[align=center][/align]بسم الله الرحمن الرحيم

السلام عليكم ورحمة الله وبركاتة ..

كل عام وأنتم بخير ــــــــــــــــــــــــ

أحـــب أسأل البنات ..؟

وش شعوركم يا بنات إذا أهلك وخاصة الأخ تدخلوا في أمور خاصة فيك كأ (( زواج _ وظيفة _ دراسة .... الي اخرة ))

أهلك يعني أخوك وغيرهم ..

مثلا جاك واحد خطبك يقولوا لك أقبلي غصب عنك أو لا تشتغلين هنا غصب عنك والمصيبة إذا كان أخوك الي يتدخل فيك .

مرة أعرف وحده أخوها خرب عليها زواجها بمرجد أنه يكرة العريس ..
وناس جروها مع شعرها وقالو تزوجي ذا غصب ...

يعني من جد متى نتخلص من هذه الآفة (( تهميش شخصية الفتاه والتدخل بأمور حياتها وأتخاذ القرار عنها )) كأنها أنسانة بلا عقل

عموما أبي رئي كل فتاة ..

وش شعورك إذا أنحطيتي بموقف أنك تبين شئ وأخوك رفض وحطم حلم كنت تمنينة وطبعا أهلك مع رئية ...؟

وأنتم يا الشباب ..

ليه تحبون تحطمون أحلام خواتكم وهل أنت تكون راضي بعد ما تسوي هالشئ
هل تكون فرحان لمى تهمش شخصية أختك وتعطيها كم كف إذا عارضت رئيك ...؟

وش شعورك يا الفتاة إذا حسيتي أن أهلك يتعاملون معك كأنسانة ما تقدر تحافظ على نفسها .؟؟.

وهل صحيح أنتٍ إنسانة لا تسطيعين الحفاظ على نفسك..؟؟.

وشكرا

أنتظر أرائكم ..؟

منقووول ..

شيء أكيد اذ عارضت وسوت نفسه ملقووفه اعطيه كف ماشي 200 تتحمل نتيجة خطاه

^
كف مرة وحده يالطيييف><!! ياخوي عاد مو لهدرجة توصل للاعتداء الله يصلحنا ويصلحك
رفقابالقوارير !

----

بالنسبة لي انا الحمدالله اتفق مع اهلي بابا واخواني ورأي من رايهم وخاصة مواضيع الخطبة لانهم ادرى بمصلحتي وانا اصلا ماارتاح نفسيا الين لما اشوفهم مبسوطين وموافقين احس فرحتي مرتبطة فيهم ماقدر اخرج عن شورهم ابد حتى لو تركوا الموضوع بيدي !يعني لما تحسي انه في شخص يناسبك وهم ماناسبهم تحسي بنظرات حزن فيهم وتعجب ! تضطري تكنسلي الموضوع بكبره لانه صعب تفرحي لوحدك وهم متضايقين ! احس والله غصب عنك تمشي مع رايهم وتخافين لو وافقتي وهم معارضين لو لاقدر الله ماتوفقتي ولاشىء تعضي اصابع الندم وياليت سمعت كلامهم ومن هالحكي اللي يقلق بعيشتك ! وتعيشي الايام كلها قلق ماترتاحين لين لما تحسمي الموضوع مع اهلك والله قلق

انا عني كرهت سيرة الخطبة والزواج بيتنا يسير فيه حالة استنفار يالطيف ومايهدأ غير لما يتفركش كل مرة اعوذ بالله

بالعربي رايهم اولا ثم نحن ثانيا ّ !

الحقيقة مامريت بهالشيء اني اجبرعلى امرماابيه
لكن وش يدرينايمكن يكون بالامرخيره لانه قد
تكون بعض البنات مافهمت الحياة صح ووين مصلحتها


اماان اهلي يتهموني مااقدراحافظ على نفسي فيعتمد
على سني وادراكي قداكون صغيره وانجرف بأمور
خطره ويغيب فيهاالخوف ويحسنها لي الرفقه السيئه
لكن اناالحمدلله بعيده عن هالشيء الفضل لله ثم تربيتي
وبعدين اﻷهل مستحيل يتهمونك الا إذا انتي عرضتي
نفسك لذا الشيءوكانت تصرفاتك مريبه..
يقولك المثل من عرض نفسه للتهمه فلايلومن إلانفسه.
.
.
طيوربلااجنحه مشكوره ع الموضوع.

__________________
"لله دُر أمي إذا ابتسمت
تهادت جروح قلبي والتئمت"

وعليكم السلام ورحمة الله وبركاته

اقتباس:

المشاركة الأصلية كتبت بواسطة ابغ عسكرية اذا عارضت رائي

بصراحة رأيك إستفزني بس لأنها عارضتك !!
طبعا أكيد فيه كثير هنا بالمنتدى نفس الشيء
يا أخوتي
لكم الإحترام لكن كلامكم مو قرآن منزل
ممكن رأيك يكون خطأ وهي الصح
بعدين المفروض الرأي الأول والأخير للوالد والوالدة الله يحفظهم
ومع كل هذا مالكم حق تضربون ماضرب الوالد مو عاد يضرب الولد
الله يسامحكم على اللي تسوونه بخواتكم

"رفقا بالقوارير"
"أستوصوا بالنساء خيرا "

اللهم صل وسلم على نبينا أرحم البشر
مشكورة أختي

وانا اقول وش سبب العنوسه والطلاق.......


الله يوووفق الجميع...

ولامره صار لي موقف من هالمواقف....