المشاركة الأصلية كتبت بواسطة ناسااا

بارك الله فيك

هل انت متأكد من المصاريف انها 10000 الاف ريال لي 100 راس وبعد اشهر بيتضاعف العدد

اظن المصاريف اكثر يا اخوي انا ماني راعي عنم لاكن اتوقع تكلف اكثر ياليت توضح لي

اذا كان فيها خراج توكلنا على الله وشرينا اذا كنت تعرف طريقة حساب المصاريف نورنا فيها


الله يوفقك

المشاركة الأصلية كتبت بواسطة حيرتني

مو متأكد كم المصاريف لكن الي اعرفه ان الغنم تولد بالسنه مرتين
واغلبهم تولد على ثنين
وبعد 5 شهور تبي الجفره على 500-600 ريال
و التيوس لها مواسم احيان يوصل سعرها 900 ريال واحيان 800
لكن تجارة الاغنام مربحه جداً لكن تحتاج متابعه واهتمام

والشي الثاني مصاريفها منها فيها يعني انت تحط راس المال فيها وتدفع مصاريف شهرين
وبعدها تبيع وتشتري بالاغنام ويكون هي بنفسها تصرف على نفسها

لكن انت قبل تدخل المشروع لازم تروح تسال تشوف الاسعار عندكم
تدور اقل الاسعار تدور مكان تحطهم فيها

انا اعرف شخص تو شاري مزرعه بـ 70 الف ريال فيها ماء عشان الغنم حاطهم فيها
وبنفس الوقت سواها استراحه له مع انها بعيد لكن الهدف هو انها تكون للغنم
انت سو موضوع هنا يالغالي بالمنتدى وبيجونك الاشخاص الخبيرين بالموضوع
وبيفيدونك ان شاء الله

لكن المشروع هذا بقولك قصه عنه بس عشان تعرف المبالغ الي فيه
هذا واحد من اصدقاء عمي بالعمل قام واخذ قرض وبدء يبني عماره
لكن نقص عليه تقريباً 170 الف ريال وتعب يدور ولا احد عطاه
وكان عنده اخو عمره 17 سنه يدرس في ثالث ثانوي قاله كم ناقص عليك
وقال له المبلغ قام وعطاه الناقص استغرب يعني يدري ان اخوه عنده فلوس من تجارة الغنم
خاصه وهو يشتغل فيها مع ابوه من يوم صغير
لكن ما تخيل هالمبلغ يكون عادي عنده فقال له ان حسابه اكبر من كذا ورفض يقول له كم
لكن الشخص هذا تجيه يوم تلقاء عنده 50 راس بكره ما تلقى شي عنده
يعني يشتري ويبيع بشكل مستمر

سوق الغنم ذهب لكن يبي من يعرف لها