16-10-2012, 06:52 AM
|
 |
عضو ماسي
|
|
تاريخ التسجيل: Mar 2011
الدولة: ج ــدهـ
المشاركات: 1,802
معدل تقييم المستوى: 14707530
|
|
نقاط على الحروف ( لكل شخص مو عارف كيف يبدأ مشروعه )
السلام عليكم ورحمة الله وبركاته
بصراحه حبيت اكتب موضوع ان شاء الله انه يفيد الجميع وانا اولكم لاني اشوف كثير تايه ومو عارف كيف يبدا او من وين يبدا فقلت اكتب هذا الموضوع لعل وعسى اني افيد احد .
طبعا كل واحد عنده فكرة مشروع في باله وعنده ميزانيه لكن مايعرف كيف يخطط لها التخطيط السليم او ينفذها على ارض الواقع
ويخلي الفكره بدل ماهي (ملحوشه فالراس)  تصير واقع ملموس .
ومن هذا المنطلق كتبت موضوعي هذا على شكل نقاط
· وفي اول النقاط نبدا :
· استقرار الراي على البدء بعملاً ما ( تحديد الهدف ) وهذا شي مهم جدا لتفادي التشتيت الذهني المزعج جدا جدا .
· التحدي للبدء بهذا العمل بمده زمنيه معينه ( مثلآ : اسبوع , شهر ) .
· كتابة ماسيتم عمله في كل يوم بالمده الزمنية ( قبل البدء ) حتى تدشين العمل .
· اخذ الاراء حول الجدوى من فكرة العمل , ومعرفة ردود الفعل حول الفكرة هل ايجابية ام سلبية .
· والاهم من ذلك هل انت مقتنع بنجاح فكره العمل ام لا .
· استخدام البحث والسؤال لمعرفة هل يوجد منافسين لك في هذا العمل ان وجد حاول معرفة نقاط الضعف والقوه لديهم واستغلالها ( تعزيز القوه وتقوية الضعف ) .
· اهمية اسم العمل فهو اول انطباع عن العمل سيأخذه الناس واسهل طريقه لايجاد اسم مناسب للعمل هو (كتابة الصفات التي يتصف بها العمل على ورقه واختيار من هذي الصفات اسم سهل بسيط يسهل على الاخرين تذكره وذكره ) .
· خطة العمل هي اهم جزئية في أي عمل لكن ليست بالصعبه يجب عليك فقط ( كتابة أولويات العمل , توزيعها عبر المدى الزمني للعمل , ضبط الخطوات وفق ميزانية العمل ) .
· مثال : قررت افتح بوفية وميزانيتي ( 45 آلف ) وخلال مده زمنيه محدده ( 6 اسابيع ) لين افتح المحل .
ملآحظة: الارقام افتراضيه في المثال .
· اول شي اكتب وش يلزمني طبع ( سجل تجاري , استئجار محل , عامل , مستلزمات البوفية , استخراج اوراق من البلدية ) الخ .
· نبدا نوزع الميزانية اللي معي على المستلزمات لفتح البوفية .
· سجل التجاري : 1000 ريال .
· اجار المحل : 2000 في الشهر وفي السنة 24 الف تقريبا طبعا هنا في شي مهم لازم تركز عليه لو كانت ميزانيتك لا تسمح لك باستئجار لمدة سنه مثلا حاول تستأجر لمدة ست شهور قابله للتمديد وزي كذا لين تبدأ توقف على رجولك .
· راتب العامل : 1500 ريال شهريا .
· ملآحظه: بخصوص العامل ( انا ماعرف في التآشيرات وكذا لكن بخليها خارج الحسبه لو فرضنا انه يوجد عامل على كفالتك ) .
· مستلزمات البوفية : 15000 ريال .
· كذا انتهينا بشكل تقريبي من توزيع الميزانيه .
· نجي للاهم وهو توزيع الخطوات للمدة الزمنية .
· الاسبوع الاول : البحث والتخطيط ( طبعا هذي للاشياء المذكوره اعلى يعني تعرف الاسعار ووش المستلزمات حقة المحل الخ ) .
· الاسبوع الثاني : استخراج سجل التجاري ( مدري كم ياخذ بس خلينا نخلي الاسبوع الثاني للسجل )
· الاسبوع الثالث : البحث عن المحل في موقع مميز يتناسب مع الميزانيه واستئجاره .
· الاسبوع الرابع : استخراج الاوراق اللازمه من البلديه وتوفيت الشروط ومن هذا القبيل .
· الاسبوع الخامس : اشتراء مستلزمات البوفية ( وفقاً للميزانية والتوفير والترشيد مهم ) .
· الاسبوع السادس: الاتفاق مع العامل على الراتب ومباشرة العمل وافتتاح المحل .
· ملآحظه : طبعا الارقام المذكوره جميعها افتراضيه وكذلك وش يلزم في فتح البوفيه مجرد مثال .
· طبعا بعد تحديد توزيع الميزانيه وتحديد الخطوات يجي الاهم والاهم وهو تحديد موعد التنفيذ .
· بما ان الصوره صارت واضحه امامك ومعروف منك وش تسوي كل اسبوع او يوم راح يسهل عليك التنفيذ كثير ويختصر عليك الحوسه والتشتيت الذهني وراح تخلص من العمل في الموعد المحدد لك .
· طبعا في بعض الاشياء راح تاخذ اكثر من اسبوع هنا لازم تستغل شي مهم جدا جدا بهذا الخصوص راح اضرب لك مثال عشان تكون الصوره واضحه .
· مثال الاسبوع الاول خلصت منه حلو حتى لو كان معك وقت فيه حاول هذا الوقت تخليه راحه لك .
· طبعا الاسبوع الثاني ماخلصته يعني في اشياء ناقصه هنا يجي دور الاسبوع الثالث لو حصلت فراغ فيه حاول تخلص الناقص اللي في الاسبوع الثاني في الاسبوع الثالث بس لا تحاول تاجل الاسبوع الثالث اهم شي تكون منتظم في الشي واستغل وقت الفراغ في اكمال النقص الحاصل وان شاء الله ماتحصل نواقص اذا كان البحث والتخطيط سليم .
طبعا كذا انتهينا واتمنى تكون الصوره واضحه للجميع ويكون في طرحي فائده ولو بشكل بسيط
طبعا في كل شي صعوبات لكن بالاصرار والعزيمه نقدر نتخطى هذي الصعوبات باذن الله .
وانا هنا تكلمت بشكل عام في جميع المجالات بدون تخصص في مجال معين لتعم الفائده
واتمنى من كل قلبي ان أي شخص لدي اضافات لو بسيطه يضيفها للموضوع ليستفيد منها الجميع واولهم انا .
نصيحه من ورى الباب
* تحديد العمل , تحليل العمل , كتابة خطوات العمل بشكل تسلسلي ( أ , ب , ت , الخ ) , تنفيذ خطوات العمل وفق الشكل التسلسلي .
صدقني ح ـتنجح 
واعذروني على التنسيق ( المخيس )
بقلم اخوكم
المتآخر بدري عاشق برين الذكي 
التعديل الأخير تم بواسطة مےـتأخر بےـدريے ; 16-10-2012 الساعة 07:05 AM
|
العرض الشجري
