اخوي تفكيرك حلو انك تدرس تقنيه وبعدين تدخل عسكريه برتبه وكيل رقيب بس في ايام الدوره الي يمشي على الجندي راح يمشي عليك والجزاء راح تحصله مثل ما يحصله الجندي دام انك تهايط

اذا ماتبي تدخل جامعة مع انها افضل وتعطيك خيارات اكثر ادخل كلية تقنية الحين النظام حقهم سريع ماتدري الا وانت متخرج
ومعك دبلوم واذا تبي نصيحتي اول ماتتخرج من الكلية التقنية خذ لك شهادة حاسب او انجليزي او ثنينهم وانتبه لاززم تكون بعد تخرجك علشان يعتمدونها بعدها ياحبيبي

تطرب نفسك وكيل رقيب واحتمال كبير تكون فني بأي قطاع تبيه وكيل رقيب وفني اوم الطنخه ياشيخ

ياخوي شف العسكريه اللي يبي يدخلها..

اما يكون.

1-يحب العسكريه.. وهذي قليله

2-مايقدر يكمل دراسه لاسباب واهمها > الدجه والطفره <.

3- دور وظايف ومالقى قدامه الا العسكريه..

اذا كنت واحد من اللي ذكرت خش العسكريه ولا يهمك كلام الناس اصلا كل الوظايف متعبه .

وممكن انك تدخل جندي وتدرس انتساب اريحلك واضمن لك بالنجاح ممكن تدرس تقنيه وانت جندي ويرقونك اذا خلصت دراسه .. وكذا يكون لك راتب وتمشي امورك...

اما اذا كانت امورك الماديه تمام كمل دراستك ويمكن تلقى الوظيفه اللي انت ترتاح فيها خلي العسكريه آخر خيار عندك...و الله يوفقك ويوفقنا جميع..

طالب ثانوي الكلام اللي ما بعده ،،، والله انا كملت نص المشوار وخربتها بالاخير دخلت الجامعه لكن مسوي زاحف فليتها والكتاب ما افتحه وبالاخير انجح بـ جيد ،، لكن ابتعاث انساه الا بفلوسك مدنيه بتجيك بس تاخذ لك كم سنه، العسكرية (ضابط ) انسى لأن المعدل والتخصص له دور اقلها جيدجدا ،،، وبالاخير دخلت المكافحه والحمد تيسرت اموري على رقيب ،،،

ذي تجربتي بإختصار والكلام اللي موجه لك ،، ادخل جامعه وشد حيلك والله ما يبي لها إلا ساعه باليوم مذاكرة غير كذا جالس مع اهلك 4 سنوات الشله ابتعد عنهم بعقل ما اقول لا تخرج روح تمش وعين من الله خير لكن وقت الجد اقطع كل شيء والجامعه اهم شيء فيها اول سنه حط طاقتك فيها تجيب معدل فوق 3 والسنوات الباقيه تحافظ عليه لا ينزل مرره ،،، التخصصات خذ لك ( شريعه - آداب )
وشد حيلك وخل معدلك فوق 3 ،،، وخلال دراستك جيب معها كم شهادة حاسب وانجليزي ،،، قدامك اربع سنوات لو بتجيب مدري وش تجيب تقدر بالراحه ،،، وقدم بالأمنيه لو براسك عسكرية امورك تتسهل وتمشي ولا تخاف
والله هذا الكلام اقوله لأخوي يا ولد لا تضيع نفسك مثلي ،، ونفس الكلام اقوله لك ،،،

الكلية التقنيه لا تدخلها ما تقدمك إلا رتبتين أو رتبة ادخل جندي ولا تدخل كلية تقنيه ،،،

الله يوفقك وييسر امرك

آذآ آنت مو حق درآسه , آدخل آلكليه آلتقنيه حلوهه وسهله ويعطونك دبلوم

آلتقنيه ماعندهم آختبآر نهآئي , كله تقويم مستمر , كل 10 صفحات يسوون عليها آختبآر
ويمكن بالسمستر تختبر بالماده 4 مرات بعدين يقسمونها على 4 وتطلع نتيجتك بالماده
عندي خويي معدله بالتقنيه عآلي ويقولي مآ آدرس آلآ قبل آلآختبآر بنص ساعه آجلس بالسياره وآتصفح الـ10 اورآق آللي آخذنآهآ , وآخش القآعه وآحل وآنآ مرتآح
وآذآ آنت مو رآعي درآسه آنتبه تدخل جآمعه وآحذرك تدخلها , آلجآمعه صعبه بس بتكون سهله للحريص واللي يحدد له وقت للدرآسه كل يوم , آمآ تخشهآ ومآ تدرس آلآ يوم آلآختبآر من آلحين اقولك لا تدخلهآ
وترى تقديم آلتقنيه بيفتح قريب ,
وآلله يوفق الجميع