السلام عليكم ورحمة الله وبركاته

لقد تم بحمد الله استأجر محل صغير في مركز للتسوق بـ 60.000 ريال بالسنة مثل الهرم وغيره من المراكز ..

في مدينة الرياض يوم حجزت المحل قالوا لي سجل بيناتك في سجل حصلت غيري استأجروا محلات تقريبا 14 شخص وكل واحد كاتب نشاطه التجاري .. انا في البداية كنت مقرر احط نشاطي بقالة صغيره فيها حلويات اطفال .. لكن يوم شفت الانشطه الموجوده حصلت اربعه غيري حاطين نفس النشاط .. قعدت افكر وقلت الله يرزقهم . غيرت النشاط في ثواني وقلت اختار نشاطين .. حلاق اطفال .. او بوفيه .. لاني ما لقيت احد حاط حلاق اطفال ولقيت شخص حاط بوفيه .. فمحتار بين هالنشاطين يا ليت يا شباب وش تنصحوني فيه ...

وثانيا / انا موظف و المبلغ الي معي اخذته قرض ولا عندي رخصة محل او سجل تجاري ويوم سألت المسؤل قال ما يحتاج رخصة لانك داخل مركز وتشملك رخصة المركز ..

لكن في الحالة هذي كيف اجيب عمال ...


اتمنى لو تفيدوني بخبراتكم وتجاربكم في مراكز التسويق و المحلات الموجوده فيها ..

شاكر ومقدر لكم جميعا و الله يوفق الجميع ..