السلام عليكم ورحمه الله وبركاته
اخوي انا مثلك مقبول نهائي والحمدلله الدوره راح تكون في هالشهر هذا يعني بعد 13 يوم تقريبا
اخوي ابجيب لك كل المعلومات هو قطاع جيد جيد اللي هو سلاح الاشاره الحرس الوطني
راح اقتبس لك بعض الردود في المنتدى وتشووف
اول رد
اقتباس:
المشاركة الأصلية كتبت بواسطة حاسب دبلوم
يارجال توكل على الله الحرس صار من افضل القطاعات في الرواتب والرحه
بطق راتب حول 6800 شي طيب احسن من القعده لو تنظر لجندي اول بالجيش
كم راتبه كان ماسئلت جندي اول بالجيش ولد عمي له ثلاث سنوات موظف راتبه باقي ماوصل 5000 تقريبا واصل
4850 ولك الخيار
|
الرد الثاني
اقتباس:
المشاركة الأصلية كتبت بواسطة خقوق الهيلا
الحرس قطاع جميل ..وفيه شي نادر الي هو الخوهـ ودوام فله استالم واشياء زي كذا ..وراتب الجندي يتعدى 6800ريال ...ومعروف الحرس هيبه قويه لان وراهـ ملك ..وولد ملك ..
|
الرد الثالث
اقتباس:
المشاركة الأصلية كتبت بواسطة سهيل الشرق
الإشاره .. بيكــون تخصصك كله إتصالات وربط الإتصالات وربط إشاره
وتفكيك أجــهزه ومن هالكـــلام
إثنين من أخوياي في الإشاره بس في الجــيش واحد جندي أول
راتبــه يمكــن حول الــالأربعه أو الخمسه والثاني وكيل رقيب يصك السبعه
دورتـــها 3 شهور فرد أساسي .. وثمانيــه شهور تخصص
وفيــه إشاره وفيــه ميكانيــكا إشاره .. عموما الحرس يمــدحونه
وأفضل من الجيش
|
الرد الرابع
مهمة مدرسة سلاح الإشارة:
تدريب ضباط وأفراد الحرس الوطني على دورات تخصصية وأنظمة ومعدات الإتصالات الثابتة والميدانية واستقبال وتدريب الطلبة العسكرين لتأهيلهم على تشغيل وصيانة أنظمة ومعدات الإتصالات في الحرس الوطني . الدورات التي تعقد بمدرسة سلاح الإشارة:
1/ دورات الضباط .
2/ دورات ضباط الصف .
3/ دورة تدريب مدربي الأجهزة اللاسلكية .
4/ دورة الحاسب الآلي .
5/ دورة الأساسي .
6/ دورات الصيانة في الجناح الفني .
7/ دورات المشغلين والتمارين الميدانية .
8/ دورات اللا منهجية ثم التدريب على حسب الحاجة ( فنية ــ ومشغلين ).
المزايا الوظيفية بعد الالتحاق بالحرس الوطني :
1-يعين على وظيفة في مجال تخصصه وحسب تحصيله الدراسي والمهني.
2-يصرف راتب بدل تعيين بعد التخرج مرة واحدة فقط.
3-يمنح راتب وبدلات وعلاوة فنية مناسبة وفقاً لنظام خدمة الأفراد واللائحة التنفيذية.
4-تأمين العلاج له ولأفراد عائلته ولمن يعولهم شرعاً بالمستشفيات العسكرية التابعة للحرس الوطني.
5-إمكانية الحصول على السكن العائلي ضمن إسكان الحرس الوطني.
6-الحصول على دورات في مجال التخصص بعد التخرج.
7-يمنح العسكري تخفيض بواقع ( 50% ) من قيمة تذاكر السفر على الخطوط السعودية في الإجازة السنوية داخل المملكة له ولعائلته لمرة واحدة فقط.
8-فرص لاستكمال الدراسة بالمدارس التعليمية للحرس الوطني.
معلومات بخصوص سلاح الإشارة
الفرد الأساسي مدتها 4 شهور واقل باسبوعين تقريبا
طبعا 45 يوما ليست متواصله يعني بعد دخولك باسبوعين ثلاثه تخرج خميس وجمعه وترجع
اثناء الفرد الاساسي يختبرون جميع الأفراد اختبار انقليزي يترتب عليه مايلي:
اللي ينجح بالانقليزي بنسبه جيده يتم تحويله بعد الفرد الاساسي الى فني اتصالات
والباقين مشغلين اجهزة
نجي للتفاصيل:
المشغل: مدة الدراسة ستة اشهر يتخرج بعدها برتبة جندي أول
المدربين عسكر
والصنف المعتمد له من غير البدلات 800 ريال
فني الاتصالات: مدة الدراسة سنة تنقسم الى قسمين
ستة اشهر الاولى تستلم فيها 900 ريال كمكأفآة
الستة اشهر الثانية تستلم فيها الراتب الاساسي مع الميدان مع الاعاشة 3500
وتتخرج جندي أول والصنف 1250 ريال
طبعا المدربين من الجنسية البريطانية واردنية
بعد ماتطلع من المدرسة (مدرسة سلاح الاشاره)
يصير راتب المشغل 5200 ريال وكسور
يصير راتب الفني 5665 ريال
( هذي الرواتب قبل الزيادة بعد الأمر الملكي )
الكثير راح يفضل مشغل ولكن اقوله الفني افضل تقولون ليش
اقولكم ليش
لانكـ تتخرج بشهادات معتمده من بريطانيا بخصوص الدراسة
وتتعلم لغة ببلاش مدة سنه احسن من الدورات اللي بفلوس
بعدها باربع سنوات تطالب الحرس بشهادة خبرة تجي من بريطانيا
بعدها تقدر تفصل من الحرس وتشتغل بالاتصالات موبايلي زين
اذكر رقباء اللي فصل واللي تقاعد الحين شغالين برى برواتب تصل الى 15000
والبعض الاخر يشتغل مع الشركه البريطانية لانهم يطلبونه
دراسة الانجليزي تبدا من الصفر الى الاتقان
كثير من اخوانا المشغلين ندمانين يقولون لوكملنا برضه ست اشهر زياده ماخسرنا شي
لكن توافيق
الكثير يقول يتخرج وكيل رقيب انا معك الكلام هذا صحيح قبل 5 سنوات او سته
ولكن نزلوها الى عريف ثم الى جندي اول
على فكره بعد الفرد الاساسي
ودخول التخصص يصير دوامك صباح وبعدين تروح للبيت وهكذا
يعني مافيه حجز
للإمانة منقول
وراح اجيب لك معلومات اكثر ولك رساله على الخاص
20-10-2012, 06:21 AM
العرض العادي
