سسلام



سؤال لاهنتو ‏‏



الحين وحده متخرجه بكاليورس وحابه تقدم على وظيفه معلمه في قريه حولهم وسمعت أنو فيه وظائف




كيف ووشلون ‏


هل تروح للمدرسه وتقدم من عند المديره


او شلون

ياحبيبتي التقديم على جداره فقط وهذا الكلام أول مره أسمعه إذا فتحو التعاقد يصير التقديم من عند الإشراف التربوي غير كذا مافيه
لو المديره توضف كان أول مايتوضف بناتها وبنات خواتها والعزيز الغالي طبعا

روحي لموقع جداره وسجلي فيه واتأكدي ان بياناتك صحيحه
واي مشكله تواجهك بالتسجيل او في تعبأة البيانات ارجعي هنا واسئلي
ثاني شي ..
تابعي المواقع مثل هالموقع وموقع ( صحيفة الخريجين ) لان يعلنوا عن الوظائف بها
والاخبار أول ما تجي تكون فيها
بعدين لما يعلنوا عن احتياج لتخصصك راح يعطوكم فرصه تحدثوا بياناتكم بجداره عشان تدخلوا بالمفاضله
والمفاضله تكون بينك وبين البنات اللي نفس تخصصك
مثلا لو انتم ٣٠٠٠ خريجه ونفس التخصص والوظائف الي اعلنوا عنها ١٠٠٠ وظيفه
راح يعملوا بينكم مفاضله .. والمفاضله تكون بالمعدل والاقدميه لان هي تحدد نقاطك
فكل ما كان معدلك عالي كانت فرصتك اعلى
لو وفقك ربي واختاروك للمفاضله راح يرسلولك رساله ع جوالك انه تروحي للفرع الي اخترتي تراجعيه بجداره
وتطابقي شهادتك هناك
وبعدين بعد ما تطابقي شهادتك تنتظري شي اسمه " الترشيح النهائي " وهذا الترشيح بتنزل اسماء اللي بعد المطابقه
وهذا الترشيح معناته الوظيفه
..
بالنسبه لاستفسارك ترى معلوماتك غلط وهذي هي طريقة التوظيف بالبكالوريوس بالنسبه للتعليم
اتمنى اني افدتك
واي استفسار مهما كان سخيف هههههه انا موجود لانك بمرحله كلنا مرينا فيها وهي مرحلة التوهان
اي استفسار او سؤال اتفضلي قوليه وخذي راحتك وان شاء الله ما اقصر معك لا انا ولا الاخوان والاخوات هنا