مسكينه هي المراءة دائما مظلومه ومأكول حقها والضحيه دائما وابدا حتى فالطلاق مايطلق الا شرشحها واهانها انا استغفر الله مالوم اي وحده تسوي جريمه بزوجها اوك هي مجرمه بس بعد ضحيه هو لو ماكان قاسي وظالم ومفتري والله ماصار الي صار من الجرايم الي نسمعها وحتى الطلتق المراءة ماتوصل له الا هالمفتري وصلها لحد لايطاق حسبي الله ع كل ظالم يتقوى ع امراءة ضعيفه ورسولنا الكريم قال استوصوا بالنساء خيرا ياويلكم يارجال اذا ظلمتوهن

يسسلمو على الموضوع

صح يقولون ان الطلاق منتشر في السعوديه ..

بس الأسباب والله هي من أعوجاج الطرففين مو بس الحرمه ..

والصراحه الرجال له دور كبير في إصلاح هذا المشروع المقدس لأن هو رب الأسرة .,,, لكن للأسف بعض الرجال

يقول أنه رب الأسرة وهو المسؤؤل ولمى تيجي المشاكل يشيل نفسه منها ويقول المراة هي المعوجه والغبيه وناقصه

عقل ,,لاكن للأسف الرجل يلعب دور كبير ومسؤؤل في أستمرار هالعلاقة بنسبة كبيررررررررة

وأنا اشوف الاسباب : أن الرجل يتزوج وما يكون مقتنع بزوجتة مية بالمية وكذلك هي يعني (( يكون الزواج بالإجبار بانسبه للرجل اهله غاصبينه يبونه يتزوج ,, وبانسبة للبنت يبونها تزوج عشان لا يروح عليها العمر ))

يعني الزواج عندنا صاير بس اللهم أننا تزوجنا وخلاص لكن لا نهتم بموضوع التوافق الفكرى والاجتماعي وغيرة ..

أهم شئ في نجاح العلاقة الزوجية هي الحب والأحترام بين الطرفين والتوافق الديني والفكرى والاجتماعي

لكن عندنا الزواج وقت الخطوبه خاصة يقول هو أيه موافق وهي تقول ايه موافقة وراضيه ,, لكن ما سألو نفسهم هل هو يناسبني وهي تناسبني لكن لا للاسف ينخرطون بأمور أخرى بعيد عن هالشئ ينغرون بالأمور الظاهرة ويعيشون جو من الهيام والاوهام والغرام هذا الشئ باتحديد يخليهم ما يفكرون بشكل صحيح في اختيار شريك حياتهم بشكل يكون مناسب لهم والله سبحانه يقول اهم شئ القبول والرضى والاستشارة والاستخارة يعني لابد ان نكون متاكدين من مشاعرنا ومن سلوك الزوج المتقدم او الزوجه بالاظافه الاستخارة ...

هذا رئي وإن شاء الله أكون وفقت فيه ..

ياربي رباه كيف طلاق يعني ؟ يبعد عني ويروح عند امه لا بإذن الله ماازاعله ابدا حتى لو هو غلطان انقل الغرفة الثانية ومانتكلم بس البيت مااطلع منه ولا يوصل هالسواليف ممكن نضارب ممكن ارميه بقدر او صحون وكاسات وأخذ حقي
ممكن اطرده من باب الشقة اذا مرة زعلت يروح بيت امه لكن طلاق مافيه ابدا
يعني صعب صعب جدا مااتزوج الا متااخر عادي لكن اختار اسد يصبر وكذا

والله ان الرجال طيب ومثل البلسم بس الحريم مايعرفون يوصلون لهم الله يهديهم

مثال ؛

من نظري اشوف هالحريم بعضهم ماتستحي كل شوي عند أمها وتاركته لحاله هالمسكين ولا تجلس ايام عند أمها بسبب أخواتها وهو ليه دافع إيجار شقة ويصرف عليها
تاركه الرجل لحاله هالمسيكين

مثال ؛
طاقة لها خدامه بالبيت وهي عاطله ومضيقة نفس الرجال وحريته بالبيت

مثال ؛
الحريم ماعندها عير الصرف والتبذير ماتوفر الوحدة ونفكر بعقلها بس تصرف
ووحدة تقول اصرف الراتب عشان مايجمع ويتزوج ^_^ عقل منتهي


^^^ بعض الحريم مو جميعهم

الصراحة الطلاق لو حصل بيكون السبب الطرفين لانهم كيف يقدرون يبعدون عن بعض
هذا اذا هم صدق تزوجوا مقتنعين ببعض ويحبها وتحبه بالله وين الحب الي بينهم
بالسهوله هذي خلاص فراق والله مافي حب وتضحية وحفظ عشرة بينهم
لو كان فيه كان الامور تنحل بينهم في بيتهم ولا انسان يتدخل

ياشين الحرمة الي كل مازعلت لمت عفشها وبيت أمها وأبوها
هذا يقلل مقدارها مايزيدها عند الرجال
الثقيلة تمسك بيتها وفي حركات توضح زعلها اول شي اربطي فمك لأعاد تتكلمين
ساعة الغضب تجيبين العيد
ياربي امور كثيرة لكن طلاق ورحيل من بيتها هذا الجنون

الله لا يجيب الزعل وقبلها اختاروا الرجل الصالح والبنت الصالحة

وسلامتكم

نسيت أقول شي مهم ..

الطلاق أحيانا .. حتى مو أحيانا في كثير حالات رحمة من الله

يعني ممكن كلهم(الزوج والزوجه ) خلوقين وكويسين بس عاد ما يناسبون بعض
ما حبوا بعض أطباعهم غير بعض
الطلاق رحمه من الله مو يعني نهاية العالم

بعض النساء مهمها سوى تقول ليه أزعل هو رجال ما يعيبه شي وهو حضرته شافها بليده ليش مايزعلها مره ومرتين وثلاث دامها إذا زعلت راحت غرفه ثانيه بس الأمور تمام والله

شي ثاني لو بيمن عليها ومستأجر شقه مستأجرها لسواد عيونه وراحته مو بس راحتها

كلمة ونصيحة مني لاحد يضيع وقته ياشين البنت إلي ما تعرف تاخذ موقف بحياتها وتخلي نفسها تحت رحمة شخص لسبب أنه رجل

الحياة مشاركة وتحديد مواقف مو خضوع بلا حدود

شكرا ع الموضوع مره ثانية ،،

ليش تعمم على كل الحريم انت تتكلم عن فئه موجوده لكن مو كل الحريم كذا والطلاق يتحمل مسؤوليته الطرفين
انا من رائي من اهم اسباب الطلاق عدم التكافؤ بين الزوجين من جميع النواحي من حيث الاختيار الخاطئ للزوج او الزوجه لانه لو كانوا متفاهمين ومنسجمين بيتغلبوا على جميع الصعوبات

الرجل رجل مهما كان وينحط فوق الراس والحرمه الزينه بنت الرجال توقف مع رجالها وتعدله وتكتم مشاكلها وأسرارها في بيتها

ليه تعتبرون احترام الزوجة للرجل مذله لا والله دلال الزوج ماهو مذله والصبر عليه ماهو مذله

ياكثر بنات تزوجوا رجال ضايعين بالفساد والبعد عن الله والآن هم من الصالحين وكما يقال خلف كل رجل عظيم امرأة !

نعم صدق من تكلم وقال لا كبرياء في الحياة الزوجية هي عشرة وتنازل لتستمر !