السسسسسسلام عليكم ورحمه الله وبركاتهً


اخواني انا وزميلي راح نطلع قرض تقريبا رح يكون 100 لي و100 عليه

راتبي 5000 ريال

واقترح لي نشتري شاحنه مرغوبه عند الشركات


سؤالي هو : 1- تتوقعون يكون المشرووع ناجح بحكم اننا مشتركين

2- سمعت ان ايجارها شهريا 17 الف ريال بس اهم شي الصاافي كم ؟؟؟ عشان يكون لنا مكسب شهري على الرااااااتب


ننتظر اقتراحاتكم

شف انت من اي مدينة اولا

واذا تبي عقود موجودة بس المشكلة العامل لو زعل عليكم والله تكرهو الشاحنات

اولا بيوصلكم من بلادة منتف يبي لة تدريب 6 شهور اقل شئ

واذا بتاخذ من برى عزالله بيفرمكم هالاجنبي

اول مايوصل الاجنبي تدريب وتقولة راتبك 3000 ريال

اذا انت شغال تمام وكويس ارفعة 4000 ريال غيرها مافي انسى

مايبي روح سفرة ولاتشاور وجيب غيرة

لاترحمة لانة راح يحتك مع عيال عمة وبتشوفون ربيع الشاحنات

المهم العقود مليانة

رمل - صخر كل شئ موجود

فية نوعين من العقود :

بالرد وبالكيلو يحسبوها عليك والرد عادة لــ 100 كيلو 400 ريال او اقل انت وحظك مع الشركة

العقد الثاني :

وهو الاخطر في نظري 18 الف ريال شهري ولكن لو قالو احنا نجيب لك العامل صدقني شاحنتكم بعد 6 شهور

بتتغير ملامحها وتنصدم لانهم بيكرفوها وتكون شغالة 24 ساعة

والغيار عليهم وكل شئ عليهم ونصيحتي لاتوافق اقل من 3 سنوات عقد وخلهم يعدمونة

قد طلعت قيمتة ودبل

و الفلوس الي تاخذوها شهريا ياتصيرو يد واحدة وتجمعوها وتطلعو الثاني والثالث الخ

او العبو فيها وبالنهاية ماراح تستفيد

وانا اعرف لك اكثر من شخص لديهم عقود بالغربية اعطيك ارقامهم واتفق معاهم ولالي منك اي مصلحة

مجرد فاعل خير والله يرزقكم

لاتقولي انا احبطتك يغالي انا مجربها واعطيك كل السلبيات عشان تعرف اذا واجهتك مشاكل مستقبلا

احد العمال الي كانو معاي دربتة وعزيتة واعطيتة 4000 ريال شهريا تدري وش سوا فيني

قال انا يشوف عامود انا يدخل بالتريلا قلت لية قال انت مايعطي فلوس زيادة

شف الخبث يبي يروح يشتغل مع عيال عمة بجدة في مستودعات على حسب كلامة

يبي يكون ثروة

المهم قلت طيب واجيك واخلص اجرائات السفر واعطية واحد الى هو في بلادة والله انصدم بس يستاهل

عدم لي الشاحنة عشان مايشتغل

الجنسية باكستاني

بعد اذن صاحب الموضوع الله لايهينك

خالد محمد مشكور عالشرح ربي يسلمك ممكن تذكر لنا كم اسعار التريلا وش افضل الانواع المرغوب فيها ولها دخل افضل عن غيرها ....
تريلا او قلاب او خلاط مثلا
وش رايك بالي يجيب من الخارج مثلا المانيه طلبيه او الاردن يقولون نظاف وارخص وموديلات حديثه وارخص من الي عندنا
ومشكورين موضوع مفيد جدا

مشروع طيب والله يوفقكم بس شوف اسعارها اول

خالد محمد : الله يعطيك الف عافيه والله افدتني واجد عسا الله لا يحرمك الجنه انت ومن تحب

رجيت الله : حياك اخوي .. نفس السؤال لكن انا سممعت ان الموديلات الحديثه تخرب واجد بعكس الموديلات الي بالثمانينات بس ما ادري هل نفس الدخل ام لا ؟؟؟ومدري ايش هو النوع المطلوب ليت احد يجي ويفيدنا

اهلاوي جده :ويوفقك يـأررب

مشكور يا خالد ياجعلك الجنه شرح واافي

تسلم ياعاطل ربي يخليك
انا والله ناوي على خلاط اشوف بنظري احتياجه اكثر
وحتا لو جبت من بره ماابي موديل جديد ابي القديم افضل قوي مره ويتحمل في في مواقع اردنيه اذكر شفتها معرض للشحنات وكل شي عندهم مااادري ايش قصتهم معا االعلم المبلغ الموجود عندي ميه الف فقط شكلي بغير المشرووع

انشالله يجي من يفيدنا ماقصرت خالد وعاطل مشكورين

خالد : والله شكلي بجزاف وناخذ لنا جديد واطلع الثاني والثالث لان التججاره مافيها لعب ابد وانا مافكرت بهذا المشروع الا اني رجال(ن) صصامل ومحتاج كل هلله بس ما ادري يعني لو اخذت جديد او شي نظيف جدا بـ250 الف او 270 الف هل يزيد الدخل الشهري ويووصل الى 25 الف ام لا لكن الارزاق بيد الله سبحانه

رجيت الله : الله يرزقك ويرزقنا من واسع فضله ويبعد عنا المال الحرام