السلام عليكم ورحمـــه الله وبركاته ..

مساءكم / صباحكم ( ابتسامه طفل برئ ) < -- ما ظنيت فيه اطفال بريئه

..

كيف احوالكم .. لبى قلوبكم ، جميعــــــــــا
ان شاء الله ، انكم طيبين ولا عليكم اي خلاف .. ي حشاشت قلبي

ي اخي لي .. يوزر قديم ( ونسيت الباسورد ) ونسيت الايميل ب راســـــــــــــــــه ..

المهم .. نجي ب موضوعنـا

..

في شهر 8 الي طاف .. قدمنا على الخدمات الطبيه القوات المسلحه بالرياض

مثلي انا الحين .. معي دبلوم صحي ( فني طب وقائي )

طبعا بعد [ معاناه ] ولا لقينا وظايف ~ قلنا خلنا نخش العسكريه ، ونتوكل على الله

المهم .. قدمت عليهم وقالو ب شهر عشره ، ب نتصل عليك

فعلا .. ب شهر عشره اتصلو علي .. وقالو حضر ب الخرج بكره ..

( ب مركز الدراسات الصحيه ) الي ب الخدمات الطبيه ب الخرج

يوم جيت للخرج الصباح بدري .. الا قدامي حول 60 واحد ~ قلت وش السالفه

قالو ( اختبار مقابلـــــــــــــه )

ويالله سوينا المقابله ، وقالو باقي لكم اختبار شفهي وكتابي < اظن كذ1

وبعدها ب اسبوع اتصلو قال اختبار على تخصصك ..

ورحت يمهم واختبرت ~ وابشركم حليت ~ حل ما يحله ولد المصريه & :

المهم بعد ( كل الاختبارات ذي والزحمه ذي ) اتصلو علي قالو تحضر بالخدمات الطبيه بالرياض

يوم حضرت ب الرياض .. عطوني اوراق بصمات والادله ~ والكشف الطبي والاحوال ( برنت )

واكملها ب اسبوع واعطيهم ~ قلت وش باقي الحيــــــــــــــــــــــــــــــن

قالو انتظر اتصالنا ~ ( وفعلا اتصلو علي ) قال حضر بالخدمات الطبيه ب الرياض

يوم حضرت ~ وانا انصدم ب قرار تعيني ب الظهران < قلت قدام ما ورانا شي ~

طبعا القرار حق المباشره ب العمل ( 1433/11/1هـ )

وباشرنا ، العمل < وكل ما اسال حق الماليه اقول راتبي ~ متى ب ينزل يقول ب شهر 12

واقول كم ~ الراتب الاساسي < يصرفني ملعون الرقبـــــــــــــ~ـه وشايفن نفسه

الهم داومت وعينت من الله خير ، يوم جاء تاريخ ( 1433/12/1 هـ )
الي هو يوم الاربعاء .. وبعده عطلـــــــــــــــــــ~ـه

قالو شئون الافراد ~ ذي اوراقكم .. ولا نشوفكم غير بعد الدوره ~

علما ب ان الدوره ب تاريخ ( 1433/12/25 ) يعني بعد العيد ~ بالخرج

ابسالكم .. عن الدوره ( يسمونها فرد اساسي ) ثلاث شهور اظن ..

وش وضع هـ الدوره .. ( كرف ) ولا ( الدعوه ) فلــــــــــــــــــه < تخبروني دبدوب واشيل شحوم واجد


بعدين .. الي يعرف كم راتبي ب الكامل ( عريف صحي ) < المستوى الاول الدرجه الرابعه

بعدين .. الدوره تنتهي ب ( 1434/3/25 هـ )

وعندي اختبارات الجامعه ~ ادرس انتساب < اختبارات الجامعه تبدا 3/12

لو اعطيهم جدولي حق الجامعه ومختم ، وكل شي < تتوقعون يفكوني اخر الدوره ~

ياخي حرام لي سنتين بالجامعه ~ والحين اسوي تاجيل < مالها ي داعي


* اكيد ب المنتدى ذ1 ~ ( فيه ناس دورتهم معي ) الي عنده خلفيــــــــ~ـه يقولها لباكم ..


[ ادري سويت قرقر كثير ] بس تخبرون لازم افضفض كل شي هههههههههههههههه ..



سي لاموزي ، ي زكرت

ماشاء الله تبارك الرحمن داافور ياا مصطفى هههههـ
ان شاء الله الاخوان يفيدونك ... بالتوفيق يارب

والله يااخوي الدورات لازم كرف لكن خش لك نادي رياضي وراح يتعود جسمك

موفق خير

الله يعين بوفيات الظهران عليك

الدوره فرد اساسي

فكر بالراتب وبس

وبعدها بتنسى البدله العسكريه

بس عندي سؤال

قرارك فيه المستوى الأول الدرجه الرابعه ؟؟

الله يوفقك ويسهل امورك

زميلك ممرض بالظهران ~_~

اتوقع يكون لك إستثناء بحكم انك طالب إنتساب والله اعلم

ايه لبى ، قلبك قراري فيه
( المستوى الاول ، الدرجه الرابعه )

طيب دامك ممرض بالظهران ، كم مجموع راتبك

-

الله يسمع منك لو يعطوني استثناء ،

انا عندي التهابات داخليه بعضلات الساق والفخذ وكنت بالدوره وطلعوني تتوقعون اقدر ارجع والا لا ؟ مااخذت الا اقل من شهر

يجئ من يفيدك موفق

شوف السلم الجديد

بتكون فني من الدرجه الرابعه

اخصم منها 9٪ تقاعد

اضف عليها 20٪ بدل تفرغ مربوط الدرجه الاولى من كل مستوى على ما اعتقد

اضف عليها بدل عدوى 750 واعتقد انك تستحقها

اضف عليها بدل اعاشه 500 وبدل نقل 500

وبكذا راتبك يكون اكثر من المدني اذا اخذت مستحقاتك كامله

وحاول تفكر بالتجاره اذا اخذت راتبك

الله يوفقنا وياك

عبد المجيد

يفيدك قرار اللجنه الطبيه

ترجع او تكمل اجازه

الله يوفقك