راسليني وابشري

[align=center]وعليكم السلام ورحمة الله وبركاته

وش مسار القرض بالضبط
[/align]

مسار المشاريع الناشئه
هو اللي بقدم عليه
فتح لي الموقع وصفحة التسجيل لكن ماقبل البينات ويرد
يوجد خطأ


استااذ سهم العنااا رسلت لك مسجين وانتظر ردك ومساعدتك الله يعافيك

أفضل طريقه هي الطريقه التقليديه روحي لبنك التسليف بنفسك وادخلي على مدير الفرع وقولي

له عن مشكلتكم بالموقع وخليهم يكملون الاجراءات عن طريق الفرع احسها اضمن واطلبي منه يخلص

لكم الاجراءات يمكن ربي يسهلها لكم وحتى يقدمون رقمها وماتطول المعامله


ربي يسهل اموركم ويتمم مشروعكم على خير

وربي ماعندهم سالفه
رحت لهم وقابلت المسؤوله قالت مب معقول كل الناس تسجل عن طريق الموقع
وانت لا
قلت هالحين موجوده عندكم سجلي طلبي اوراقي موجوده قالت مانستقبل غير الطلب من الموقع
سجلي بالموقع ونطلع على الطلب ونرد عليك حسبي الله عليها وكفى
حسيت اني اطلبها صدقه مب قرض رح اسدده وشروط لها اول مالها اخر
غير انهم مسويين رجه بموقعهم على غير فائده الله المستعان

الله يسعدك يا ام رنو

تبغين رأيي بصراحه انا اكره التعامل مع النساء بالدوائر الحكوميه احسهم معقدات ومايبغون يساعدون احد

انا سبق رحت مركز صحي ابغا تحويل ودخلت المدام ورفضت تعطيها وربي اخذت المدام ورحت طبيب

الي العياده الي جمبها اعطاني الورقه بدقيقه واعتقد هذا الشيء معروف موظفاتنا الافاضل

عشان كذا انا قلت لك روحي لمدير الفرع وليست مديره الفرع لأن الي رحتي لها مديره قسم نسائي

روحي لمدير الفرع وقولي عندكم مشكله الكترونيه بموقعكم ترفض تسجيلي طبعاً هذا بعد ما تتأكدين

ان المشكله مو من جهازك جربي اكثر من جهاز وجربي اكثرمن شبكه انترنت واذا قال التسجيل من النت

قولي موقعكم فيه مشكله ومفروض يحولك على القسم الفني لموقعهم يعالجون المشكله


واذا قالو ماعندنا مشكله قولي انا سجلت ومانفع اذا انت صادقه سجليني اللحين عبر جهازك

وطبعاً مافي جهه حكوميه تخلى من الاجهزه والانترنت واذا رفضت هذا الشيء قولي تراكم هنا موضوعين

لخدمتنا واللحين عطلتو مصلحتي ورفضتي تخدميني راح اقدم فيك شكوى لديوان المظالم طبعاً بلهجه

قويه شوي بس لا تتحمسين وتسبينهم هههههههاااي صدقيني الموظفين الحكوميين الي زي كذا

عليهم تعليمات مشدده من اعلى سلطه بالدوله خصوصاً بنك التسليف بالتسهيل للناس وحل مشاكلهم

انتي بس قولي بقدم شكوى عليك بديوان المظالم لانك امتنعتي عن حل مشكلتي وبتشوفين كيف

رده فعلها وطبعاً ترا شكوى بديوان مظالم سهله ماتاخذ نص ساعه خطاب بس وروحي القسم النسائي

وقدميها وبتشوفينهم خلال يومين يدقون عليك

))) يعبي راسك عليهم ههههههههه

اكره صراحه الي كذا مايخدم الناس الله يسهل امركم يارب