مساء الخير

عندى مقابله الاسبوع الجاي مع فندق ماريوت فرع الرياض وانا من الغربية وكنت حاب اعرف لو احد توظف فيها ويفيدني بمعلومات عنها زي بيئة العمل بالنسبة للاداري - ساعات العمل - رواتبها - اسئلة المقابلة - هل فيها تطوير للموظف - الاجازات الاسبوعية
واي اظافة ثانية عنها

وعليكم السلام ورحمة الله وبركاته :

الله يوفقك ياولد الاجواااااااااد وماخاب من استشار ...

من خلال مقابلاتي الي عملتها باكثر القطاعات....

هذه الاسئله تفيدك ولا تضرك اثناء المقابلة بأذن الله :

اول حاجه توكل على الله وعلم رزقك لن ياخذه غيرك ومايصيبك الا ماكتبه الله لك فأن اجتزت المقابلة فهذا من فضل الله وذا لا في خيره لك ثق تماما ...

الاسئله الشائعه مايلي :

1- تكلم عن نفسسسسك ؟

لاتقول تعبير ممل قول اسمك الثلاثي وعمرك ومنطقتك وشهادتك وخبرتك ودوراتك ان وجدت وايضا من هوايتك انك تحب العمل على الكمبيوتر انتبه تقول تحب الافلام او تلعب شطرنج هذه ماتنفع صاحب العمل اوكيشن ..
2- وش اسباب تركك لوظيفتك السابقه وهذا يسأل ان ودت لديك خبره ..ا

كونها على كيفك... وكن صريح مثل تدني الرواتب او كنت تعمل على نظام مؤقت ونهو العقد من قبل الشركة او كنت تعمل بدون تامين طبي ولا حوافز وتم تسريح الموظفين ...


وش استفدت من عملك السابق ؟؟

اذكر الايجابيات والتحدياث تجاوزتها ... مثل الصبر والعمل بدقة والانضباط ..تطوير الذات .. خلتك اجتماعي ..
او حاجه بنفسك قولها موب شرط الي كاتبه انا ..
3- وش تعرف عن الشركة ؟

افتح الشيخ قوقل وكتب اسم الشركة وتعرف عليها متى انشات ووين وصلت وش ممجالها ويش الجوائز الي حصلت عليها وكم عدد موظفيها تكلم وكانك حاب تكون ضمن فريق العمل بحماس .

وبما انك بفندق ماريوت واضح انه عالمي من خلال بحثي بقوقل وجدت له فرع بباريس والقاهره والكويت

شوف كم فرع فيه وكم نجمه هل هو ست نجوم او اقل ..وش الخدمات الي يقدمها


4- وش تعرف عن الوظيفة المتقدم لها ؟؟

ايضا اكتب بقوقل عن مهام الوظيفة المتقدم لها فهذا شي ممتاز تتقدم لشئء تعرف مهامه وواجباته ويعطي انطباع جدا جيد للجنه ..

5- ليش نختارك انت ؟

الاجابه كيف كما تشاء مثلا انك تحب العمل الجماعي او ابحث بقوقل ..

6- وش نقاط ضعفك او نقاط السلبيه لديك ؟

اذكر انك تحب ان تعرف تفاصيل العمل الي تقوم فيه من صغيره وكبيرة وهذه سلبيه بالنسبة لك ولكنها ايجابية لصاحب العمل وهذا مايبحث عنه

7- كم تتوقع الراتب ؟؟

قول لايقل عن 3000 ريال كما امر ابو متعب الله يطول بعمره او كما تراه انت لكن تقول مبالغ فلكيه ستيم صرف النظر عنك ..

.....................

كني هادي وذهنك صافي ولا تتوتر اللجنه احيان تريد استفزازك كيف تعرف هل لديك قوة تحمل الضغط وبرضو اللجنه ماتبي اجايات دقيقه لكن تبيك تتكلم وهل انت جرئ ام لا ..

طبعا ونت رايح اكشخ كشخه تلائم المكان والوظيفة المتقدم لها مثلا مقدم على فندق وظيفة موظف استقبال مثلا وتلبس جينز يعني وش يحس فيه هالشخص اكيد فاهم علي ياغالي

الفندق يهتم بالاناقة والمظهر موب يعني انك وسيم قصدهم لبش نظيف مرتب ساعه قلم كبك كنادرة ونت بكرامه ثوب مكوي جديد موب معفووس ههههههه اوكيشن


بالاخير اللجنه حاب تشوفك هل لديك لغة المخاطبة والحوار ولغة الاتصال بالجشد كحركات اليد والشعور بالي تقولة وهذه محتاجه تمرين معه احد المقربين لك او ونت جالس بينك وبين نفسك ...



الله يوفقك ويرزقك

اتمنى لك التوفيق

دعواتك لي بالتوفيق والوظيفة الي ابيها ..

صديقي موظف استقبال راابته 3500 بفندق 3 نجوم ومعه البونص يصك 4000 وعمله شفتات لكونه موظف استقبال اووف يوم وااحد .. طبعا مدعوم من الموارد البشرية...

طبعا صديقي حب العمل ومنضبط عرضو عليه وظيفة رمشرف على الفندق يعني يوزع الجداول ويوزع الشفتات وبرضو يرد على حجوزات الشركات عن طريق الايميل ويهتم بالتوظيف ونواقص الفندق لكنه رفص لعدم تحمل المسؤولية وعرضو عليه راتب كويس ..

طبعا لاصار الفندق 5 نجوم الراتب لايقل عن 4500 او 5000 غير البنوص او حسب سلم رواتبهم

لاصار الفندق على مستوى العالم يعني مدخولة مليارات يكون الراتب كويس ويتحمل الراتب الفندق باكلمة من ناحية البدولات والعلوات والتطوير وهذا احسن شي وبرضو يرجع لمدير الفندق لاصار كريم على الموظفين ...



بيني وبينك ياخووي هالايام الشركة الي تنصف قليل روح شوف منظوقهم والراتب لاتتعصب فيه شوف مؤهلك والراتب وطبيعه وتطلع النتجيه لازم تضحي عشان شي احيان تضحي عشان الخبره او عشان القرب ..

اسسسف على الاطالة ..........

الف الف شكر يا سيدي

ماقصرت واللهي

ممتاز جدا يا استاذي على مشاركتك
والف الف شكر لك
اذا تقدر تفيدني بساعات العمل بالنسبة للادارة او مساعد اداري من الساعة كم إلى كم
والاجازات الاسبوعية
واذا فيه اي معلومات حتى لو هي عادية بنظرك ياليت والله تذكرها عشان استفيد منها

واكرر شكري لك يا سيدي الفاضل.

غالبا العمل بالفنادق 8 ساعات وست ايام بالاسبوع

مشكور يا حبيبي وجه السعد
وان شاء الله ايامك وايامنا وكل الاخوان كلها سعد