السلام عليكم ورحمة الله وبركاته


وضعي الحالي جدا صعب ولكن بأختصاااار

انا اردنية متزوجه من سعودي ، زوجي ماطلع كرت العيله ، واقامتي منتهية ولازلت على كفالة ابوي ، وعندي طفل الحين اثباته الوحيد تسجيل الولادة

زوجي ماسوى اوراقه ولا نقل كفالتي ولا طلّع كرت العيله ، وفي الكمبيوتر يعتبر عازب ،

والحين زوجي رجعني عند اهلي وقال لي مانبي نكمل سوى ، ولكن لسه ماطلقني ،

ومعي طفل عمره سنة واربع شهور معاه لين العظام

ووضع اهلي المادي سيء للغايه والسكن الي ساكنين فيه اهلي اسوأ وهالسكن ابدا لايصلح لطفل عمره سنه لأن الكيابل مكشوفه والبيت تحت مستوى الأرض وكله رطوووبه


لو الضمان عرفوا بوضعي هذا يتفرجون علي لأني اجنبيه ؟؟؟

مع العلم ان ولدي سعودي !!!!

الله يفرج هموم من يساعدني يارب

الله يوفقك من كل الجهات ويفتحها بوجهك

ان شالله يقبلونك اختي كثري استغفاااار وذكر الله وياااارب تنفرج عليك

ان شاءالله يقبلونك لان ولدك سعودي وزوجك بيقطونه بالسجن لانه ماطلع كرت عايلة لك ولولدك

المحاكم فاتحة ابوابها لك روحي ولاتخافين ولدك رضيع وكل الشهور اللي راحت رايح يعوضك يدفعها عن كل شهر 500ريال وحسب راتبه اللحقي على المحكمه قبل يبلغ الطفل سنتين

أرفعي عليه قضية نفقة

اختي العزيزة

اول شي حاولي انك تقنعين زوجك يطلع كرت العايله

لانه شي مهم وهذا الشي هو الي بيثبت ان والدك

ابوه سعودي تقدارين بعدة تسجلينه في الضمان

اما بدون كرت عائله ماتقدارين تسوين شي

وماتقدارين حتى تثبتين ان ابنك سعودي لانك ماتملكين غير

ورقه ان ابنك تمت ولادته في هذا المستشفى فقط

انصحك انك تستغلين الوقت وتحاولين توصلين لشي يثبت حقك وحق ابنك

لان المساله خطيرة اذا اهل زوجك فيهم خير روحي عندهم واشرحيلهم ظروفك

لانك في هذي الحاله مافي شي يثبت انك زوجته حتى لو كنتي سعوديه

والمحاكم حباله طويله وخصوصا انك في الاردن

اسال الله ان ييسر اموارك ويفرج همك والله قادرا على كل شي

اسمعي لازم تستشيرين محامي يساعدك وينورك وش تسوين حتى تثبتين حقك وحق هالطفل اذا تبين نشوفلك محامي تستشيرينه حاضرين او سوي لك حساب بتويتر واستشيري المحامين يااختي انسان مثل هذا مايجي الا بقوة القانون لاتضيعين حق الولد بجنسيته ابدا استغلي دام انك بالسعوديه

والامور ماتمشي الا بالاثباتات سواء بالضمان او غيره على فكره اظن انو لك حق تستخرجي كرت عائله خاص فيك هذا خبر جديد سمعته مدري عاد اذا طبقوه اولا

ياجماعه كيف ارفع عليه قضايا وهو لسه زوجي ماطلقني
واهله مابيحلوا ولا بيربطوا شيء بالعكس هم سبب خراب بيتي