السلام عليكم ورحمة الله وبركاته


كل عام وانتم بخير



بالعادات والتقاليد أشخاص فقدو وشخصيات هشمت وأحلام دفنت ومواهب سلبت

وطفوله عجرفت وزهره بأحظان أمها عضلت وأبناء عمومه على خط النار

بالعادات والتقاليد لاشي يسير على مايرام :

فلا تعتقد ان الاموات أحياء بل الاحياء اموات .

لماذا نجبر كبار السن على أحياء ذاكرتهم بقصصهم ومواقفهم وكأننا نعيش في زنزانه

ولا نستطيع خلق قصص ارقى وانقى وابقى .

لما العادات ونحن نحتفي بدين يهتف بمى يسمى الان ( بالاتكيت ) من الاف السنين


العادات لم تجلب لنا سوى دروع الفضه على صدورنا وتركنا عقولنا المليئه بالذهب .


كيف لي ان اهرب وبسرعه الى المستقبل ولم تزال ال الشمسيه وال القمريه

تدفعنا الى الورااء الدامس بالتباهي بالانساب والالقاب :


في الحقيقه لا أجد الحل المناسب ...!


سوى التبلد والتغافل الى أبد الابدين ..





..أكمل الفراغ ..

العادات والتقاليد قد تنقرض بانقراض العقول المتحجره من كبار السن لكن المشكله لا جاك واحد بعز شبابه .. دارس ومتعلم وعقله متحجر .. وهرجته هذي عاداتنا وهذي تقاليدنا < اقول انثبر بس


يعطيك العافيه
والله يعينك ويساعدك ع التبلد والتغافل ^

العادات والتقاليد هي المسير الحقيقي في العصور اللي مضت وعصرنا الحاضر .. يعني مانعترف بالدين كثر اعترافنا بالعادات والتقاليد .. وأنا بصراحه تعجبني عاداتنا وتقاليدنا إذا كانت غير متناقضه مع الدين .. وبصراحه أحب أتفاخر بنسبي ومافيه أحد مايفتخر بنسبه وأحب قصص الأجداد ..

العادات والتقاليد قلّه من تمسك بها سواء شباب أو كبار في السن وأحييهم على أصالتهم

رغم الإنجرافات السيئة التي تدمرنا وتطل علينا كل يوم من الغزو بشتى أنواعه
أصبح الرجل وأصبحت المراأه تقلد وتمشي وراء كل شيء من باب التطور ومن باب مجارة الزمن التي تعيشه
لاينحصر علينا فقط [ في سن الشباب ] بل بعض الكبار ترك ومسح كل ماضي طيب له وأصبح يتنقل من سفر إلى سفر وأخذ أطباع لاتليق به

نسأل الله السلامه والعافيه والثبات يالله ,,

لاهنت على الطرح

يسلمو اخوي على الموضوع اتفق معك بما كتبت

فعلا العادات والخرابيط هذه لحد الان مسيطرة علينا .. المشكلة في تربيتنا بطريقة العادات مخلية الناس عندنا كلهم نفس اللون ماعندنا اختلاف

تربيتنا علمتنا ان مثل ماتسوي اختي اسوي انا والي يصير معها يجرى علي ,, ماعندنا تلون الشخصيات والتميزوالاختلاف ,, ولمى يجي واحد مختلف عن المجتمع الكل يكرهه ويصير ضدة ,, اذكر مرة جت بنت خالتي لبيت جدتي خالاتي كلهم يلبسون جلابيات الا خالتي هذه وبنتها يلبسون بنطلون المهم الي صار الكل صار يكرها لازم تغير لبسها وتلبس زيهم جلابيه بالاخر طردوها من بيت جدتي ... غريب يعني وش عليكم من البنت ليه تبونها تصير تكمل طقم الجلابيات بكيفها احترمو شخصيتها والمشكلة يكرهونها مو عشان حرام وحلال بس عشان ماتصير احسن منهم ... والمشكلة الان هم صارو يلبسونة ويلبسون عريان بعد ..
الله يعينا على مجتمع كان ضد الدش بالبيت والحين الكل يحطة وكانو ضد عباية الكتف والحين الاغلب يلبسة وضد السفر الي الخارج والحين اغلبهم بامريكا يدرسون وضد اليهود ويقلدونهم ويقولون حرام الاغاني في الزواجات واذا جت زواجاتهم حطووة ..
الله يهديني ويهدي الجميع يارب

و عليكم السلام ورحمة الله و بركاته ..

و أنت بخير و سلامه و فاتحة أفراح عليك يارب ..

جذور متأصله في أعماق الأجيال مو بالسهوله نزعه بالنسبه للتفاخر في أمجاد الأجداد , و هذا مايخلي الحكومات تنظر بحذر نحو الأجيال لأن الولاء للقبيله أعظم
في مجتمعنا ثقافة العيب تطغى على ( حدود الدين ) ..
كل شي عيب وش يقولون عنا الناس حتى لو الأمر في أصله مباح !

صدقني راح تتعب و أنت تواجه السيل العرمرم من العادات و التقاليد و لو فكرت في كسرها فأنت متمرد ( مابك خير ) هذي نظرية الشيبان موب أنا

فأنت جاريهم بحدود المعقول و خذ اللي يناسب عقلك و الباقي أرمه و الحياة ماشيه كده

ربنا يعين ..

اللي مالها اول مالها تالي

وكا واحد يفتخر باصلها وكلنا ماشي علي طريق اجدادنا الا الشي الغلط نستبعده

وممكن سوال ياخي اكمل الفراغ انت وش اصلك او بالاصح من وين


اتمنى انك تجوابني علشان اكملك الفراغ

-






وعليكم السلام ورحمة الله وبركاته ..

لكل شعب عادات وتقاليد خاصة به متأصلة منذ القِدم من الصعب تغييرها أو إزالتها من جذورها ,
نرى البعض يسير على نهجها كما هي , والبعض الآخر يأخذ ما يعجبه ويترك ما لا يعجبه
بل ان بعضهم لا يعترف فيها بتاتاً ..
وبالنسبة لي : أُوافق (الوسطية) من يأخذ بالعادات الإيجابية ويترك السلبي منها ..


بوركتم .

اللي ناوي يتكلم عن العنصرية ياليت يتراجع لان من الآن رده محذوف
كلنا أولاد آدم وآدم من تراب
الموضوع عن عادات وتقاليد وراينا بزوغ شيء عجيب في رد أحدهم
ياليت أي حوار نريد الخوض فيه نضع الدين أمام أعيننا وليس ما شُبنا عليه

..
.
أما عن الموضوع
أخي أكمل هناك من العادات والتقاليد التي نحزن على أندثارها وهناك من نتمنى أن نمحيها من الأرض محواً
فلنأخذ الصحيح منها ونمحي الخطأ بتجاهله حتى أندثارهـ ...فقط
..
.
.
وفقك الله

كأني افهم من كلامك ان هناك امر ما يصعب
تحقيقه لك والسبب العادات اللي متمسكين بها
بعض اهلنامع انها ربماتعارض الدين اولاتتوافق
مع وقتناالحالي..
أخي كل انسان له اعراق فيها عادات وتقاليدنشأت
معه وتربى عليهامن الصعب يجي احديغيرهااويفرض
رايه عليها ..
نحن نتمنى أن تندثربعض العادات اللي ماأنزل الله بها
من سلطان انما هي من صنع البشرماترضي الله ولا رسوله
عليه الصلاة والسلام..وبالمقابل هناك عادات يتمنى المرء استمرارها اللي يتفكربعادات الجاهلية حتمايجد من بينها شيء
طيب ويتمسك به مثال بسيط احترام الجار تجده بالجاهليه والاسلام.

__________________
"لله دُر أمي إذا ابتسمت
تهادت جروح قلبي والتئمت"