بسم الله الرحمن الرحيم

ابي اشتري محل ..
يعني القصد منه استثمره .. اسويه اجار ..

انا لقيت محلات كككثيره بالهبل .. للبيع ويوم ادق اسالهم اذا ينقل الملكيه لي
يعني بدون اجار ..

يعني اشتري محلي يكون بأسمي .. مايكون تقبيل يعني اشتريه من نفس المالك للمحل
..
قامو يقولون لي لا مافيه شي زي كذا

لقيت مطبخ للبيع مساحه 600 متر ومررره فرحت انو من المالك نفسه ..

ويوم اقوله للناس الي حولي
يسالوني بكم اجار الارض ..!!
ابفهم يعني الحين كل المحلات نفس الطريقه .. يعني المحل غير الارض



الي ابغى تساعدوني فيه ..
ابي محل للبيع يكون في الرياض يعني اشتريه ومدى الحياه مايكون اجار كم سنه وبعدين يرجع له ..
ابغى مدى الحياه لي يعني اخليه بدون شغل 3 او 4 سنوات مايكون يمشي عليه اجار ..



فهمتوني

تكفون الي يعرف .. يفيدني

والله يسهلها للجميع ..

ام غدير مافيه شئ اسمة المحل يكون باسمس معروف انس تستاجرين المحل من صاحب العمارة بس ماتشترينه وكل المحلات كذا ايجار فقط بدون بيع اذا تبين محل يكون ملك لس مدى الحياة لازم تشترين لس عمارة بالكامل تحت محلات وفوق شقق وبكذا ملكتي المحل
اتمنى اني وفقت بالاجابة

طيب مافيه محلات بدون شقق ..
يعني محل مستقل ..

المطبخ هذا الي لقيته 600 متر مستقل مافيه فوقه شقق
لكن طلعت لي الارض ..

على حسب معرفتي فيه مثلا عمارة دور واحد فيه محلات وخلفها شقه او شقتين اما مسالت يعني محل واحد بدون اي شئ ثاني مافيه استاجري بنظام سنوي اذا المكان ممتاز

ماعليك من الشقق والعماره الحين ..

الحين هذا المطبخ الي اقصده الارض ليه لازم استاجرها
يعني لو اشتري المطبخ لازم استمر بأجار الارض

ادا شريتي المطبخ اكيد بتدفعين اجار لصاحب العقار اللي هو مالك العقار

الارض الي مبنيه عليها المطبخ هل يمشي الاجار عليها ولا لا فمتني ولا لا

[align=center]عزيزتي موقع المطبخ كان مكان فاضي استاجره صاحب المطعم
وجاب الخامات وصار مطبخ يملكه لكن الموقع هو مستاجره من صاحب الملك
لما تبين تتقبلين المطعم من صاحبه تدفعين له مبلغ التقبيل اللي هو يخص المطبخ
فقط بادواته وديكوراته وعمالته
صاحب الموقع اللي هو مستاجر منه صاحب المطعم تستاجرين منه الموقع بعقد
عر او خمس سنوات براحتك وتدفعين له الايجار وتصيرين مستاجره منه الموقع
اما الادوات الخاصه بالمطعم فهي خاصه لك لاانك تقبلتيها من صاحبها وان
طلعتي من الموقع ماله خص المالك بالادوات تبيعينها او تاخذينها منك لموقع اخر براحتك
لكن نصيحه قبل ماتتقبلين المطعم او غيره تاكدي اول من صاحب الملك للموقع انه مايزيد عليك
الايجار او تتفقين بالاول معه على الايجار لاانك لو تقبلتي الخامات ادوات المطعم وماتفقتي مع
المستاجر رح تتورطين بالايجار وبالاادوات اللي تقبلتيها وانك رح تبحثين من جديد عن موقع ثاني
ومارح يعطيك فرصه للبحث لاانه يبي اجاره اافضل موقع يكون باقي من الايجار شهرين تجربين الحي
عليه اقبال او لا لاانه معظم اللي يقبلون يكونو خسرانين والله اعلم الله يوفقك وييسر لك مرادك عاجل غير اجل يارب [/align]

الف شكككككككككككككككككككككر يالغلا الله يعين ..

تقدرين تشترين ارض على شارع تجاري وتسوين فيها لو محل واحد

هذات الحل الوحيد اللي تفتكين من ايجار الارض او ايجار المحل