ماعديت

الحمدلله

الف مبرووك اللي اجتازوا الاختبار ، ويشدوا حيلهم لاجتياز المقابلات الشخصية

نصيحه للبنات اللي ماجتازوا الاختبار أن يجعلوها دافع لهم وخبرة علمية وأن يرضوا بما كتبه الله لهم ، ولاتنسوا ذكر الحمدالله

لا بس تذكرت لندن همر يوم يقول بيرسلون لكم رسايل قبل باسبوع بالنسبه للي اجتازو الاختبار


عشان تدرون ان ماعنده سالفه






الف مبروك للي عدو وحظ اوفر للي ماعدت

اخواتي الجميلات مبروك للي عدت الاختبار الف مبروك واللي ماعدت لا تتحطم الشغله مجرد تجربه وان شاء الله مليئه بالفائده ...... بنات الانجليزي مين عدت؟؟؟

اللهم لك الحمد و الشكر انقبلت الحمد لله
يارب يسهل اللي جاي
و عزيزاتي اللي ما حالفهم الحظ ان شا الله تكون خيره اولاً و ربي يكتب لكم الخير في اللي جاي ان شا الله


لندن هامر !!! ههههههههههههههههههه
من يضحك اخيراً............

بنات بالنسبة للي جربت المقابله الشخصيه قبل كذا تفيدنا
الحمد لله انا ما عندي واسطة و اللهم إكفنا بدعائك عن سواك

سمعت انهم يسألون عن اخر كتاب قريته و حاجات كذا
طيب هل اللجنة مكونه من ذوي الخبرة في مجال تخصص كل منا؟
يعني مثلاً في قانونيات يحاورون خريجه القانون و عليه باقي التخصصات؟

و السؤال الثاني و يمكن تأيدوني فيه ، خريجات القانون و السياسه و العلاقات الدوليه لديهن بعض الخبرة عن طبيعة الاعمال الدبلوماسيه و السياسه، لكن باقي التخصصات قد يواجهن مشكلة في هذا الموضوع ! خصوصاً في فهم بعض المصطلحات، هل يوجد تأهيل لمن سيجتاز المقابلة من المتقدمات على وظيفه سكرتير ؟ والا من الدار عالنار؟
في سؤال يؤرقني!!! هل بيدققون على موضوع ان يكون معنا محرم؟! انا زوجي موظف حكومي ! و هو موافق و كمان مسلم اوراق تقديمي في البريد بنفسه الله يحفظه
يعني انا مستغربة سالفة اننا راح نعمل في الخارج في ظل تعقيدات و شروط المحرم و المرافق !! و لو السفارات بيوفرون سكن للموظفات في بلد د العمل اقول اوكي ممكن لكن هل بيعاملونا زي الرجال؟؟؟!!!! روحي دبري عمرك في بدل السكن؟
ههههههههههه والله تناقضات تثير الدهشة و ارجو انها تكون خيالات و السالفه تمشي احسن من توقعاتنا

^^^^^
على البركة وعقبال القبول النهائي
اذا وقعتي اوراق قبولك النهائية تعملين بالوزارة من سنة الى سنتين وتقدمين اوراقك للعمل بالخارج وحسب المتوفر والشاغر اوروبا او افريقيا. طبعا الزامي تعملين بالخارج وتوافقين على اي دولة
الراتب خلال العمل بالوزارة حدود ٨٤٠٠
بالتوفيق

تياسيرك ازيدك من الشعر بيت هههههههههههههه


شوفي كلامه. يقول ان الراتب 8400 ريال


وجبت موضوع مفصل عن الراتب عشان بس اوضح لكم ان الرجال وقت فضوته يجي ويطقطق علينا


اسمحو لي باشرح لكم شوي وتحملوني شوي الله يوفقنا وإياكم طبعا شرحي لراتب الملحق اللي هي المرتبة اللي أول ماتتعين عليها ...
مادمت في المملكة ماراح تستلم إلا 5555 مع بدل النقل اللي هو 700 فقط .. طبعا بدل السكن والتمثيل هذه ماتستلمها إلا إذا أصبح عملك خارج المملكة .. طيب خلينا نحسبها لكم لكي تتضح الرؤية .. طبعا إذا دخلت الدورة راح تكون مكأفاتك 1500 بعد انتهائك من الدورة بنجاح تبدأ تباشر عملك في الديوان بالراتب اللي ذكرته فوووق طبعا العمل المعتاد في الديوان قبل البعثة الخارجية من سنة إلى سنتين ثم تنقل بعد ذلك إلى إحدى البعثات الخارجية وهنا يبدأ يتغير كل شي يعني مثلا أول ماتتوظف وتبعث خارجيا يكون حساب الراتب كالتالي مرتبة ملحق الدرجة الأولى 5555 مع بدل النقل 700 مع بدل تمثيل وبدل سكن شهريا بالإضافة إلى بدل يصرف لمرة واحدة فقط عند نقلك لأي بعثة خارجية وهو مايسمى ببدل تهيؤ ونقل أمتعة وأثاث وهو ما يعادل راتب ثلاثة أشهر 16665 ألف ، مع بدل التمثيل للملحق في الدول اللي معيشتها ماهي غالية 7134 تقريبا كذا يكون المجموع الكلي تقريبا مايعادل 23799 ألف ريال تصرف لك مرة واحدة عند انتقالك للبعثة .. ومادمت تعمل في البعثات الخارجية ، الوزارة راح تتكفل بتعليم أبنائك ، أما التأمين الصحي إذا كنت في دولة فيها تأمين صحي إلزامي فتوفره لك الوازرة ، أما إذا كان لايوجد تأمين في البلد المرسل إليه فتعطى تقريبا 300 شهريا إضافة إلى تكفل الوزارة بتكاليف العمليات الجراحية والأمراض المستعصية والمزمنة والحالات الطارئة .
الوازرة أيضا ستتكفل بتذاكر سفرك إلى مقر البعثة على درجة الضيافة السياحية أو مايعادلها طبعا هذا للملحق والسكرتير الثالث والسكرتير الثاني .. أما مرتبة السكرتير الأول ، مستشار ، وزير مفوض ، سفير هم فقط من يصرف لهم تذاكر على الدرجة الأولى ..
إضافة إلى أنه يصرف لك أو من تعولهم تذاكر سفر مرة واحد بالسنة خلال إجازاتك ..
يعني :
راتبك في المملكة راح يكون الراتب الأساسي 5555 +700 بدل نقل
راتبك في الخارج إذا نقلت لبعثة راح يكون 5555 راتب أساسي + بدل تمثيل + بدل سكن + بدل نقل + تأمين طبي ..... بدل التمثيل تختلف النسب على حسب البلد الي تروحله مثلا اليابان أو نيويورك يكون 10556 .. أما إذا كنت في دولة متوسطة المعيشة مثل قطر ، تركيا ، الإمارات راح يكون بدل التمثيل 8323 .. وفي الدول اللي المعيشة فيها رخيصة مثل بنغلاديش سريلانكا تنزانيا راح يكون بدل التمثيل 7134 .. بدل السكن برضوه يختلف باختلاف البلد وباختلاف تواجدك بمفردك أو مع عائلتك نفصل فيها شوي .. إذا كنت بمفردك في بلد والسكن فيه غالي مثل نيويورك راح يكون بدل السكن 11250 وللمتزوج 12000 شهريا ... أما إذا أرسلت في بلد أسعار السكن فيه متوسط مثل قطر ، الإمارات ، تركيا راح يكون بدل السكن للأعزب 5900 وللمتزوج 6600 شهريا .... أما لو قلنا إنك أرسلت إلى بلد السكن رخيص مثل تونس عمان جاكرتا راح يعطونك شهريا لبدل السكن 3700 إذا كنت بمفردك ، أما إذا كنت متزوج 4125 ألف
راح أطرح أمثلة اختصر فيه كل اللي فووق : سعد ومحمد وخالد
سعد أعزب أول مااجتاز الدورة عين في الديوان راح يكون راتبه الشهري كالتالي :
5555 راتب أساسي + 700 بدل نقل - ناقص 499 لمصلحة التقاعد = 5756 ألف ريال شهريا

محمد أعزب أول ماتعين في القنصلية السعودية في نيويورك راح يكون راتبه الشهري كالتالي :
5555 راتب أساسي + 10556 بدل تمثيل + 11250 بدل سكن + 700 بدل نقل - ناقص 499 لمصلحة التقاعد = 27562 ألف ريال شهريا بالإضافة للتأمين الطبي كما ذكرت آنفا

خالد أعزب أول ماتعين في السفارة السعودية في بنغلاديش راح يكون راتبه الشهري كالتالي :
5555 راتب أساسي + 7134 بدل تمثيل + 3700 بدل سكن + 700 بدل نقل - ناقص 499 لمصلحة التقاعد = 16590 ألف ريال شهريا بالإضافة للتأمين الطبي كما ذكرت أعلاه

طبعا ياخوان كل اللي ذكرناه فوووق هو لمرتبة ملحق ومثل ماشفتوا الرواتب تختلف باختلاف الدول من بدل تمثيل وسكن ،،
طبعا أنتم ركزوا على المقابلات وإن شاء الله بعد ماتجتازون الدورة فكروا فيها

صح راتب الملحق يبدأ ضعيف إذا صار في المملكة بس أحب أطمنكم إذا أرسلوك إلى أحد سفارات المملكة بالخارج راح يرتفع سريعا وبقوة يعني لاتخافون ولاتقلقون كلها سنة أو سنتين وترسل لتعمل في أحد سفارات المملكة أو قنصلياتها ويتحسن وضعك وتترقى ومع الأيام تصير من أحس موظفين الدولة أجورا بالإضافة إلى العمل المريح والعلاقات اللي راح تصنعها مع شخصيات مهمة داخليا وخارجيا وربنا يكرمنا وإياكم بالوظيفة اللي تحبونها .. طبعا أخوكم كان وده بهذه الوظيفة بس ربي ماكتبها له ولعل في الأمر خيره وعسى ربي يوفقكم ..
هذا باختصاار ..
أسأل الله لنا ولكم التوفيق ولاتنسوني من دعائكم بكشف همي وضري ...
والعذر والسموحة على الإطالة والقصور ..

للأمانة منقول: https://www.btalah.com/showthread.*****..#ixzz2Kly7djzr


للأمانة منقول: https://www.btalah.com/showthread.*****..#ixzz2Q1zpYBTB