السلام عليكم ورحمة الله وبركاته

احبتي اعضاء الملتقي

انا وضعت في حيره من امري بعد انتهائي من فترة الاستجداد الـ 45 يوم كدورة عسكرية لوظيفة ضابط بالقوات البرية

حيث تم ترشيحي لبرنامج خادم الحرمين الشريفين للإبتعاث الخارجي للمرحلة الثامنة

علماً أن تخصصي / بكالوريوس علوم حاسب آلي
من جامعة الباحة
بتقدير جيدجداً بمعدل 3.06

وتخصص الابتعاث ايضاً / علوم حاسب آلي ، لمرحلة الماجستير
الدولة / امريكا


متمني منكم أن تعينوني على اتخاذ قراري بوضع بعض خبراتكم وارائكم وتطلعاتكم لهذا الموضوع لكي استطيع اتخاذ قراري على نور وبصيره

وشكراً لكم

والله صراحة وضعك صعب جدا وكلها حلوه
أنت ماشاء الله متخرج بمعـدل كويس وباين عليك حق دراسه دامه تم ترشيحك
باقي عندك مرحلة التدقيق وأتوقع المقابله الشخصيه والملتقيات هاذي كلها راح تكون
في نهاية شهر ذي الحجه والعلم عند الله وبعدها الترشيح النهائي
أنا لو مكـانك وأعطوني مو ملازم نقيب وفي البريه بعد
والله إني بأتوكل على الله وبأورح للإبتعاث وأسحب على العسكريه
ليه لأن تخصصك ممتاز ومعدلك أيضا كويس وجتك فرصه على طبق من ذهب
صراحة فرصه ولا تفوتــك فيها مكاسب كثيره بتأخذ لغه وبتحضر الماجستير
ومجالآت العمـل واسعه في تخصصك بلآ عسكريه بلآ قرف

^^^^
انا من رأي الابتعاث العسكريه ماتنبغى

تم ترشيحي نهائياً

تمت المطابقة ولله الحمد متبقي فقط الملتقى وانهاء بعض الاجراءات البسيطه

خلاص ترشيح نهائي وش باقي تبغى ياخي ؟
توكل على الله والله العظيم إنك الرابح الأكبـر صدقني فيها مكاسب كثيره
أنا لو معدلي يساعدني والله العظيم إني لأروح بس للأسف
عموما الله يوفقك واتمنى ماتفوت هالفرصه

وانا اخوك بقولك شي انا جالس عاطل الان زين
وفيه اشخاص يقولون لي قدم على الامن العام مو البريه
وان شاء الله بنساعدك لكن رافض اجلس عاطل ولا ادخل عسكريه
ناوي بأذن الله اكمل دراستي سواء داخلياً او خارجياً حتى لو على حسابي الخاص
يعني وش مستقبلها العسكريه .؟!!
حتى لو ضابط على العموم كل كلامنا يعتبر امور شخصيه
وكل انسان تحكمه ظروف معينه
لكن الله عز وجل سخر لنا نعمه كبيره وهي الأستخاره
استخير وشف وش ترتاح له ثم توكل على الله
استخير وربي بيسر لك امورك بأذن الله

عليك بصلاة الاستخارة وانا اخوك
وانا من وجهت نظري خلك على الضابط ازين

والطمع يفرق ما جمع

القرار يرجع لك الكلية الحربية مضمونه ملازم اول وترقيات ماتطوف وتتقاعد برتبة ولك مكانتك ويكون بعلمك انا واحد من الجماعه تخرج ملازم من نفس الكلية والحين نقيب شرطه عسكرية راتبه ماشاء الله 24.000 ريال الحين يكمل ماجستير على نفس تخصصه ( انتظام ) وعمله عاطينه اجازه فتره دراسه

فأنا انصحك لاتسحب نفسك من الكلية الي يقول قرف لانه قاعد متسدح بالبيت ويتمنى انه مكانك وبالنسبة للابتعاث الخارجي سنتين واذا تخرجت ورحت وظيفه مدنية بيحطونك مرتبة سابعه براتب مايزيد عن 8000 ريال وتعديل فوق 350 ريال انت اذا شايل همك الدراسه تواصل ماجستير لاتخاف بتكملها بعد تخرج بأذن الله

انصحك لوجه الله

لاتترك العسكرية,,
انت ضابط مو فرد عشان تخاف على مستقبلك ,,
وإذا على الدراسة تقدر تدرس وانت بعملك وتطور نفسك,,

بالتوفيق لك,,

ودعواتك لي السنه القادمه اكون مثلك > ما انقبل هالسنه بوزارة الدفاع..