السلام عليكم ورحمة الله و بركاته
أسعد الله أوقاتكم بكل خير ,
يالربع انا متوفر معي مبلغ 20 الف ريال و بودي استثمرها في البيع امام المساجد , يعني بإمكاني أشتري بضاعة وأبيعها بعد كل صلاة و اترزق الله فيها بريالين فرق عن الجملة ,
لكن عدة أسئلة واحتاج إلى اجوبة و أراء منكم :
1- جامع يوفر حوالي 200 شخص تقريباً و مُعظمهم من الجاليات الاسيوية ( باكستان , هنود , بنقال , نيبال , فلبين , يمنيين ) , ايش الاشياء الي تصلح ابيعها لهم ؟
2- جامع أخر يوفر حوالي 500 شخص مُعظمهم بنسبة 94% من الجنسية السعودية , أيش الأشياء الي تصلح أبيعها لهم ؟
3- كيف أستطيع توفير البضائع بسعر الجملة ؟

[align=center]شوف يا اخوي .. عندنا واحد يبسط يوم في لاسبوع .. يبيع اواني زجاجية وكرستالية واطقم صواني وقلاسات واقلام ودفاتر و منظمات وكل شيء يخطر في بالك ...
يجي يا طويل العمر بددسن الحوض مليااااان للاخر .. ويبسط عندناا ومايشيل بسطته الا والحوض فااضي !!
ماشاء لله تباارك الرحمن ..
بس اعلمك ..الاواني شيء اكثر من راائع . اللي نشوفها بالاسواق بــ 20 و25 ريال يبيعيها بــ 5 ريال وان غلة 10 ريال ..
وكذلك بقية الاغراض ..
كيف ربحه من يجيب اغراضه والله ماادري .. بس قعد تقريباً شهرين او 3 ا شهور على ددسن واحد عقب جاء ومعه ددسنين !! >>> اللهم صل على النبي ..
هذه المعلومه حبيت افيدك فيهاا .. ولا ادري اذا راح تستفيد ولا لا ..
والله يرزقك ويرزقناا
[/align]

الله يرزقك
أنا اقترح إنك تبيع عطور
والله إنه فيها خير كثير
وإذا تبي أوفر لك العطور
ومدة الثبات يومين وفواحه

وين موقعك باي مدينة

خذلك أكثر من بضاعه لأنك قاعد قاعد جبت نوع واحد أو أنواع اقترح عليك تجيب عطور وبخور وسبح هي إلي أشوفها تمشي

بــصــراحه,,, الي ماشي,,, الخضره والفواكــه,,,

أخي من أي مدينة ؟
اذا من الغربية بأقترح عليك أمر

بالنسبة للأول فانصحك بالفوطه والطواقي حق الاندونيسين والهنود

الله يرزقك

بالنسبه للسعوديين صراحه اهم شي بطونهم

لو تجيب معاميل طازجه يعني تخلي اهلك يسونها بالبيت تكون ساخنه وتفتح علبه وتخليهم يذوقون

والله تنباع زي السلام عليكم كل شخص بياخذ علبتين ثلاث

وبالنسبه للأجانب

النظارات الاقلام السبح الخواتم الفواكه والخضار ممكن تشتري تشكيل من كل شيء من سوق

الجمله وتبسط فيهم

بس السعوديين ركز على بطونهم هههههههههاااي ترا يحبون الاكل وتمريات يعني تبيع العلبه 15

ريال لو تبيع 10 × 15 = 150 ×30 يوم = 4500 بالشهر

يعني هذا اقل حسبه لو تجيب اشياء حلوه بعون الله راح تقدر تبيع اكثر من كذا ولو تحط معها

اشياء اخرى زي العود وخواتم وتشتري خواتم عاديه وخواتم مميزه عقيق مثلاً بالجمله بتطلع عليك

رخيصه وتجيب نويعات السبح الي يحبونها الشباب والشيبان ونظارات وتجيب واحد يساعدك وتبسط

عند كل صلاه العصر والظهر والمغرب وباقي الوقت اذا انت بمدينه فيها مكان اوشاطيء فيه تجمعات

تنتقل له اتوقع تدخل اكثر من حسبتي ودخلك الشهري راح يفوق 20 الف

الله يوفقك اهم شي لا توقف وحاول تنفذ فكرتك بس بطريقه ابداعيه وتعرف وش متطلبات الناس عشان

ماتشتري شي ماينباع

تحياتي لك