لا وازيدك من الشعر بيت
قابلت لي واحد من الزملاء تعرفت عليه لما بديت البزنس هو صاحب مخبز وورش سيارات
المهم
قلت له يوم من الايام ماتعرف لي احد يكون عنده خبره في مشروع نشتغل انا وهو سوا
قال لي ادور لك
وبعد فتره جاني وقال لي لقيت لك يماني معلم حلويات مرررررره شاطر وصاحب فكر
المهم
تواصلت مع الرجال وتكلمنا على التليفون كم مره وفي الاخير تواعدنا في مطعم فخم جدا وبدينا نتكلم مع بعض وللامانه الرجال عارف شغله 100 في ال100 وقعد يفصل لي تكلفت المعمل والمكائن وانواع الحلويات وطريقة البيع والتوزيع وصالة العرض وفين تكون وكيف تكون وانه المشروع يكلف توتال 400000 الف ريال وكانت الامور ماشيه حلاوه الين قال 60% من الارباح لك و 40% له وبعد خمس سنين اخذ راس مالي كامل واطلع من الفلم وبلمقابل كل الفيز الي بتطلع على المحل هو مايحتاجها تشتغل معاه وقال روح بيعها تجيب لك مبلغ حلو فوق ارباحك وبنسبه للعماله هو حيجيب ناس معارف له معهم فيز حره ويشغلهم معاه,,,,, بعد كلامه هذا بغيت اغص بلقمه الي في فمي وسكت شويه وقعدت افكر وقلت في نفسي حتى العمال من عنده يعني عمالي ماحيتعلمو شي وغير كذا يقول الاداره عنده بلكامل وكمان خمس سنين وباي باي رغم ان الارباح مع راس المال بعد خمس سنوات بتوصل لي اقل شي اثنين مليون وسبعمئه الف وللامانه الرجل صادق من ناحية الارباح ,,,,لاكن ابتسمت له وناديت القرصون وقلت له صحن تي بون ستيك وحلاء تراميسو وكوكاكولا تبعي هذي حسابها وحسابه عنده وطشيت المنديل على الطاوله ورحت لسيارتي....المفاجئه انه لحقني لانه مامعه قيمة عشاه.
زبدة الكلام راس المال هو الأهم وان كان صاحب راس المال معوق ذهنيا يروح يجيب ناس تفكر عنه براتب كل شهر مهو النص بنص او حتى 1% حرام.... الي مامعه فلوس يروح يشتغل بيده الين يجيبها مو يقاسم الناس في حلالها بحجة الافكار
وهذا الكلام الدسم ليته يصمل على شوارب صاحب راس المال
15-10-2012, 12:50 AM
العرض العادي
