[align=center]
السلام عليكم ورحمه الله وبركاته ..


حبيت اطرح عليكم قصه مطعم تركي اشتراه الوالد من فتره وانا حضرت تفاصيلها


المطعم موجود بمحطه بطريق سريع ويقع خلفها اكثر من مخطط استراحات والمطعم

اغلب شغله سفري مشويات ويخرج عماله للاستراحات يشون ذبائح ومشويات مشكله

... الخ

صاحب المطعم شخص ذكي وتاجر يعمل بالتقسيط وكان مقهور العمال مستأجرين منه

المطعم بمبلغ 6000 ريال في الشهر وفوق هذا ايجار المحل عليه حاول يرفع الايجار

والاتراك مسوين عصابه اقارب وعيال عم ومو معطينه اي فرصه يتفاهم معهم ولكن صاحب

المطعم كتم قهره بصدره وسكت وجلس يبحث عن شخص قوي بعالم المطاعم عشان

يكويهم طبعاً انا الوالد له خبره ثلاثين سنه بالمطاعم وعنده محلات كثيره وصل له وقاله

انا عندي مطعم ارغب ببيعه واتفقو على السعر وشرط على الوالد انه يأدبهم


ومايأجر عليهم بهالسعر والله انا حضرت خلصو العقد بمكان بعيد محد يعرف عنه شيء

وطبعاً الوالد استعد بما ان العصابه مسيطره على المطعم مابيقبلون شخص يجي ياخذ

مطعمهم ومنهم وكانت الفرصه لأن المدير الرأس الكبير حقهم مسافر اجازه الوالد

بحكم خبرته قال ماراح يشتغلون بيتروكون المطعم ويخرجون كلهم حدود 11 عامل واي

مطعم لو يتقفل يوم الناس تخاف تتوقع صار فيه تسمم لذلك اخذ من باقي المطاعم

مجموعه مميزه من العماله القديمين


في اليوم التالي بعد عمليه شراء المطعم الساعه 1 مساء

رحنا للمطعم وقلنا لهم اننا اشترينا المطعم والاداره كامله تغيرت الي يحب يجلس معنا

ويشتغل بالطريقه الي تعجبنا حياه والي مايبغا حتى نقل كفاله ماننقل يسافر بلده

خروج بدون عوده ويتم الابلاغ عنه طبعاً كلمو المدير حقهم الي مسافر وقالهم : قفلو

المطعم وخلوه والله العظيم تركو كل شيء محله حت ى مانظفو كلهم خرجو الا ثنين

من الاتراك واحد قال انا مابخلي عيالي جائعين عشانه والثاني قال انا ما اخاف الا من ربي

وصباح اليوم التالي :

عدد 25 عامل بالمطعم ينفذون الطلبات وتم البحث عن سواقين قدامى عملو بالمطعم

وتم طردهم وتم ارجاعم واعطائهم ضعف رواتبهم لأن السوقيين يعرفون مواقع الاستراحات

وكان شغل السفري بيتعطل ولكن السوقين القدتمى وهم 3 تم ارجاعهم وتشغيل 2 اخرون

جدد معهم حتى يتدربو ويحفظون المواقع

اليوم التالي اول دخل والي تفجأنا منه 8000 ريال طبعاً لأنه بأجازه اللهم لك الحمد

وبعد كذا بدأ المطعم يتحسن ودخله يرتفع ايام صار يدخل 15000


الموضوع وضع للفائده واهم النقاط

1- العماله تشتغل كعصابه خصوصاً الاتراك يجيب اقاربه وناس تواليه حتى يستطيع يتحكم فيه بكيفه .

2-اي محل من المدير حتى عامل النظافه كلهم عينهم على الدرج حتى ينهب منه .

3-لازم الي يشتغل بهالمجال وبتجاره يعمل حساب لكل شيء .

4-الا وهو الأهم التجاره فيه رزق وخير كبير للي يعرف يشغل مخه والاجانب يلاقون خير.
وانا بعيني رحت لتركيا وشفت عمال ابوي كلهم ساكنين بعمائر واكثرهم يشتغلون في بوفيات صغير عمائر ملك عمروها بأنفسهم وطبعاً البناء والارض عندهم ترا اغلى من هنا .

5- لازم الي يشتغل بهالمجال يحتك معهم وجلس بمطعم ويعرف ويش يسون يعني لو
يحقدون عليك ممكن بس يزود الملح يخرب شغلك ويكره الزباين فيك .



تحياتي لكم اعتذر عن الاطاله حبيت افيدكم بهالموضوع المتواضع


[/align]

اخوي المشكلة كيف اخلي العامل يشتغل بالراتب لأنك ماتقدر تضبط المشتريات لأنه وبكل بساطة ماراح يسجلها في فاتورة وإنما على ورق أبيض وبعدين يرميه..والأكثر ماراح يشتغلون بالراتب في المطاعم والبوفيهات.

تسع اعشار الرزق في التجارة

جزاك الله خير

موضوعك رائع ومفيد كتب الله لك الأجر
كل المشاريع ناجحة فى هذا البلد بشرط أمانة العامل

ياسلام قال لا ترسل فلوس ارسل رجال تجيب لفلوس

رد سلام على ابوك وانشاء الله تطلع عليه الجميل فى العمليه تكتيك والدك فى تجهيز العمال
ومشت الامور مثل مايريد يعنى ردع مابعده ردع

قصة مفيدة

ماشاء الله’مبلغ ضخــــم

اكيد ضخم العماله تحول مليارات لبلدانها تحسب جايين على شان سواد عيونا ولا محبه لنا

الا عارفين الخير الي بيجلسون عليه

حياك اخوي هيبه الملوك نورت موضوعي

تسع اعشار الرزق في التجارة

الله يجزاك الخير انت كتبت الموضوع للفائدة واعطيت اصحاب الافكار والمشاريع توعيه قبل البدء
اشكرك على طرح هذا الموضوع الذي يحمل طيات الافكار قبل البدء في مشروع المطاعم

لك خالص التحية