الله يعطيك العافية على هذا الموضوع الاكثر من رائع

اشكرك على مرورك الاروع يعطيك مليون عافية

هي بالاخير ترجع للام اذا كانت معوده بناته على الجلسه معها او لا

فيه امهات ماتدري هي بنتها حيه او ميته

وفيه بالعكس امهات وبناتهم كأنهم اخوات ما شاء الله عليهم

موضوع رائع

المفروض ان البنت اذا ماجلست مع امها تجلس مع من لانهم في البيت 24 ساعة المفروض ما يكون فيه حواجز وبعض البنات الله يهديهم 24 ساعة ماسكة التلفون او ع النت المفوض اذا امها ما تقراء وتكتب تقرائ عليها وتفهمها وتعيشها الجو عشان ما تتضايق او تزعل انها بعد ماربت ابنائها صارت وحدانية وباذات اذا كبر الوالدين يحتاجون ابنائهم يجلسون ويتحدثون معهم لان احتاكهم بالناس يقل ويجلسون في البيت اكثر من السابق

والله يا طموحة طرفا القصة عندك فيهم لين.. يعني الام لينه والبنت لينه.. يفيد فيهم الكلام...


فعلا مشكلة عدم الحوار..

انتي لقيتي لصدقتك حل.. لكن كوني معلمة.. مو كل بنت سهل تتفاهمين معها او مع امها.. انا الان التقي في امهات.. واعرف تماما شعور بناتهم في هذا العمر.. اقولها كوني صديقة بنتك.. كيف علاقتك معها.. القى الام ترفض ما تتقبل تكون صدقه لبنتها.. الام نفسها تتضايق من تتكلمين عن اهمية العلاقة... بعض الامهات فكرهم البنت خدامة بالبيت..تجيب تغسل تحط تمسح.. بعض الامهات تكون ما تحب هذي البنت غير كل البنات..يعني هذي صحيح بنتها بس تتمنى لو ماحملتها ما تحبها.. وهذي انا اعرف شخصيا امهات يقولون لك بلسانهم انا ما احب فلانه من بناتي من يوم ولدتها.. ورفضت ارضعها.. ما اطيق اشوفها؟؟؟!!! فيه امهات يحبون الاولاد الذكور ويتعبرون البنت لعنه.. وماعليها الا تقوم تخدم هذا الولد.. لدرجة كوب الماي هي تجيبه.. والله عايشت قصة بنفسي وقبل كم شهر مع ام وبنتها.. البنت جد حنونة جدا طيبة.. بس الام الله يهديها.. تقوم البنت من النوم قومي فطري اخوانك.. قامت فطرت اخوانها.. جلست انا وهي عشان نفطر.. جلست مو اكل جلست ابي اشوف كم لقمة اكلت البنت... لقيتها مو قادرة تاكل لانها توكل اخوانها الصغار.. وامها تتقهوى..طول النهار مسح طبخ نفخ لهذولي العيال غسل هدوم كوي.. لدرجة توصلت تهينها قدامنا.. والبنت عزيزة علي..راحت تبكي في غرفة ثانية..انا فلتت اعصابي.. ورحت اتكلم عن الام انه حرام عليك هذي بنتك شلون تسوين فيها كذا..هي نفذت اوامرك انتي قلتي لها كذا ليش الحين تهزئيها.. سكتت وقالت خلها بكرا تتعود لبيت رجلها.. قلت شنو هي بتتزوج بعبع او انسان..



ساعات احنا نلوم البنات.. وحنا ماندري عن فعل الامهات.. مو كل ام تستاهل هذي الكلمة.. وبالمقابل مو كل اب يستاهل كلمة اب..



والله يهدي جميع الامهات والاباء.. ويحسون انه هذولي امانه مسؤولين عنها يوم الدين..

ويحنن قلب كل ابن وابنه على اهله.. ويتذكر انه هذولي ابواب الجنة...

يعطيك العافيه على قلمك الرااااائع

الله يعطيك العافية

ام الوظائف صراحة احزنتني قصتك
والله انا دايم اوقف في صف البنات
بالذات في مثل هذي الحالات
والله انك صادقة بعض الناس الولد عندهم شي مقدس والبنت يكرفونها كرف الويل
اعتقد ان الي موقد انه يهتم بابناءه سواء بنات او اولاد افضل لا يتزوج من اساسة واهم شي هو ان الام والاب لهم دور كبير يعني كما ذكرتي في القصة ان الام تهين البنية وتكرفها طيب وين الاب واكره شي عندي تلقين الاب كل شوي ماخذ الاولاد البقالة ويخلي البنت يتقطع قلبها عند الباب كل هذا عشانها بنت صراحة انا استغرب من ناس الى يومك وهم قمة في التخلف والعنصرية والا اذا دخلت المجلس وعنده ريجيل يطردها ويقفل الباب عليها كل هذا عشانها بنت والادهى والامر انه يكسر شخصيتها ويناظرها نظرة توقف قلبها والا يطردها ليش لابسة قصير وهي عمرها ماتعدى اربع سنوات و لا يصيح عليها لا تجين فيه ريجيل تقول كأنهم بياكلونها وذا سالتيه يقولك عشان ما تتعود فمساكين بعض البنات تخاف من شي اسمه رجال وتجيها عقده نفسية من الرجال والسبب التربية السيئة للابناء