مشروع صغير

فلانه طفشانه · #1 (**permalink**) 18-10-2012, 09:02 AM

السلام عليكم ورحمة الله وبركاته
انا ابي ابدا في مشروع بس ماعرف كيف ابدا ؟
ولا انا اللي قادره احدد وش هو مشروعي معنى اطلعت على كثير مشاريع
بس مو قادره اوصل للافضل
وماعرفت وش اللي في خاطري بالضبط
انا اادور على مشروع صغير ع قدي ب3000 ريال
وابي منكم تساعدوني بافكار حلوه
وجزاكم الله خير

عاطل ماركة سعودي · #2 (**permalink**) 18-10-2012, 09:13 AM

فيه مشاريع منزليه... كثيره...

اذا كنتي مثلا تحبين تتطبخين.... او حلويات...

والخ.....

ومشروع الرسم على الاكواب...

مشروع توصيل طلبات مدراس بنات

للمعلمات زي الفطور... والقهوة والشاهي والحلا...

الخ.......

هذولي افكار تتطلع ذهب.....

بس اطبعي اوراق....

للمدراس... النسائيه والجميعات الخيريه حقت القران... العصر... امسكي مقصف او كافي...

امسكي مثلا المقصف...
لمدرسه اهليه بنات او روضه اطفال...

الخ .......... مشاريع كثيره....

بس الاهم الاصرار والمثابرة

والله يوووفقك ويرزقك....

فلانه طفشانه · #3 (**permalink**) 18-10-2012, 06:18 PM

65 مشاهد وردود 1بس
مشكور عاطل ع مرور
مشاريعك حلوه افكر فيها

فتى مديني · #4 (**permalink**) 18-10-2012, 06:29 PM

فعلاً الطبخ او عمل حلا با اشكال وانواع

شغلة مربحة مثل ماقال اخوي عاطل ماركة سعودية

بس سوي لكي دعاية في منتديات منطقتك .

مشاريع لك · #5 (**permalink**) 18-10-2012, 06:50 PM

أختي يوجد مشاريع كثيرة ومربحة جدا بـ راس مال 3000 ريآل

هل يمكن التواصل عبر الإيميل

abod39@gmail.com

مےـتأخر بےـدريے · #6 (**permalink**) 18-10-2012, 07:23 PM

شوفي بقولك شي يمكن انتي ماتصدقينه في كثير بدوا مشاريع باقل من هذا المبلغ وكسبوا ملاييين !!

بس كانوا يملكون ( الفكره + التخطيط السليم + العزيمه + الاصرار + المجال المحبب لهم !! )

طبعا بتقولين لي وش ذا الحتسي معقوله ماآصدز

لكن شوفي والله مافي شي مستحيل في المستديره كل شي ممكن لكن يحتاج للعزيمه والاصرار

انا بسآلك اسئله وان شاء الله راح نوصل لنقطه توصلك لهدفك

عندك فكرة مشروع في راسك ومؤمنه بنجاح هذي الفكره ؟

طبعا اذا كان الجواب نعم جاوبي على هذا السؤال

هل الميزانيه اللي معك تكفي لتطبيق هذي الفكره ؟

...............

في قاعده تقول ( اي مجال تحبه تبدع فيه )

اكتبي المجالات اللي تحبينها على ورقه واللي انتي حريصه على متابعتها دائما

بعد ماتكتبينها حاولي تشوفين اي واحد من المجالات انتي تقدرين تبدعين فيه اكثر

طبعا بما انك بنت تصعب عليك كثير الاعمال اللي تكون خارج نطاق المنزل

والافضل لك تركزين على هذا الشي

من المنزل تقدرين تسوي اشياء كثيره وفي مجالات كثيره تقدرين تعملين بها

بما انه الان هو زمن الانترنت وتقدرين تسوين كل شي عن طريقه

بسآل سؤال صريح

( هل لك خبره او تجربه في المجال التقني ؟ )

مثل التصميم والبرمجه اشياء زي كذا

لاني اشوف في الفتره الحاليه ومن واقع تجربه انها فتحت باب كبير للي حابين يعملون من منازلهم

انا بصراحه ماقدر اقولك عن مشروع معين لاني ممكن انا احب هذا المجال وانتي ماتحبينه

ولو دخلتيه مراح تبدعين فيها او يكون لك بصمه او نجاح دامك ماتحبينه

فافضل شي هو انك تشوفين المجالات اللي تحبينها ولك خبره فيها

عشان تقدرين تبدعين وتنتجين اشياء اكثر من رائعه فيها

ولو تقولين لنا المجالات اللي تحبينها وتفضلينها كان نقدر نساعدك اكثر

احسن من يكون الموضوع عائمه وكل واحد يطرح فكرة مشروع

ولو كانت تناسب ميزانيتك لكن ماراح تناسبك انتي وبكذا الفشل فيها راح يكون مليون بالميه

نصيحه خلي الميزانيه على جنب ودوري المجال اللي تبدعين فيه وتحبينه

وراح تحصلين فكرة مشروع في نفس المجال تناسب ميزانيتك وتناسبك انتي

المعتز بالله ا · #7 (**permalink**) 18-10-2012, 11:03 PM

أسأل الله لك التوفيق والسداد ...ليش ما تتعاملين مع البنات اللي يبيعون ويعطون نسبة للمسوقات .أو تشترين منهم بالجملة وتبيعين للبنات عن طريق النت وبالتوفيق

أناقة كوم · #8 (**permalink**) 19-10-2012, 12:57 AM

اقتباس:

المشاركة الأصلية كتبت بواسطة المعتز بالله ا

أسأل الله لك التوفيق والسداد ...ليش ما تتعاملين مع البنات اللي يبيعون ويعطون نسبة للمسوقات .أو تشترين منهم بالجملة وتبيعين للبنات عن طريق النت وبالتوفيق

معاه !!

صريح للغايه · #9 (**permalink**) 19-10-2012, 01:47 AM

دوري مندوبة مبيعات مثلا شركة ايفون لمستحضرات التجميل .أشتري معها بضاعه ..

تعينين خيرررررررر ....

أجتهدي في البيع ..فجأه تحصلين نفسك مندوبة لك نسبة في المبيعات . ********واحد معايش الفكره

ناصر من تبوك · #10 (**permalink**) 19-10-2012, 10:27 AM

[QUOTE=فلانه طفشانه;6872255]السلام عليكم ورحمة الله وبركاته
انا ابي ابدا في مشروع بس ماعرف كيف ابدا ؟
ولا انا اللي قادره احدد وش هو مشروعي معنى اطلعت على كثير مشاريع
بس مو قادره اوصل للافضل
وماعرفت وش اللي في خاطري بالضبط
انا اادور على مشروع صغير ع قدي ب3000 ريال
وابي منكم تساعدوني بافكار حلوه
وجزاكم الله خير
[/QUOTEاقول عطينياهن اشتريلك فيهن خروفين ,وابيعهن يوم عرفةلكي باربعة الارف ,وبالاربعة الاف اشتريلك 8فساتين من تركيا وابعهن ب7الاف, وبال7الاف اشتريلك بضاعة من الصين ووابيعها ب14الف وال14الف برضوه اشتريلك فيهن بضاعةمن الصين وابيعها ب28الف وال28الف .................بعد سنة صارت 280 الف ,, المهم وانا جاي ارجعلك المبلغ والارباح ,تجيني فكرة ادخلها بالاسهم ,,وفعلا ادخلها بالاسهم ,, لكن ياخسارة وفع المحظور يجي ثلاثاء اسود مثل اللي جاء ب2006 واخسر كل الفلوس ومايبقى معاي غير 2999 اكملها من عندي ريال وارجعك راس مالك وفوقها اعتذار مع بالغ الاسف ,,,,,,,,,

هاي وش قلتي ؟