معكم اخوكم مهندس حاسب الي(مبرمج) وتوي خلصت الجامعه وقدمت على بعض الشركات وزي ماقال الاخو يطلبون خبرة

استفسار :
احد يعرف شركات تطلب تقنية معلومات اول دلوني عليها انا اروح لهم لاني من ابها ولا اعرف شركات بالرياض والدمام وجدة تطلب تخصصي

انتم اشوى من المهندسات البنات الي الي لافي الحكومي ولا الخاص يقبلونهم بصراحة كل المهندسين مهمشين مادري ليش.......

انا مهندس حاسب آلي شبكات خبرره سنتين اللي يعرف شركات تبغى موظفين لايبخل علينا ومهندسين الحاسب اكثر ناس مظلومين فالبلد ذي كلهم يطلب فني حاسب او فني اتصالات احنا مهمشين لكن الله ييسر

المهندسين الان وضعهم محزن للغاية يعني انا الان داخل على السنة الثالثة وللان لم احصل وظيفة بشهادة الهندسة وانا مهندس كهربائي ولا كن موظف بشهاده غير شهادة الهندسة وجدارة للان انتظار ولا في شي والنقاط ماهي ذاك الزود والوظائف قليله جدا والشركات للان ماحصلت فرصة فيها والوظائف الحكومية يكون اعلان عن وظيفة واحدة وانصدم من عدد المهندسين المتقدمين لنفس التخصص يوم يجي الأختبار تحصل معاك 90 شخص او اكثر ووظيفة واحدة والى متخرجين من امريكا واليابان والله وضع محزن ومؤسف للغاية بالنسبة للمهندسين الله كريم

السلام عليكم يا معشر المهندسين المحترميين

اخواكم مهندس مدني عاطل



حبيت اسوي قروب اجمع فيه كل المهندسيين ونعرض فيه اخر الوظائف
والدورات والنصائح ويوجد مهندسيين كبار بالسن يوجهون الشباب بالنصائح المهمه

من حب يدخل معي بالقروب يتواصل معي على جوالي



0544685525

انا مهندس مثلكم وعاطل ماعندي خبرة !!

مهندس ميكانيكي

وكما يبدو قريبا كاشير

السلام عليكم ورحمة الله وبركاته
مبارك عليكم شهر رمضان
أخبار البش مهندسين .. انا مهندس مدني متخرج هالسنة وقدمت في كل مكان والي الان لا حس ولا خبر وافكر بعد العيد اشتغل حراسات امنية الين ما ربي يفرجها .
شباب اش وضع الوظائف الهندسية في القطاع العسكري من حيث الرواتب والمميزات ووممارسة المهنة ؟
والله يوفقكم . وأسأل الله العلي العظيم أن يحسن أوضاعنا في بلدنا الحبية وينصرنا على من ضلمنا .

السلام عليكم

ما يحصل للمهندسين مأساة بكل معنى الكلمة .. لا كادر لا تصنيف والحمد لله على كل حال

تخرجت في 2013 وكلي تفاؤل واني مهندس معناه كل الابواب مفتوحة امامي ولكن !! .. بعد 6 اشهر توظفت في شركة استشارات هندسية براتب 8000 ريال وكنت احاول اثبت نفسي واضغط على نفسي واداوم بعد ساعات الدوام واحيانا اداوم السبت

ولكن بعد 3 سنوات - علما ان راتبي ما زاد الا 500 ريال- جانا ايميل من الشركة ان اغلب المشاريع سحبت من الشركة ومافي شغل والله معاكم .. كان هذا في فبراير 2016

ومن يومها وانا عاطل والحمد لله دايما وابدا ومنتظر وظايف الخدمة المدنية

الشي الغريب والمؤلم سنة كاملة ما دخلت اي مقابلة وقدمت يدوي والكتروني على اغلب الشركات !!

البلد فيها 200الف مهندس اجنبي و35الف سعوديين الحل باحلال السعودي مكان الاجنبي
المشكله في ذا الشركات ان راتب المهندس الاجنبي اعلى من السعودي ويرفضون توظيف السعودي