السلآم عليكم جميعاً

أنآ طآلب جآمعي وكنت أفكر وأبحث عن مشآريع تنآسبني وعلى قد حآلي ..

فكرت في المتآجرة في شآهي الجمر أو الخضآر لكن فيها مشآكل مع البلدية ..

وبآقي المشآريع تحتآج رآس مآل كبير شوي ..

في النهآية استقريت على مشروع أشوفه ينآسبني صرآحة ورآس مآله مقدور عليه

اللي هو باختصآر تربية الحيوآنآت ..

أرآنب , حمآم , دجآج , بط ... إلخ .. وبرضه خلآيآ النحل ..

وهنآ السؤآل اللي ودي أطرحه عليكم ..

برأيكم كم سعر إيجآر الأحوآش .. وأنآ أقصد الصغيرة منها يعني في حجم غرفة عآدية أو صآلة مثلاً ..

وخلآيآ النحل كم متوسط السعر للخلية الوآحدة ..

تحيآتي للجميع ...

مشروع حلو وموفق

الائجارات الغرف او الاحواش تحصلها ب 1500 ريال او 2000 بالسنة

اتمنى لك التوفيق

اخوي حياك الله


بالنسبة لاسعار الايجار

انت باي مدينة


اما اسعار الخلايا والنحل اخوي لا تشيل همها

قدم على الزراعة وهم يعطونك طرود نحل بلاش وخلايا


واذا تبي زود يعطونك باسعار رمزية


واي استفسار بها الخصوص راسلني وافيدك


بس النحل يبي له شد وتنقل ما يبي له حوش

ولازم يكون بعيد عن البنيان



موفق

الله يوفقك يارب

تبي نصيحتي ابعد عن النحل

ياخي الغش فيه كثير ومزعج

لو تكمل على دجاج وحمام ترا حلوه بس انتبه اذا استأجرت حوش رشه بديزل قبل كل شيء

وارضيته تكون نظيفه لا يكون فيها بلوك وقفل الاقفاص زين

ترشه ديزل عشان يطرد الثعابين والدواب

ويفضل انك تزرع فيه نبات الشيح والريحان لأن ريحته تطرد الدواب ايضاً

والله يوفقك بمشروعك

والله النصائح اليوم يالغالي جالس مع واحد يقرب لي

مستأجر حوش غنم في ومسويه على شكل استراحه هو متخصص في الفحول الصنف

يعني ارخص شيء عنده سعره 50 الف ريال

ومن السواليف الي جت سالفه الثعابين يقول مره جاء لقاء كلب الحراسه ميت وينزف دم

يقول اخذ من الحوش تيس وداه للمطبخ ورجع الحوش لقاء واحد من الفحول ميت بغا ينجلط

يوم شاف الا ثعبان وهرب منه

يقول رش ديزل وللحين سنتين يقول معد شاف اي دابه بالاستراحه ولا بالزريبه

بس صراحه انا تحمست مع موضوعك اليوم شفته مربي حمام اشكال والوان وبط وارانب صراحه اكثر

من هي تجاره هوايه ممكن تتنمى بعدين يصير عندك حوش وتسوي زي عمي شبوك زي حديقه الحيوان

تجمع فيها حيونات وتتعلم التعامل معها والله يوفقك واعتذر عن الشطحه بموضوعك