السلام عليكم ورحمة الله وبركاته ..

وكل عام وانت بخير ..

ابي محلات الجملة في جده

للشاحن المحمول نفس الصورة





وابي بعد جملة ساعات كاسيو



شنط تقليد الماركة بحيث يكون معاه كرت الضمان والكيس والمحظة




ياليت خلال هذا الاسبوع ضروررري

اتمنى رفع الموضوع حتى احصل الرد .. .

بالنسبة للجولات واكسسواراتها في البلد تحديدا شارع الملك عبدالعزيز فيه موقعين لهم هناك واحد جنب مواقف السيارات اللي قبل تقاطع شارع الذهب واشهر محل جدة فون والموقع الثاني حوله مقابل مدخل مؤسسة النقد وهناك محلات الشنط بس الماركات اعتقد تقليد الماركه ما يعرض في الجمله لأن بيعه ممنوع حد علمي اما الساعات فهي برضوا في
البلد خلف المواقف اللي قلت لك عليها قبل شوي ارجو اكون افدتك وبالتوفيق .

عفوا الجوالات ومستلزماتها افضل من البلد شارع فلسطين سقط سهوا وهو مشهور بس توصلي الشارع اسلي وكل من يدلك

الله يسعدك دنيااا واخره ..

وانتظر البقية اللي عنده معلوماات اكثر...

الله يرزقك من فضله

الله يجزاك الف خيرررر ..

بالنسبة للشواحن ما تنفع وجربتها
وموقعها خلف شارع خالد بن الوليد
محلات الجملة للجوالات والأكسسوارات

أما ساعات كاسيو
فسوق البلد خلف الأمانة بجوار سوق الجنوبية

أما الشنط الماركات
فموجودة في عمارة الملكة
وتقليد الماركات والكسسوارات والميك آب
ففي سوق الخاسكية

يعني الشاحن ماتنصحني فيهااا ..

والف شكررر لك كفيت وفيت ...

ما انصحك بالشاحن لأنه ماراح يمشي
لأنه راح ينشب بحلقك مثل ما نشب بحلقي سنوات
خلاص صارت الناس تعرفة لأنه صيني وتقليد
مدته كم يوم؟

أما الشنط الماركات والتقليد
راح تمشي واسعارها جداً مناسبة
وعمارة الملكة راح تلقين تقليد الماركات
والاسعار من ٣٠٠الى ٥٥٠ريال
حسب الماركة
وخلف عمارة الملكة بتحصلي تقليد بعض الماركات
وبأسعار ٣٠ريال و٥٠ريال
والبيع بالجملة وليس فردة
لازم تشترين ١٢حبة درزن
----
الساعات
لها سوق جملة وفية تقليد ماركات وبأسعار ممتازة
أما ساعة كاسيو. فسعرها بالجملة من٤٠الى٥٥ريال
روحي للمحلات وتشوفي اللي يسرك

الله يسعدك دنيااا واخره ....