السلام عليكم ورحمة الله وبركاته

صباح / مساء الخير

وكل عام وأنتم بخير

ياجماعة الخير .. أبي أستشيركم

أنا رجال معي تقريبا 30000 الي 40000 ريال

وودي افتح فيها محل .. بس ما أدري وش أفتح

وش تنصحوني فيه ؟ محل مناسب للمبلغ اللي معي ومربح بنفس الوقت
كنت محتار أفتح محل أو أتزوج فيها .. بس استخرت وقلت أفتح محل والزواج نأجله شوي

لاتبخلون علي بآرائكم ..
نوع المحل / الموقع / العمالة / وغيرها من الامور المهمة
وهل تنصحوني أدخل شريك مع أحد أو لا ؟ لأن ماعندي خبرة
ومشكورين مقدماً ..

لا والله تزوج. أفضل لك وأضمن
ولعل الله يفتحها بوجهك

أما إنك تغامر بمبلغ وأنت لست بمتمكن ،ولم تخطط لهدف معين
فمن الأفضل. صرف النظر عن المحل. حتى تُعيد ترتيب أمورك
وتدرس الشئ جيداً، من جميع النواحي

امممم بالعكس افتح محل افضل

فكر بمحل زينة سيارات لكن شوف كم يحتاج راس مال وكم الارباح اسأل اصحاب المحلات نفسهم

مع احترامي للجميع اضم صوتي مع د التركي تزوج .. انشاء الله فالك البركة

اقترح فتح مؤسسة في مجال التشطيب ... تلييس أو جبس أو دهانات أو تبليط ...إلخ فيها شغل و يكفيها 20 ألف في البداية إن شاء الله , لكنها تحتاج تمرس و بعض الخبرة

عليكم السلام ورحمة الله بالنسبة للمبلغ وانه تتزوج او تستثمرها في محل فأنت استخرت واخترت تفتح محل وانت ادرى من الجميع بمصلحتك
بالنسبة للمحل كل واحد بينصحك على حسب تجاربهم ومناطقهم
يعني فلان قالك افتح مغسلة لانه واحد من معارفه فتح مغسلة وصارت تدخل له ربح كويس
بس شخص ثاني يقولك ابعد عن المغاسل لانه فتح مغسلة وخسر فيها وقفلها !!
كل واحد له ظروفه وكل محل لازم له امور تتوفر فيه عشان ينجح وكل منطقة وكل حي لازم تشوف وتدرس وضعه


حاول تتعب وتسال وتبحث وتستشير .. لانه سالفة انك تسأل بمنتدى او باي مكان وتطلع بفكرة وتنفذها على طول فكرة خيالية مش موجودة
واذا حصل وكانت موجودة فنسبة نجاحها قليلة وشبه منعدمة

حاول تستثمره ولاتضيع الفرص التجاريه وانشاء الله الملح يعود بنفع عليك وتتزوج ويكون عندك مصدر دخل

يعينك بزواجك وش الفائده تتزوج ولا تقدر تحسن مستواك المعيشي هذي نصيحتي لك

اغلب المتزوجين يقول ياليتني قبل الزواج سويت لي مشروع يفك عني ضغط تكاليف الحياه


ياليت تشوف مشروع بسيط يوافق امكانياتك والمنطقه الي بتسكن فيها ويكون له مردود جيد عليك

نفسياً ومادياً

د التركي , بروتين , خبرية , بالنسسبة للزواج ,, الحمدلله الحال ميسورة .. لا يغركم الاسم ترى هذا اول ماسجلت بالمنتدى.

وأغلب المتزوجين يقولون ليتنا فاتحين لنا محل قبل الزواج .. بعد الزواج يالله تصرف على اهلك وماتقدر تجمع لك شيء.


ام طروق .. حلوة فكرة زينة السيارات . فيه محلات قريبة عندنا وماشي سوقها .. بسألهم واشوف

شاهبندر .. هالمجال احس فيه ربح حلوو بس ماعندي اي خلفية عنه .. بس بمر اصحاب المحلات واسألهم واشوف

عزيز .. انا حبيت استفيد من خبرات اهل الخبرة هنا .. وطبعا انا قبل لا اجي اسال هنا سألت باكثر من مكان وراح اسأل بعد .. ماراح اخاطر بهالسرعة

شمعة .. كلامك عين الصواب والله يكتب اللي فيه الخير للجميع

مشكورين ع الافادة والنصحية والمشورة

ننتظر البقية

ومن واقع خبرة لا يوجد اي محل مهما صغير يكفيه 30 او 40 الف

ولا تعب نفسك المحل مصاريف ورواتب وشغلات كثيرة والان اذا مو محل منافس الافضل لا يدخل

ولا اظن المبلغ يساعد على التميز والمنافسة

او شف شغل غير فتح المحل

مثلا تقسيط عن طريق مكاتب

بيع وشراء السيارات