السلام عليكم ورحمة الله وبركاته

أخوتي لدي إستفسار بشأن المساكين والمسنين الذين ينامون ويعيشون في الشوارع
من المسؤول عنهم ؟
من الذي من المفترض أن يحتويهم ويوفر لهم المسكن ؟
من الوزارة أو المؤسسة المسؤولة عنهم ؟


أنا مقهووووورة كثير ومصدومة من شيء شفته بسوق مدينتا
من لما كنت صغيرة كنا نروح للسوق وأشوف رجل مسن كبيييير بالعمر وضعييييييف حيل ودايما فمه مفتوح من العطش جسمه عظم وجلد بس الله يرحم بحالة ولي كذا سنة مارحت للمكان اللي يكون فيه أو لما أروح أروح عالسريع وماأنتبه إذا كان موجود أو لأ
لكن الصدمة هي إنه مع مرور كل هالسنين لازال موجود أختي شافته أمس
لازال موجود بالصيف والشتاء في الحر والبرد
والله منسدح على الأرض وبدون فرشة ولا شيء إذا مر أحد يمكن يتصدق عليه ويمكن لأ
رغم إن هالظاهرة مو منتشرة عندنا يمكن مافيه غيره مو عجزانين يتكفلون فيه


والله حراااااااااااام مين اللي المفروض يأخذه هو وباقي المساكين والله لو أقدر أخذته للبيت
فين الشرطة اللي بالسوق ليه ماينقلوه لمكان يحتويه
ليه مافيه تعاون بين جهات الحكومة يتواصلون حتى يتكامل شغلهم

ودي أكلم أحد يأخذه مين أكلم ؟!

[type=310934][rainbow]لاحول ولاقوة الابلله من جد لاحياة لمن تنادي الله كريم [/rainbow][/type]

طيب انا مقهورة اكثر منك كيف في بلد الحرمين اولا واغنى دوله ثانيا وبالرياض الي هي الواجهة للسعوديه المفروض تكون شي مشرف وتنافس عواصم مانقول اجنبيه ولاعربيه خلينا نقول خليجيه دبي وقطر شفت وكثير شافوا مجانين يجوبون الشوارع والاشارات بمنظر مقزز ومقرف وملابس مقطعه ورثه يتخبطون بالشوارع بلا مأوى ولا رقيب ولااحد يهتز لهم ويرحمهم انا مأتكلم عن الاسباب الي وصلتهم كذا سواء الحشيش او غيرة بس بجد مستغربه وين الدوريات وين الهيئات هذا منكر وشي مايرضاه لادين ولا عقل ليش الهيئه تخصصها الشباب والبنات ومع ذلك جهودهم مشكورة وانا معهم لا تقولون انتي ضدهم بس الي صاير بعد متكر لو ضفوهم لمستشفى وكفوا الناس من النظر القبيح وكفوهم من الحياة اللا انسانيه لهم أجر وبعدين اي زائر للدولة او مقيم وش بيقول يعني لو كانوا بدولة افريفيه فقيرة بقول عادي بس بالسعوديه والرياض صراحه شي مخزي بمعنى الكلمه تقبلي مشاركتي صحيح بعيده بس تدور حول الحمى وشكرا للطرح

آآآآه بس لا تشكي لي لأبكي لك وربي شيء يقهر وكأن دولتنا ماأنعم ربي عليها بكل هالخير
وزي ماقلتي فين الهيئة وكمان فين الأمن اللي بالسوق الدوريات رايحة جاية ويتمشون بالسوق معقولة ماشافوهم
ماشافوه بعد كل هالسنين وربي ينام قدام واحد من المحلات ومن سنين بنفس السوق
الله يسامح أهله وأولاده لو عنده أولاد إنعدمت الإنسانية

وعليكم السلام ورحمة الله وبركاته ..

راح يجيتس من يقول أحمدي ربتس نحن في امن وأمان !!<< الأمن و الأمان فضل من الله وحده سبحانه و كفى ..
الكلام حول المواضيع من المحرمات إما من قبل مقص الرقيب أو من قبل عيون الجواسيس اللي شغلهم الشاغل صيد كل واضح و بالحقيقه يقول ..
بزعمهم هذا الكلام فيه زعزعة الأمن و الأمان !!

أعتقد في هذا الزمن ما أحد يغفل الحقيقه إلا من حب يصير مثل النعامه أو شرذمه حول أهل الفساد ..

المسؤول الأول و الأخير عن الفقراء و الضعفاء و المساكين هو الملك و لا أحد يقول البطانه و مالبطانه !

وكيف يقف بين يدي الله من فرط في الأمانه ؟

و مقدرات المسلمين ما تصرف في أماكنها الصحيحه تروح من هنا و من هنا شرهات و فتات يرمى !
المصلح في هذا البلد تحاك حوله المكائد لأنه راح يكشف أوراق العابثين في بيت مال المسلمين و حسبي الله و نعم الوكيل ..

مللنا النفاق و المجاملات وين المحاكمات الحياديه وين العدل في بلد أزعج أسماعنا تطبيق الشريعه الإسلاميه !!

لا أحد يقنعني إطلاقاً الحق واضح و طريقه أبلج ولو تحرر ردي هذا فمشكلتنا ندس الحق عن أعين الشرفاء ..
و يابخت من نام مظلوم ولا ظالم ..

ايييه حسبي الله وكفى على كل من تخاذل ورما كل شيء ورا ظهره واهتم بنفسه وبسسس
أنا ومن بعدي الطوفاان لنا الله ياخذ حقنا وحق المساكين من كل ظاااااالم.

وانت ماسك طريق عمان الزرقاء شوف يمينك مكتوب
مساكن الملك عبدالله ابن عبدالعزيز ال سعود
البيت الواحد عن ثلاث فيلا
شكرا لك يا موطني الغالي