شكرا امولا ، ربي يكتب لك كل احلامك
..

بالنسبة للمقابلة
بدأت بوقت مبكر قبل الساعة 3 بكثير ، وما كان فيه وقت مابين كل متقدمة و الثانية بالمقابلات ، كان الرتم سريع جدا ،و الوقت اللي يقضونه مع كل وحده مو طويل
الجو العام للمقابلة : اللي قابلونا اختلفت حدتهم من الجادة جدااااا الى المريحة جدا صاحبة اجمل ابتسامة
ورغم للابتسامات الا ان تسارع الاسئلة المطروحة عليك يحسسك وكأنك نحت وابل من الرصاص ،

ما ازيد على اللي قالوة البنات بالنسبه للاستمارات
الاسئلة اللي تطرح حدثينا عن نفسك ، ليه نختارك انتي بالذات بين كل هالمتقدمات ، سؤال سياسي ما بين اخر الاخبار او طلب تحليل لحدث سياسي قريب جدا
موقف محرج او صعب مريتي فيه ، و سؤال ثقافة عامة ، وبقية الاسئلة تكون استنباطية من المواضيع اللي انتي تكلمتي عنها و خاصة لما تحدثتي عن نفسك او معلومة انتي كتبتيها عن نفسك بالاستمارة

باريسيه وبخيته ميرسي علي الخاص ماتقصرو بنات ربي يوفقكم ان شاء الله يارب

بخيته والله ضحكتيني اقري الخاص راحت العصبيه بعد رسالتك فديتك

الله يوفقكم يارب
بس احس صعبة اتوظف برى

الحمدلله مقابلتي كانت اليوم وعدت على خير
الله يسعد البنات رغوه ودوبلوماسية قريبا وكل الي هنا ويوفقكم
من جد تحربتكم كانت مفيده فعلا عرفت كيف أجهز اجاباتي
للإفادة : تحديث عن نفسك لابد منه وبناءا علي كلامك فيه يسئلونك الأسئلة
وكمان يشوفون الاستمارة الي عبي تيها ويسألونك منها يعني زي الأنشطة التطوعية وألي شاركته فيها
وكمان ايش الأخبار هذي أليومين ؟
ومواقف صعبه واجهتك وايش اتعلمتي منها ؟
هذا كل الي سالوني وكانت قصيرة حدود ١٠ دقائق أو اقل.

الله يوفقكم[align=center][/align]

حبيباتي الله يوفق الجميع ويكتب لنا ذي الوظيفة يارب .... مدري ليش مايقبلونا كلنا .... ترا ما تصير زحمه عندهم ولا شيء هههههه ..... يارب كل اللي دخلو المقابله تتيسر لهم الوظيفة وينقبلو ...... وبارب اللي دخلو الاختبار الاخير تطلع اسمائهم ويوفقهم ربنا ........ الحمد لله على كل حال مالي نصيب في هذا التقديم ....

سكرتير ثاني ( قسم نسائي ) دوبي قريت تجمع الشباب و عرفت انك تقصديني انا

عموما حبيبتي اللي بيساعد يساعد من ذاته و اللي بيعطي معلومات تفيد بيعطيها من دافع خاص به

كل المتواجدين هنا وصلوا لمرحلة عمرية و قناعة شخصية ما راح تغيريها ولا تميليها عن اتجاهها بالاسلوب اللي استخدمتيه

ما فيه احد هنا يحمل على عاتقه امانه انه يعطيك معلومة و كأننا بتسجيلنا بالموقع دخلنا بالاجبار في دائرة تحضيرك للوظيفة , من يساعد فيساعد من ذاته و من يمتنع له اسبابه و من تكلم كفى و وفى وله جزيل الشكر

اسلوب تحسسي الأخرين انهم مقصرين و تحاولي تشعريهم بالذنب فقط لانهم تأخرو و انشغلوا لاسباب خاصة ! اسلوب بائس و استجداء لمساعدة الاخرين باي طريقة

من بدايتنا و تجمعنا اخوي نساعد بعض من * محبه اخويه * و ليس واجب او بحث عن رضى احد !
ان وجدنا ضالتنا هنا والا بحثنا عنها بانفسنا او اكتفينا بما لدينا


انتهى .

هوشه جديده ههههههههههههههههههه مالذي يحدث ؟!؟! ..... مالاحظتو يابنات ان تجمعنا هذا مافيه مضاربات ولا احد يفهم احد غلط ..... ولا شيء ....


الله يصلح حالنا بس خذو الموضوع بروح رياضيه ................

صبايا اللي دخلوا المقابله

مما ظهر لي ان طريقة عملية القبول كالتالي : كل متقدمة تُعطى درجة بناء على بنود محدده مطلوب من الاستاذات تقييمها عليها .
و تعطى درجة مختلفة بناء على الاستمارة الثانيه اللي عبيناها

تجمع الدرجتين و يتم أختيار صاحبات أعلى درجة نهائية من كل قسم


و بكذا تكون الدرجة نوعاً ما حيادية و مبنية على تفاصيل قابلة للقياس


ربي يوفق الجميع و الفرص متاحة للتقديم مره اخرى و الاستفادة من هالتجربة

الاكيد ان كل وحده طلعت من المقابلة و قد تبين لها نقاط الضعف في حضورها الشخصي
و تستطيع العمل على سد هذه الثغرة في تقديمها المقبل .

[align=center]باريسيه معليش بس سؤال:

ايش هذه المعايير ( بنود ) ؟ لان حتى حنا كان لنا مقابلتين وطبعا الاهم مقابلة الوزاره ؟ عشان اقدر اقيم نفسي[/align]