبوع يتصلون عليك يقولون لك التحضير بالمكان الفلاني باليوم الفلاني بالتاريخ الفلاني تعال خذ اوراق الطلبات من قسم التجنيد .. وبعدها الدوره العسكريه حسب مدتها وإذا تخرجت ينزل تعيينك سواءاً بخميس مشيط أو بحفرالباطن أو غيره ..


منقول من اخوي صاحب النك يتيم الجيب

اما وزارة الدفاع اللي هي الجيش لها كذا قطاع :
1. القوات البريه 2. القوات الجويه 3.القوات البحريه 4. الدفاع الجوي 5.الصواريخ الاستراتيجيه ...الخ
انت تبي الدفاع الجوي .. الدفاع الجوي له كذا قطاع منه الشرطه العسكريه والتموين والامن حمايه
التخصيص بالدوره طبعاً وهي دوره عسكريه لمده مابين ال6شهور الى 9شهور حسب التصنيف ..
مافيها دراسه نهائي تدريبات عسكريه كأي دوره عسكريه ..
الشروط ثانوية عامه الطول يجب ان يكون مناسب للوزن أقل شي طول 165


منقول من اخوي صاحب النك يتيم الجيب