بقولك سالفه وانت استنتج منها

واحد من الاقارب تخرج من الجامعه لغه المانيه قدم ع الكلية الامنيه ماقبلوه بحكم وزنه زايد طبعا وقتها تقفلت الدنيا بوجهه ع قولتهم استخار الله وكمل دراسته ومرت السنين واخذ الدكتوراه ماشاء الله والان يشتغل بالسفارات وبالراتب والمميزات الفلاانيه ومدني ومريح الحمد الله

تدري اللحين وش يقول يوم نذكر سالفه تقديمه للكليه اول يقول الحمد الله انهم ماقبلوني !!




وبعدين وانا اخوكـ الواحد مايدري وين رزقه مكتوب فيه

انا الي محيرني ان بعض الاشخاص اذا سمع عسكرية يجيه وسواس ياناس ياعالم هذه وظيفه زي اي وظيفة مو نهايه العالم طيب اذا فصل الرجال وراح ابتعاث وش بيضمن له انه بيلقى افضل من الكلية الحربية فأنا اقول لأخوي الله يحفظه الله رزقك بوظيفه محترمة وراتبها مجزي وعندك امكانيه تواصل دراسه لأنك ضابط كل شي متيسر لك مو زي الافراد واجتزت المرحله الصعبه الي هي 45 يوم يعني باقيلك فتره قصيره وتتخرج ان شاء الله ملازم وتفرح اهلك ويفتخرون فيك عند قبيلتك هذا بحد ذاته فخر لك وان شاء الله نشوفك قائد وحدة .

واتمنى من الناس الي تحب تحبط من معنويات غيرها انها لاتكتب شي لأن الرجال يبي مشوره مو كلام جهله .

الله يعطيك العافيه على ما طرحتموه من اراء ووجهات نظر نيره ومفيده لي جداً


ومازال امامي مايقارب 10 ايااام لإتخاذ القرار النهائي ، اتمنى ان اجد مزيد من التجارب والأراء
من اشخاص مثلكم اصحاب بعد نظر وفكر واسع

بإنتظار المزيد افادنا الله واياكم

اولا اخوي الله يوفقك فيما تختار

ثانيا موضوعي لايعدو كونه رائ وربما يرتقى الى المشوره

ثالثا المفاضله بين دراسه ووضيفه صعبه السبب لانهم تقريبا في نفس الاهميه

رابعا :انا وقعت في موقف مثل موقفك تماما مع اختلاف الرتبه والدراسه
اخترت الدراسه لانها من وجهت نظري هي اللي تحقق طموحي فالنهايه


ما اود قوله لك :اسئل نفسك هل انت تحب الدراسه وشغوف بها
ام تود تامين مستقبله والوضيفه والزواج

اذا كنت صاحب طموح وحق دراسه لاتروح لللعسكريه ولو كنت برتبة ركن مو ملازم

لان العسكريه مقبرة للدماغ
وبعدين راح تكون في البريه يعني الجيش
والجيش ما يحتاج اعلمك ووين يحطونك

وبالنسبه للبعثه
ياخي خذها من عدة جهات
تمشي لك مكافئه
وسياحة وتغير جو ولغه
تشوف عالم ثانيه
واذا تخرجت وضيفتك مضمونه هنا

ماجستر ومن امريكا



وطبعا القرار الاول والاخير لك

صراحة كلها حلوة لاكن من وجهة نضري الدراسة افضل من الوظيفة ليش
لانك بترجع بشهادة قوية ودارس في اقوى وافضل الجامعات

وعليكم السلام

لو كان تخصصك غير الحاسب ممكن اقولك اترك الوظيفة وسافر كمل دراستك
اما الحاسب فكثير من المبتعثين يدرسونه ثم لا تنسى اعداد الطلبة اللي بالخارج من دون الداخل وكل سنة يزدادون تخّرج,
هل أنبئك بخريجين الحاسب اللي ما حصلوا وظائف حتى الان؟
تفضل هذا هو موضوعهم
https://www.btalah.com/t445240.html
وهذا هو حسابهم التويتري
khreej_computer

قبل فترة طرح موضوع لحرس الحدود تأخذ دورة 3 أشهر وتعلق النجمة

الحق على التقديم باقي 3 أيام تقريباً ويتقفل

http://www.moi.gov.sa/wps/portal/borderguards/!ut/p/b1/04_SjzQ0NQYiEyDWj9CPykssy0xPLMnMz0vMAfGjzOLdnZ3CXN 19jQ39LYxdDDwNjb3M_IPdjI1CzPWDE4v0c6McFQFWIFBv/

واكيد وظيفتك راح تكون مكتبية وليس كالحال الجيش
ثم حاول تكمل دراستك هنا بالداخل

لا تنسى بعد الاستشارات تستخير ثم تعقلها بالتوكل على الله.

اولا بسم الله ما شاء الله الظاهر امك داعيه لك يعني ما شاء الله كل خيار احسن من الثاني
ابارك لك على ايهم تختار واسأل الله ان تكون معينه لك على الطاعه
ثانيا انا من وجهة نظري الشخصيه انك تطلع تكمل الدراسات العليا وترجع هنا تقدم على الجامعه كمحاضر او دكتور اذا جبت الدكتوره لانه الصراحه اريح كثير من العسكريه وايضا الاستاذ الجامعي له مكانه ووجاهة لا تقل عن الضابط
وجدا بتكون اريح لك من العسكريه يعني لو مثلا صرت في الجامعه لك ان تتخيل الاجازات " اجازة صيفيه اجازة رمضان اجازة العيدين اجازة بين الترمين اجازة وسط الترم الثاني بالاضافه الى التغيب اللذي تستطيع ان تغيبه بالراحه اذا جتك ظروف " هذا بالنسبه للاجازات ايضا ساعات الدوام تلقي 4 5 محاضرات في اليوم وتمشي وبرضو رواتبهم حلوه ونقطه اخيره انه بيدك ان تتطور نفسك وتحصل على الترقيات بدون انتظاره بمعنى انت استاذ مساعد قدم 4 ابحاث تقريبا على حسب ما اذكر وتترقى سيده استاذ مشارك واذا صرت استاذ مشارك قدم عشرة ابحاث تقريبا وتترقى سيده استاذ يعني لو انت مجتهد خلال 10 سنوات تصل الى اعلى المراتب لاني اعرف شخصيا رجل بعمر 40 سنه وهو الان استاذ دكتور يعني وصل لاعلى مرتبه وشوف كم عمره
هذا رايي ولا تنسى الاستخاره ويا رب يوفقك
*

انا اشوف انك لو اخترت الكليه الحربيه بتضمن باذن الله كل الاختيارين بتكون في الكليه وتقدر تكمل دراسه ولو اخترت البعثه بتروح عليك الكليه
عليك بصلاة الاستخاره ونسال الله ان يهديك الى الصواب

هل أنبئك بعاطلون الشهادات العليا , أدخل تويتر وأكتب بمحرك البحث:
عاطلون بشهادات عليا
وتصفح معاناتهم

بس نصيحة إذا قدر الله وسافرت للبعثة حاول بأن تطور نفسك بالدورات التأهيلية وبالاخص أمن المعلومات وكذلك حضور المؤتمرات الدولية لعل وعسى تعطيك أفضلية لمن تعود هنا

واحد يقول:
شباب هناك وظيفة لخريجي الحاسب في وزارة الدفاع .. من يرغب يخبرني .
المصدر:
https://twitter.com/aldeheme/status/256443638081548289

عاد هي لك ولبقية الخريجين ومن سبق لبق, جربوا تسألوه يمكن فيه اماكن شاغرة