السلام عليكم بدش بالموضوع بدون مقدمات وشرايكم باللي نزل اسسمه بالترشيحات وعند مراجعة الوزارة الموجهة لهاا لم يسجل قرار المباشرة والتعيين والسبب اجتماع لجنة وتأخير الى ما بعد الاجازة ؟؟؟
والله نزعوا الفرحه شكيت بأن الموضوع مااهو مضبوط لكن بصبر الى مابعد الاجازة مع العلم اوراقي وصلت للوزارة المرشح لها قبل الاجازة بأسبوع وراجعتهم ومافيه فايده
ابي اعرف ماذا افعل بمثل هذه الظروف اقصد بعد الاجازة ؟
واذا اخروا التعيين والمباشرة مالذي افعله ؟
هل اسحب الملف وهل يعاد ترشيحي ولا تروح علي حيروني بتأخيرهم ولم اجد السبب المقنع !



انتظر ردودكم ولكم شكري

22 مشاهدة ولا يوجد رد الله المستعان

نفس حالتك
ولكن انتظر الى اول يوم بعد الاجازة

هلابك ابو شادن الخوف نفس الموال مواعيد وتأجيل مالذي افعله هخل اسحب الملف ولا اقدم تظلم لديوان الخدمة يشوفون لي حل انتظر ردودكم

تحياتي لك اخوي المشكلة التأخير الغير مبرر ننتظر الى مابعد الاجازة ان شاء الله وبصراحة افكر اقدم شكوى اذا لم اباشر العمل

لا وش تسحب فلفك
انتظر بعد العيد وراجعهم وان شاءالله تلاقي الامور طيبه
واوراقك جاهزه ...بس التأخير حتى ما يحسبون لك المباشره من قبل الاجازه
تحياتي لك

هلابك اخوي طبيب جراح ليش طيب ماتفرق قبل ولا بعد الاجازة واوراقي كاملة والكمال لله عز وجل ابنتظر وامري لله مع بداية الدوام براجعهم واذا اجلوا المباشره بقدم شكوى للامارة وشرايكم !!!!!

أخوي لا تستجعل أذا كنت مكمل اوراقك عندهم وضعك بالسليم
وإذا باقي ماكملتها راجعهم السبت وكملها وخل توكلك على رب العالمين

بس وش الاوراق الجاهزه (الكشف الطبي ، نموذج تحويل راتب من البنك ، صور شخصية ، صور من مؤهلاتك وبطاقة الأحوال) هذي الأوراق اللي تطلبها الجهة بمجرد مراجعتك لهم

وعلى فكره موضوع الـ15 يوم ولازم تباشر يكون من تاريخ صدور قرار التعيين بالجهة أما رقم صادر خطاب الترشيح ماله دخل بالموضوع وماله أهمية كبيره


وازيدك من الشعر بيت أي ادارة حكومية ماتقدر ترفض مرشح الديوان ولا تقدر تلعب بالوظيفة اللي أنت مرشح عليه لأنها بأختصار صارت تحت تصرف الديوان مو تصرف الجهة ولا تدخل حتى بيانات الترقية


يعني وانا اخوك ألف مبروك ع الترشيح وع الوظيفة وكلها أيام وتكمل أوراقك وحاول أول مايصدر القرار تسوي المباشرة لاتتأخر فيها عشان تلحق العلاوه السنويه لأن أي موظف مباشر قبل 30-12 وعلى رأس العمل يستحقها