مساكم الله بالخير جميع
ماكتبت الموضوع الا على حالنا المبكي من بعض التفكير والاعتقادات
الى وصلتنا لحالنا الان
الهندود واليمنه والباكستان والبنقال مستحلين السوق جميع مجلاته
حتي الطب ماسلم منهم
الحين يجون مجموعه يكونون لهم راس مال ويالله كل شوي يجيبون
ناس من قريتهم ويعلمونهم اسرار المهنه ويدربونه بعيدن يعطونه
راس مال ويسدده لهم ويستقل ويالله
طبعا فيه شي انا توني ادري عنه يمكن احد يعرفه الجانب مسوين
لهم صندوق دعم والصندوق يفصل هنود بنقال يمنه بس يمسكه رئيس
السوق اين كان فايده الى يفلس والى يبغا سيلوه عنده دعم والفلوس
حقت الصندوق ماتجد تستثمر تسسسسستتتتثمر
اما احنا يالسعودين اولا عندنا الخجل والاحراج والتعفف واهم شي
ماعمري شفت سعودي يخدم سعودي الا يخبي عنه اسرار المهنه
انا لو اعرف احد سعودي اصل اصل ماهو مجنس ويحب ابناء جلدته
يحط قيمه معينه باشتراك عدد من التجار يسون مثل مركز تنموي تجاري
يدعم شباب على شكل مجموعات يعني مايكون فردي منها انتشار الشباب
ومعرفه التعامل واسرار السوق ويكون هنا دراسه لكل مشروع ورسم خطه
مدروسه طبعا الوقت الحالي اكبر فرصه لان فيه طمع كبير من التجار ومن
العمال شي ياخذ ب 5 يبيعه ب20 بس لما يدخلون الشباب بيتغير كل شي
منها تنزل الاسعار وغيره
ولاهو لازم احد التجار يتجموعن قروب طبعا قروب احسن كل شخص يرفع
معنويات خويه لان الفكره بتكون جديده على الناس وفيها انتقادات و رمي كلام
الان يجي اجنبي حافي يرجع بلاده من افخم السيارات من افخم البيوت
والى شغالين في وزاره التجاره والبلديه وزاره العمل اتحدي واتحدي
تحصل شخص ياجي ويعلم السعودي ولد بلده على الاشياء المطلوبه
وش له بس يقول لك لاتسوي لا تحط اما اذا حا اجنبي قام يتميلح عنده
الامن رحم الله،،،،،،
الان يوم فعلو خدمه البلاغات الى مكافحه الفساد كل متسولين ولا بياعين
الخطوط والمخالفات الاجانب طقيتهم بصوره واكلم جهه النختصه واخذ رقم البلاغ
وبعدها ارسل الصوره لمكافحه الفساد ورقم البلاغ طبعا لما ابلغ انا
لوحدي ولا 2 مافيه تجواب بس لما يكون 50 غير بيتجاوبون غصب
بس هذا الى كان بخاطره قلت اطلعه
تحياي للجميع

فعلاً بهالشيء انت صادق الي هو ان السعوديين فيهم نعره كذابه هههههههههاااي

وبعدين للأسف السعودي اذا جاه واحد يحتاج مساعدته يصعب عليه الطريق ويسود الدنيا بوجهه

يفترض يدعمه ويعلمه اسرار الشغل مو يعقده من اولها كلامك كبير يالغالي والله يوفقك ونشوف

المزيد من ابداعك وافكارك الرائعه موفق

السعوديين فيهم خير كثير ومايقصرون لكن مااحد عطاهم فرصه
وان عطوهم تشرطو عليهم بعكس العماله يجبونهم مايفهون شي
ويصبرون عليهم ويعلمونهم لين يتقننو الصنعه السعودي يطلعون فيه مليون غلط
حتى يصرفونه حكم القوى على الظعيف

الله يعطيك العاافيه على هالطرح الهادف*

المشكلة إن شبآبنآ مآ يبون يتعبون لا في درآسة ولا في شغل ولا في أي شي

والا لو الإرآدة موجودة كآن امدآنآ تغلبنآ على هذه المشكلة من زمآن ..

يعني الآن قليل تشوف من هو يحافظ على دراسته الجآمعية وعنده الهمّة بالعمل

تلقى الواحد يخلص من الثانوية واذا لا قدّر الله ما توفّق في دخول الجامعة يتغلّب عليه اليأس ويقعد في البيت والا يدج في هذه الشوآرع ويأذّي خلق الله ..

وللأسف بعض النآس وأعرفهم شخصياً من توفرت لهم الفرصة في دخول الجآمعة بعد جهد ووآسطات وفي النهآية يدرس شهرين ويقول مآ أحب الدرآسة .. ويفصل من الجامعة ويرجع للدجة في الشوارع

يعني بالله كيف تبغى هذه العيّنة تسيطر على السوق وتهزم الأجآنب ؟!

فـ الإرآدة هي الأسآس وبعد كذآ تتيسر بآقي المشآكل إن شآء الله ..

وللمعلومية أنآ طآلب جآمعي .. لاحد يجي ويقول انت موظف ومآ تعرف معاناتنا وكذآ

شكراً لك أخي على طرحك للموضوع

تحياتي لك

اغلب اصحاب المحلات السعودين يبغا الاجنبي ينافسهمايبغي سعودي والاجنبي هذا بيضحك عليه وبياكل ****
السالفه ماهي عقد ولا قطعه رزق العمال الان من اسوء الطبقات في بلادهم
كم قضايا سرقه كم قضايا حريق مستودعات وطعن وغيره وغيره
والاكبر من هذا لما تجي لشخص المختصر مثلا وزاره العمل
مايدري يحولك على البلديه الان اتحدي اي موظف يعرف وش هي
شغلته
انا كنت في فرع وزاره التجاره باستخرج سجل تجاري طبعا قريت
انا الانظمه والشروط وش يحق لي اضيف من نشاط قسم بالله انهم قالو
انت مخالف هذا تحت بند ثاني قلتله حولني للمدير والمدير نفسه مايدري
رحت اقرب محل نت والله طبعت من النظام في الانشطه التجاريه واعطيت المدير
والموظف قلتله اذا ماتعرف النظام مين يعرف

دائمآآآ آقرآءء هالككككلاممم للاسسسف فشلكككم تعلقونهه (( بالاجانب ))

دائم الاجانب يسسلبونكمم الحقق ...

دائم الاجانب ماخذين السسوق ...

دائم الاجانب مسستحلين النشاطات ...

دائم الاجانب يسسرقون افكاركم الذهبيهه و الثمينه ...

دائم الاجانب مستغلينكمم وما يعلموكم باسسرارهمم ...

دائم و دائم و دائم ....................

انتووو فاشليننن اصلااا و ما عندكمم ارادةة و لا عندكمم تصميم.. الواحد فيكم يجلسسس شهوور وايامم وساعات

يفكككر بفككرةة ويشجع نفسسه با افككارهه و يدرسس دراسسه مبدائية فاشلهه .. وما يدقق بكل شغلهه يسويها .. في فكرتهه

ولما تفشششل فكرتهه ... او ما تتنفذ صح ... او تواجههه عقبةةة

ماا يقآآآآآآآآآآآآآآآآآآآآآآآآومم لاا طبعآآ يستسلمم و يبداا يحطط يدهه زي العجايزز ويتحسسر ويبداا شغلهه في تعليق فشلهه بالاجااانبب

وبعدين ي قآآدم بقووةة .. الحين يووم تقوول لازم سعوديين اصل اصصل .. انت مو مسسسلممم ؟!!!

انا على خبري وانا اقراا و اعرف من صصغري ان الرسسول عليه الصلاه والسلامم كان يتعامل مع الجميع

بالاديان سواء مسلمين او كفاار .. سواء عربيين او اجانب ...

مو سسعودين و لا بعد متججنسين لاااء كخخخههه

آككرررههه هالتفككككككككير فيكمم ... للاسسسسسسف العالم نسيت الدين واتجهت لاشياء ثانيةة

اخخرر شيء ابي اقوولههه (( اللي يبي الشيء ويصمم عليه لوو تواجهه 100 عقبهه و يقابلهه ناسس منافسسهه لهه بيححقق اللي يبيهه ..
اللي بيجتهدد بيلقى نصيبهه و اللي بيفشل بيقوم من ثاني و يصمم على اللي يبيهه ))

مو يجلس يتحسسر ... و يححطط دووبهه من الاجانب

اقسسم بالله ي اني اششوف امكانيات هنا لكل ششاب ومساعدات ما تنعد على الاصصابع للاسف مافي اي استغلال .. ما في نااسس تدور بصصدق لشيء تبيهه


عمومااا كلامي يمكن كثير ... ويمكن فقدت فيه اسسلوب اللباقه والادب ششوي .. ويمكن يزعل

لكن شيء بقلبي وحبيت اقوولهه

اااه ياقادم بقووه ليش كذا تدمي قلبي بموضوعك ذا اه يالقهر على خيرات البلد الي راحت للاجانب اه ثم اه من الاجانب اكلوا الاخضر واليابس ولو تدرون من الي يجي البلد هنا اراااذل الناس النطيحه والمترديه الي لفظتهم بلادهم ولا يسوون شي في بلدهم اميه على جهل على قلة دين وشهادات مزوره وبلاوي ماتنتهي ويجيك واحد منهم يتفلسف هنا ويقول الاجنبي اكل بعرقه والله ثم والله يالاجنبي لو صب وايت عرق في بلده مايحصا جزء من الي يحصله هنا معناته مو تعبه وعرقه الي نجحه الي نجحه دلاخة السعوي المتستر المرتزق ب٢٠٠ اخر الشهر والاجنبي يكسب من ورا اسمه الااف ياشباب الاجانب متجذرين هنا الى النخاع حتى وصلو للمنتدى هنا وفي غيره والدليل راح تشوف الردود على مداخلتي منهم وراح يقولون حسد وعنصريه ومن الشماعات الي ماتنتهي وان امريكا فيها اجانب امريكا فيها اجانب صح بس اجانب امثال الباز وزغلول والنوادر العلميه الي تبيض الوجه مو الي عندنا يجيك مايعرف يكتب اسمه وفيزة حداد ويدرس في الجامعه بالله هذا حال يسر صديق والا عدو . اخيرا فيه واحد يقول السعودي ماعنده اراده وتصميم ومقاومه ياخيي كيف يقاوم لوبي منظم ومدروس ومدعوم بالمال من الاجانب وهو مسكين وحده وتوه جديد والله لو انه سوبر مان اكيد مايقدر هذا هجوم عنيف ومنظم من مجموعه ضد فرد .الوم كذلك الي يقول السعودي مايبي يعمل ويبي مكيف ومكتب يمكن هذي النظره زمان والحين انعكست الايه الاجنبي هو الي في المكتب وتحت المكيف والسعودي ملطوع عند الباب سيوكرتي اقرب مثال الصدليات وليس على الحصر .ياخي عندك المنتدى هنا روح اقرا مشاكل السعوديين في الشركات يمارس عليهم التعسف باانواعه ولا دورات ويحاولون يحجمونه ويطفشونه وهو يقاوم روح اقرا مشاكلهم وتشوف القهر بعينه . الي يلوم الاخ قادم ويقول ياخي احنا مسلمين والرسول مايفرق بين المسلمين اي اسلام تتكلم عنه وهو يخالف نظام البلد والكفاله والعقد الي جا من اجله وتعاقد مع صاحب العمل على راتب معين وتجي لتحويلاته وتلقاه دبل راتب هذا حرام والا حلال من وين جاب التحويلات ذي اكيد بطرق ملتويه هذي اخلاق مسلم ياخي العقد شريعة المتعاقدين اخيرا مكتب العمل ماقصر ويسعى للسعوده وصندوق الموارد مجتهد في دعم المشاريع الصغيره وكل توجه الدوله لدعم الشباب بس نبي وقفه من العاطلين .ختاما لا احد يزعل مني حتى لو اجنبي انا احب الاجنبي الي يحترمني ويحترم نظام البلد ويعمل في المجال الذي استقدم من اجله وتقبلو فائق احترامي وتحيه للاخ قادم وشكر على غيرته على وطنه .