الزوجه : طلقني

الزوج : ماني مطلقس

الزوجه : اقول طلقني

الزوج : اقولس ماني مطلقس

الزوجه : تبسي اقول طلقني والا اعلم ابوي

الزوج : يضحك علمي امس لو تبين ههههههه

الزوجه : لا زالت تبكي هه هه اقول انا ما ابيك ما اواطنك ولا ادانيك يا وسخ

الزوج : انا عاد الي ادانيس واحبس واموت فيس يا وسخه

الزوجه : طيب طلقني ما دام انك ما تدانيني

الزوج : انا عناد في راسي ماني مطلقس لو تاصلين للسماء






لماذا اي مشكله تحصل او اذا لم ترغب الزوجه زوجها ولا يرغب الزوج زوجته يصير هناك عناد ومشاكل من الطرفين ومحاكم وجاهيات والاخبار على لسان الحريم في التلفونات ووووو


انا بالنسبه لي اذا الحرمه ما تبيني على طول اطلقها لو انها ملكة جمال العالم كله
الي ما يبيني ما ابيه

مدري ليش منتشر الطلاق عندنا بالسعوديه علموني ليش
والمشكله يا ليتها تنحل ويطلق مباشره لا الطلاق ما يجي الا بعد كل كلفه
محاكم وسنوات ووووووووووووووووووووووووووووووووو الكثير


انا حطيت القصه الي فوق بس بدايه وتعريف للي اقصده اتمنى تنال على اعجابكم

بس الي ابي اوصل له


برايكم من السبب في الطلاق اكثر / الزوج والا الزوجه



معروف ان الزوجه عوجاء ومهاكه وتنكر الجميل
بس الواجب على الزوج التمتع بعواجتها


بس هذا الي عندي

حلو طرحك وهادف مافي شك

انا معك كثر الطلاق بالوقت الحاضر

لجهل الطرفين بتعاليم الدين الاسلامي

وخوفهم من رب العالميين يكفي انه ابغض الحلال عن الله

بصراحه موضوع جميل من بدايته ويستحق النقاش

لكن يوم وصلت لهذي النقطه

اقتباس:

المشاركة الأصلية كتبت بواسطة بناخي مرزوقه معروف ان الزوجه عوجاء ومهاكه وتنكر الجميل بس الواجب على الزوج التمتع بعواجتها

ماشاء الله ما قصرت بوصفك للمرأة

عوجاء ومهاكة وتنكر الجميل

مهاكة وش يعني

المرأة رقيقه تخجل من كلمة وتأسرها بكلمة وتطيعك حتى لو كان بشي يضرها لكن الإسلوب وين ؟

بعض الرجال بخيل بالفلوس والمشاعر والكلام الحلو

عموما .. جميل موضوعك

أنا أحس سبب الطلاق دائما عدم وجود التفاهم والحوار

الرجل مسوي الأسد يأمر وينهي وما يسمع رأي زوجته هل هي راضيه أو لا

الزواج مشاركة وعطاء ماهو مبزره ومعاند

شكرا يابطل ع الموضوع

بناخي الله يعينك على عوج عقليتك المهاكه حسن اسلوبك

واحترم المراة بعدين ضع مواضيع لان بكذا ما راح تكسب

غير العداوه والكراهيه وطالما فيه ناس بنفس تفكيرك اكيد

بتكون نسب الطلاق كثيييييييره

طرحك جميل بس تسنك خربتها بآخر سطرين
فيه حريم مثل ماذكرت وفيه غيييير يعني التعميم موب زين فيه ظلم
مو كل الحريم نكارات المهم بالنسبة للأسباب فمافيه أحد معين لأن
لكل قصة تفاصيل تختلف عن الثانية وكل حياة غير الحياة الثانية يعني
أحيانا يكون الرجل هو السبب إما لضعف شخصيته وتسلط الأهل وتحكمهم فيه
أو لانه سلك مسلك بطال خلا العيشة معه ماتحتمل أو انه من اللي فاهم الرجولة غلط
ويصبح زوجته بكف ويمسيها بضرب العدو يعني الأسباب كثيرة ومختلفة
وممكن تكون الزوجة هي السبب مثلاً تكون متسلطة وطويلة لسان وحااول يعدل فيها لين مل<< مع اني اشوف
العكس اللي هذي أخلاقها يتمسك فيها زوجها بيده وأسنانه مدري خوف ولا حب مدري بالضبط وش اسميه
فيه اشياء كثيييير لكن صراحة الغالب تكون الزوجة صابرة عالكثيييير بس محد داري عنها وإذا استشارت أحد قالوا
الصبر مالتس إلا بيتس وزوجتس وتصبر الضعيفة وتشوف الضيم والظلايم لين يفرجها الله
حتى لو كان سكير راعي مخدرات أو راعي بنات عادي يطلب منها الصبر لاااا والأدهى والأمر اذا قالوا لها دوري العيب منك
ماراح الرجال لطريق الغلط الا انتي منقصة شيء<<< هالجملة تقهررر وتظلممم لأن احتمال كبير تكون هالعادة عنده قبل الزواج
وصارت ادمان وماقدر يتخلص منها بعد الزواج الله لايبلانا يااارب ويهدي شبابنا وبناتنا للي فيه الصالح يارب
بينما لو أخطت المرأة بخطأ بسيبيبط قالوا للرجال طلقها ولا اعرس عليها يعني أحس المجتمع كله يبي له نفضه
محترمة وتوعية كبيرة للي المفروض يصير يعني بعض الأزواج يستشيرون ناس مايعرفونهم ويتبعون كلامهم وغالباً مايكون في صالح الطرفين يلا الله يعين موضوع جميل ألف شكر.