والله يابن اخي مرزوقه تبغى الصراحة ماعندنا شىء والله نفتخر فيه أبد ! لاعادات ولا تقاليد الواحد يفتخر فيها ! كلها تنرفز ولا انزل الله فيها من سلطان مانفتخر الا بديننا وبس

وماوصل مجتمعنا للي الحال المشين والمخزي اللي احنا فيه الا لاننا تجردنا من الهوية الاسلامية وضعنا في الطوشة ! وربي الشىء الوحيد اللي معطينا قيمة بين دول العالم فقط كوننا مسلمين ونشهد بإن لااله الا الله وأن محمد رسول الله ! غيره لاتدور !


انت بس طالع حواليك بالله في شىء تفتخر فيه ! مافيه ابد كله عوير وصوير واللي مافيه خير

بس رجاء لاتظلم الحضارة الغربية بمجرد ان أبنائنا يقلد حثالة ثقافتهم اقصد ثقافة طيحني - وارفعني وغيرها من المسميات المزرية أصلها من سجون امريكا تحديدا الزنوج كان السجين ينزل بنطلونه اشارة لفعل الفاحشة والعياذ بالله تخرجوا من السجون وانتشرت الثقافة في شوارع امريكا القذرة الين ماوصلت للشرق الاوسط وسار الكل يقلد ويطيح وهو مو داري انه معناه دنىء جدا

مو ذنب الحضارة والثقافة الغربية ان مجتمعنا اختار بارادته اسوء مالديهم واستعز فيهم !

الحمدالله مااشتري غير جلابيات طويله وكم طويل للعيد رالخرجات وبالبيت قمصان طويله ومسترة الحمدالله

الله يهدي من يقلدون الغرب أنا لي بنفسي غيري هم يعرفون الصح من الغلط

لكن الجلابيات مدري ليه رافعين أسعارها أمي وأبوي شارين لي اليوم وحدة للعيد يقولون ب٢٠٠ ريال أشوفها غاليه

لايفوتكم عباية فيليكس

السلام عليكم ..

أنا أحدثك يالبناخي و أنا في مدينة كولن في ألمانيا والله ثم والله شي مخزي من بنات الحرمين إنهزاميه عجيبه ..

من مطار الملك خالد وهن مجهزات بكشف الوجه ليه ؟
لأن أغلب اللي في الرحله أجانب و أصلاً الخطوط أجنبيه يوم أقلعت و وصلنا لفرانكفورت للأسف جادعين العبايه مره بس بنطلون و طرحه بالله هذي عبايه

الغريب في محطة القطار في كولن ركبت كانت معنا قسيسه مثل عباتي بس الفرق أنا متنقبه وهي كاشفه جزء صغير من الوجه

هو راجع للمبدأ و القناعه التامه أن العزة في ديننا للأسف ربعنا يشوفون أنه نفتح عيون الغرب علينا وراح يأذوننا لكن اللي شفته غيررررررر تماماً متى ماكنت ماشي بالسليم و بعزتك هم ينظرون لك بإحترام ..

الحمدلله الذي عافاني مما ابتلاهم به ..