الله معك واتمنى لك مستقبل زاهر يا زاهر

والله ما أعرف كيف تغير جنسيتك

لكن ممكن تقدم على شغل هناك ولا دراسة ورووح جرب يمكن بعدين ما تعجبك جرب نفسك قبل لتتهور وتغير جنسيتك ..
والله يوفقك ويكتبلك الي فيه الخير ..

الله يرزقك من واسع فضله يارب العالمين ,,

أنا بقول شيء ويمكن خارج الموضوع بس أسمح لي



[السعودية بلد خير ]
والحمدلله خيرنا واصل أغلب الشعوب
ولله الحمد

بس السعوديين والسعوديات طموحهم كبير بالحيل
وانا منهم نبا راتب يستاهل تعبنا ويستاهل قومتنا من النوم

والأجانب متكسبين صح وملي البلد لكن والله يتعبون تعب عشان
الفلوس ذي تظهر بلادهم بلاد فقر
لكن والله يكرفون ويشتغلون على فترتين وأكلهم بخمس ريال
عشاء وغداء يحسبون لكل شيءيعني تميز وشباتي
ملابسهم رخيصه عيشتهم بسيطه
يعني يجمعون الفلوس بتعب وشقاء
ويجون السعودية بعضهم تهريب ويسفرونهم ويغرمونهم ويرجعون للسعودية
أنا أعرف بعض المصارية يشتغلون ب1500 نهار وليل وعلاج بفلوس
ومدارس بفلوس والحمدلله
حنا السعوديين :
عشاء 100
غداء 200
حلا ومالح وسفروجوالات ولابتوبات ونت وخرابيط مالها لزوم
وشغالة وسواق والملابس كل شوي شراء لدرجة أننا ندور الحاويات
أنا مااقول الكل الغالب للأسف وفوق الراتب اللي يجيه لمخه من الدولة
ديون تقصم الظهر وكل رجال يطلبة

اقسم بالله أني أعرف واحد يقرب لنا من الجماعة تبعنا
متقاعد وهو شاب وديون عليه الله يكون في عونه
سيارته كل شوي يستأجر مدري كيف نظام المكاتب ذي المهم أن
كل شوي معه سياره أجار ومدخل بنته روضه ودلع عياله وجوالات
وحرمته ذهبان ومقفل جواله عن الديانه ويسافر برا السعودية

يعني وش اللعب ذا وش الإسراف ذا
ليه مايروح يشتغل ويسدد الرجال اللي يطلبونه ويشوف اللازم
يعني مافيه شغل
لو يبا يدور لو إي شغله تدر عليه
لكن هو مايبا يصحى الصبح مايبا يتعب
يبا يقعد على مكتب ويجيبه بالشهر 8000
البلاد فيها شغل لكن حنا طبعنا شين
مانبا نتعب ومانعرف نلم الدراهم ومرفهين بزيادة
والحمدلله على كل حال

شطحت كثير بس مشكلة البطالة صحيح أنتشرت لكن
طيب الأسباب منا ترا والعله موجودة
صح أنه مايغطي البنزين وبعض الناس ماعندهم بيوت ملك
الأجارات ومايغطي أشياء واجد بس على الأقل
دخل محدود مثل الشباب العزابيه على الأقل تمسكه عن الهمله
والله يستر علي الجميع ويرزقكم

ترى رب الاماراتي والقطري هو نفسه ربك...الدنيا يبغالها صبر شوف كيف اجدادنا وابائنا كيف كانوا والحين كيف صاروا
وحياتهم كانت اصعب من حياتنا...

لو أنت تميمي .. رح لـ قطر , وبتآخذ الجنسيـة وفوقهـآ بوسه على رآسسسك
الشآعر خليل الشبرمي أصله سعودي ومن جمآعتنــآ وأنآ محدثك تميمي
و فكرت قبلك أروح لـ قطرررر وأخذ الجنسية
ومثل مآقلت لك إذا انت تميمي .. بيدلعونـــــــــــــــــــــك بقطرررر
,,
أمآ الإمآرآتي فـ مآ أدري بـ الضبط وش شروطهم

صح الحاجة والشعور بالنقص شي سيء

وإنك تفكر بتحسين وضعك شي جميل

بس الإنتماء شي صعب توفره لك الهويه والجنسية

لأنه إنتمائك لوطنك بيبقى بنفسك مهمها غيرت جنسيتك فليش تلعب على نفسك

كلنا الوضوع مو عاجبنا وكل الدول فيها مشاكل

فتخيل كل إلي مستاء يسوي زيك

كان تلقى كل السودانيين والهنود وباكستان سعوديين لو بكيفهم يعني

..

الله كريم إن شاء الله نحصل على حقوقنا جميعاً

بس المهم حاول إنك تتقدم بنفسك وتخلي الناس تتمنى إنها سعودي إذا شافتك