أمي ماتثق فيا..ايش اسوي

طموحة 2008 · #1 (**permalink**) 28-04-2008, 04:54 AM

سأبدأ أقول لكم هذاالموضوع........

لأنه مهم في حياة كل فتاة ...

ليش تبغي الناس تفهمك وهم مايعرفوكي ...ليش تقولين أمي ماتفهمني ...ولاتفهم شعوري..وانتي لاجلستي معاهاو لا هي عارفة ايش اللي يدور في راسك...

نحنا سبق وتكلمت وتطرقت عن الحوار ... الحوار ياجماعة مرة مهم ..وصدقوني يابنات ..لو فتحت عالمك ..

أوصندوقك للناس ولوالدتك ووالدك ..فيتفهمون ...ويثقون بيك وبأفعالك ....

ففي قصتي مع فتاة تشتكي ان أمها تشك بها انها تخون اهلها وأنها تكلم شباب ..وهي بنت ماتحب هاذي التفاهات ولكن مستغربة من امها ..ومن شكها ..ومن كل حركة أو شعرأكتبه ..نشك وتبدأ التحقيقات .. فسألتها سؤال:

كيف علاقتك بأمك ..قالت انا في حالي وأمي في حال اذا طلبت مني أساعدها وادخل غرفتي ...فضحكت ..

واستغربت من ضحكتي ..قلت الله يهديكي تبغي أمك تفهمك وانتي ..ماجلست معاها وتعرفيها عن شعورك في كل شيء وأحاسيسك وتبغيها تثق بيكي على ايش ...أمك تخاف عليكي لأنها حاسة أنها ماتعرفك وما تعرف اللي في راسك وعلى اللي مشاعرك في قلبك ..أمك تبغى تثق بك..ولكن اللي تسويه انك في حالك ... مايصح..

وقالت : أمي إنسانة غيرمتعلمة فكيف أتفاهم معاها..قلت مو عذر الأم كفاية انها عندها خبرة في حياتها أكثرمنك فطلبت منها أن تكون قريب من امها أكثر لأنها بجد تحتاج ان تعرف عن عالمك الخفي عن الصندوق اللي اغلقتيه فالأم تشوف الصندوق ودها تعرف وش داخلها ..فلازم تفتح من هنا بالمطرقة والمسمار حتى تشوف وش داخلك أنتي ..فطلبت منها أن تخلق حوار وتحكيها عن اللي صارلك في المدرسة وعن صديقاتك وعن مواقفك معالمدرسات حتى لو تتفرجي مسلسل معها كلميها علقي عن الأحداث فهميها طريقةتفكيرك ...فصدقيني ..

حتثق بيكي وانتي أهم شيء قوي صلتها لأن الام محتاجة أن تطمئن كيف حتكوني وتفكيرك في المستقبل..

فاقتنعت وبعد ستة شهور .. سبحان الله أمها انفتحت معاها وصارت البنت تكلم أمها عن موضوع كتبته في المنتدىوتحكيها عن أخبار وصارت بينها وبين أمها حوارات متعددة حتى أصبحت امها هيالصديقةالحقيقية ... راح شك الام عن بنتها ... حتى البنت صارت ماتجلس فيغرفتها كثير صارت تجلس مع امها تكلمهاوتتفرج معاها...الام تثق ببنتها لأنهاالآن عرفت عن بنتها صارت تفهمها في كل الأمور ..فكسرت البنت فجوةالكبيرةبينها وبين والدتها

فملخص هذه القصة :

أن تسوقي نفسك ومشاعرك وطريقة تفكيرك للناس حتى يثقون بكي ويحبوكي...

وإذا لم تتسوقي وجلست مشاعرك حبيسة في الصندوق فكيف انا اعرفك أو أثق بك..