السلام عليكم ورحمة الله وبركاته

جاتني رسالة من حرس الحدود الساعة 1:8 الظهر

تقول اخي المتقدم عليك مراجعة معهد حرس الحدود
البحري بجده او معهد حرس الحدود بالرياض بالزي الرياضي يوم الاربعاء 1 ذو الحجة او يومي السبت والاحد 18-19 ذو الحجة لاستكمال اجرائاتك مصطحبا اصل المؤهلات العلمية والهوية الوطنية وصورة شخصية وقلم ناشف ..

مع العلم اني غير مقبول بالقبول المبدئي ودخلت على موقعهم يقولي نعتذر عن قبولك والحين تجيني منهم رسالة مدري يا شباب احد صار له مثلي ؟ ولاهم غلطانين ولا وش السالفه ؟

وبعدين متى اجيهم بكره الاربعا ء ولا السبت والاحد 18-19 ذو الحجه
انلحس مخي

لاء ماهوب غلطانين لو مايبون مارسلولك

تلقا صار عندهم نقص من البدايه واستدعوك رح وانا اخوك وفالك التوفيق

أنا نفسك يالخووووي بس زود الرسالة حاطين لي راجع معهد حرس الحدود البحري بجدة أو معهد حرس الحدود البحري بالريااااض

أنت كليه أتوقع صار عندهم نقص

واضح الرسالة يا تجيهم بكره أو مثل ماقالوا 18 أو 19 ..

لإن نهاية دوامهم بكره ... عشااان كذا قالوا 18 أو 19

وفالك التوفيق

دعائك لنا وإذا رحت خبرنا وش صاااار معك .؟

[align=center]
مساء الخير يا شباب ....

انا موعدي يوم الأربعاء 1/ذو الحجه/1433هـ الساع 6 صباحا وعندي كم استفسار ويا ريت القى الجواب

س1/ الصور الشخصية مكشوفة الراس لازم تكون محلق على رقم 2 ولا اهم شي تكون مكشوف راس

س2/ وش اكثر الأسئلة اللي تجي في الاختبار التحريري والمقابلة الشخصية ؟؟

س3/ اللي عنده فقر دم وياخذ حبوب فقر دم تطلع عندهم في الكشف ولا مالها دخل ؟؟؟

س4/ اختبار اللياقه البدنية عن ايش ؟؟؟ يعني وش التمارين اللي بيعطوننا ؟؟؟

اللي عنده خلفيه يعطني حل للأسئلة هذي ويا ريت اليوم بالليل لان موعدي بكرة .... وووواتمنى للجميع التوفيق والقبول النهائي يا رب

دمتم بود ...
[/align]

ملاحظه بسيطه *

اللي عنده خبر عن الاسئلة اللي كتبتها قبل شوي يتصل على جوالي لاني احتمال ما اكون عالنت اليوم
وان شاء الله بوافيكم بالأخبار بكرة

هذا رقمي 0560524510

أخوكم ناصر القرني ...

انا كان موعدي الاثنين .,..


أول مادخلت الصبح فيه اوراق ملزقينها على الجدار .. بـ معهد سلاح الحدود بالرياض

وقسمونا لـ 12 مجموعه ... بس انا ماعليكم ذيبأن .,.. كنت مع الاخيرين .. فـ تطامرت لين .. ماجلست دقيقتين وسويت .. الفحص اللياقي .. الي تجلس قدام المدرب باكستاني تسوي بشم لين 25 او 30

بعدين يقول لك تمرين البطن ,, بعدين فيه طاولات ... قدام باب القبول مع كراسي

جلسنأ عليهأ على دفعات تخيلو بعد التمرين الرياضي تجلس ب ميدان الجري بس .. انا بعد : ذيبأن
تغافلتهم لقيت لي كرسي .. ماجلست مع الي ب الميدان وجلست فيه وجاب ورقه قال اكتب .. رقم التسلسلي .. كتبته دخلنا مركز القبول دقق ب الشهايد .. انها كامله
شوي قال ... ادخلو داخل المقابله الشخصيه ... ألدكتور النفسي ..
يسالك يقول .. وين تبي التعيــن طبعا الورقه الي عطوني اياها فيها مكان اخر شهاده درستها
اي مدرسه وكم سوال
{ هوايتك }
مكان عمل الذي تريده بعد الدورة
كم تقضي وقتك بجلوسك ب الانترنت باليوم
ومن الاسئله السهله

{ الدكتور يقول لك .. وين تبي تدأوم .. تعينك }
تقول مثلا الرياض . .يقول لك بطريقه حرب نفسيه .. لا ماعليك التعين الدورة ذي كلها ..
بالجنوب جيزان ..يشوف نفسيتك تبيها ولا .. كذأ
خلك ذيبأن وخل جوابك .. طبيعي .. { اوكيه جيزان عادي مافيها شي ندور رزقنا عسا الله يرزقنا . } ومن الكلام
بعدين تدخل على { قاعه مثل قاعات الاختبارات }

يجيبون لك نموذجين واحد الاسئله .. { كنا فوق الـ 250 واحد } وقلم رصاص و ازرق ضروري شباب
يقول لك توجه الحين .. ل الكراسي ,, تجلس
يجيك نموذج اسئله ونموذج اجوبه ...

دوار تغمقها بس والاسئله سهله

{ يجوز للمتجنب المكوث بالمسجد } { الجواب يكون فقرتني } الاول { أ } صح { ب } خطا ,,, الجواب تغمق [ ب ]

.. واسئله ثأنيه .. مثل ..{ وزير الداخليه الحالي احمد بن نايف } {أ} < صح
سهله الاسئله ... حيل بعدها .. تمسك الباب يقولون بعد العيد النتايج ...


وتمنيأتي لكم ب التوفيق ولاتنسوني تكفون ثم تكفون من الدعاء الله يرزقنا وياكم

قل يالله ان الله يرزقك من اوسع ابوابه ... ويكثر خيرك على المعلومات والله افدتنا كثير بصراحه

طيب الجري يخلونك تجري كثير ولا لا ؟؟؟ وتمرين البطن يكثرون عليك ولا لا ؟؟
ومن سوى معك المقابله الشخصية؟

ونسيت اسألك يا ذيبان كم عدد الأسئلة تبع الاختبار التحريري وإذا سألني وين ابي التعيين اقولله المكان اللي اببيه انا ولا لا ؟ وهل اخذوا الطول والوزن مرة ثانية ولا مشوك ؟؟؟