ظاهره حصلت جديده واتوقع ان هذه الظاهره ليست محرمه ولكن انا ارى انه عيب وارى انه سبب في فشل الحياه الزوجيه وحصلت حالات طلاق من هذه الظاهره الا وهي ظاهرة مكالمة ومراسلة الخطيب وخطيبته قبل الزواج
ارى كثير من البشر يكلم ويرسل لخطيبته وايضا الخطيبه ترسل وتكلم خطيبها
يعني انا بوجهت نظري اشوف عيب هالمكالمات وهالرسائل قبل الزواج
وحاصل الان ومنشره ولا موضه جديده يعني صرنا مثل الغرب ما بقي الا يطلع هو وياها يم كوفي شوب والا مطعم ويتقابلون
يعني البشر في انحدار والعجيب انه صار عادي عند الناس مجرد ما صار ملكه خلاص قام يكلمها وقامت تكلمه وقامو يتراسلون
عز الله الناس انفتحت


الي ابي اعرفه ما الفائده من تلك المكالمات ماالفائده ؟

ياأخوي لا عيب ولا حرام واحد ويكلم زوجته إيش المشكلة حتى لو كان لس ماتم الزواج فهي شرعا حلاله
مافيها شيء بس إنت هدي شوي
الحلال بين والحرام بين

يا أبناخي هدي يا أخي الكريم
مابالك ؟؟؟
لمــاذا خطيرة ...؟؟
عجباً وربي
بالعامي تراهم متزوجين أين العيب في ذلك ؟؟
ولكل فترة من ملكة وخطبة وليلة زفاف ماهيتها ..
للمعلومية ليست من عام 2012 ....
عجباً ليس من المكالمات بل منك أنت ........أسمح لي !!

صح أنها لها سلبيات كثير

بس لا تشدد على نفسك وع الناس ... إذا شي ما عجبك لا تخليه عيب عليك وعلى الناس

أحنا في نجد مثلا كان هالشي ممنوع وعيب بس زمان هالكلام

والآن مع كثرة المشاكل في ناس تمنع نفسها وبناتها من هالشي

لا تعقد الأمور ..

أعانك الله على نفسك

مو حرام ولا شيء وانا مايدها لني راء لقاءالزوج بزوجته بدون مكالمات ومعرفه وهي تكون مستحيه يكون له رونق خاص

د. غازي الشمري‏@GhaziAlshammary
أتمنى أن الفترة بين كتابة العقد وبين الدخول أن لا تزيد عن4أشهر وأن يتعرف الطرفان ع بعض ويعيشا فترة حب وصراحة وإلا الطلاق قبل الدخول أهون.
ولامانع من خروجهم لمطعم لسوق سويا وهذه الفترة تكشف معدن الأخر،وتقلل الخيانة والطلاق بعد الزواج لأننا نعيش أزمة فراغ عاطفي سببها سوء الأختيار

وللمعلومية الدكتور غازي عاقد انكحه ومستشار بما يتعلق بالحياة الزوجية

في فتره الخطبه قبل الملكه شرعا ماتجوز المكالمات
لكن اذا تمت الملكه وش المانع صارت زوجته على سنه الله ورسوله

اللي يحكم العادات عند الناس


فيه بعضهم حتى لو كانوا مملكين المكالمات ممنوعه الزيارات ممنوعه

وبالعكس افضل شي يتم تواصل بينهم عشان يفهمون طبيعه بعض قبل الزواج

أنا ماابا أتكلم فيها من ناحية الدين لأنها تجوز
أنا معاك أحس الشغله مصخت أعرف كثير مملكات وتسولف أربع وعشرين ساعه
تزوجت الحين كأنها متزوجتة من قبل عادي يعني راحت حلاوة أنها عروس
وكل شيء بوقته حلو
هي صح حلوه يفهم وضعي ويفهم أشياء عني وأفهم أشياء عنه
لكن :
أنا عن نفسي لاصار لي نصيب ماله داعي أهرجه خلاص اللي أبا أعرفه
أعرفه من أخواته من أهله مافيه شيء مايعرفونه عنه
والباقي يوم الزواج ماله داعي كثرة السوالف أصلاً يبا يطفش ويمل ومافيه شيء جديد عليه
ذاك اليوم
ذي وجهه نظري أنا وكل إنسان له نظره وله أسلوب في الحياة
والله يوفق المسلمين ويستر عليهم إن شاء الله ويكفيهم شر التطور اللي ذبحنا