فتحت محل خضار ولله الحمد وعندي استفسار اتمنى اللي عنده خبره يفيدنا

طريقة الشراء من سوق الخضار المركزي اللي في العزيزية

هل اشتري من البسطات الموجودة اتوقع انهم بيرفعون السعر شوي لانهم يبيعون بالكرتون
او حتى عشرة كراتين

وانا رح اخذ من كل نوع 3 او 4 او حتى 6 كراتين بالكثير اتوقع

اذا بتقولون الحراج مافي شيء اسمه حراج صراحة رحت الفترة الماضية قبل شهر تقريبا
9 2012

مالقيت الا على الكوسة كان سعر الكرتون قريب من 47

وفيه حراج اتوقع انه بس تسكيت حراج على الطماطم وطماطم الله لا يوريك الحمدلله على النعمه لكن رديء جدا وصغير وحالته حاله

وعشان المصداقيه والحياد الفترة هذي كانت عز الصيف هل السبب في ذلك انه مافي انتاج محلي يغطي السوق

وحسب رزنامة الجمارك http://www.customs.gov.sa/CustomsNew.../rosenama.aspx
مجموعه من الخضروات ينتهي تخفيض الجمرك في شهر 8 وطبعا هي قابلة للتعديل زي ماهو واضح

اتوقع فيه ناس يمكن يفهمون كلامي انه من باب الحسد عشان اسيطر على السوق

والله هذا اللي شفته في الايام اللي رحتها وهي كانت 5 زيارات خلال مدة لا تتجاوز اسبوع او 10 ايام


اتوقع ان الشغله فيها هوامير مستحيل يخلون الشغله كذا


ومع ذلك انا متفاءل ان الخضار فيه مكسب مثل اي تجارة ثانية


لكن التقارير اللي قريتها في المنتدى مبالغ فيها اتوقع انها ملعوبة لان الواقع يختلف تماما

نظرية المؤامرة صح بس هذي المؤامرة لا يختلف على وجودها اثنين عقال


وفي النهاية اللي عنده توضيح كيف اشتري بالجملة باقل سعر لمحل فتحتين مو كبير صغير

يا ليت يفيدنا


وشكرا