04-11-2012, 03:59 PM
|
|
Guest
|
|
تاريخ التسجيل: Jul 2011
الدولة: بيتنا
المشاركات: 839
معدل تقييم المستوى: 0
|
|
اللي فهمتة انك تعمل دراسة جدى لمشروع تاجير معدات
طيب اخوي خلك معي
بالنسبة لمشروع تاجير المعدات عندك امور لازم تنتبه لها
1- الصيانة
2- العمالة
3- النقل ( من المقر لموقع المشروع )
4- المتابعة
ايضا اخوي لو انا محلك وعندي سيولة ركزت على نوع واحد من المعدات
مثلا ( شيولات ) او (بكلينات " حفار ) او ( قلابات )
طيب وش الافضل
الافضل بين جميع المعدات هو الكرين او ما يسمى بالعامية ونش وهو احجام بداية من 5 طن الى 150 طن
بس هذا يبي له سيولة كبيرة لان اقل نوع لو قلنا 50 طن مثلا مو اقل من 1500.000ريال
يجي بعدة البوكلين او الحفار
هذا عليه طلب وشغل واجد
الاسعار تختلف حيب النوع والحجم
وافضل نوع هو هيتاشي الزلزال من 2004 حتى 2009 يجي 4 سزندل وهو الافضل على الاطلالق
واسعارة حسب النظافة من 280.000 حتى 400.000 حسب النظافة والموديل
بس انا انصحك كبداية لا تركز على الغالي فيه شركات واجد واسعارها مناسبة
وهذي اغلب شركات المعدات
هونداي
دايو
كوماتسو
كتربلر
كابلكو
دوسان
هيتاشي
سامسونق
ميتسوبيشي
في الغالب الاسعار للموديلات الجديدة من 2000 الى 2011
اسعارها من 180.000 حتى 450.000 ريال
حسب النظافة والحجم
يجي بعد الكرين في الشغل والطلب
القلابات
وهي انواع
عايدي
***
وتريلة والتريلة تجي احجام وحسب حجم الصندوق
انصحك بالتريلة
وذي اسعارها للموديلات الجديدة من 2000 الى 2009
من 130.000 حتى 250.000 حسب النظافة طبعا الاسعار بدون تيدر او صندوق
والانواع واجد بس اغلب المقاولين يفضلون
المرسدس ( اكتروس ) وهو احجام
بعده المان
هذا بخصوص المعدات
فكرة بسيطة اخوي
انا لو محلك
كبداية ما اشتري اي معدة
بالعكس
اشغل فلوسي بالمعدات واحافض على راس المال وازيده بدون احتمال خسارة
بتقول لي كيف ؟
خلك معي
انت رحت يم شركة واتفقت معها على انك تامن لها مثلا 2 بكلين بعقد شهري قيمتة 22000ريال اجار شهري لكل كرين
انت تروح يم اصحاب المعدات وتستاجر منهم المعده ب18000 ريال وتاجرها على الشركة ب22000 ريال
يصفى لك من كل معده 4000 ريال يعني 80000 ريال للمعدتين
انت تحاسب صاحب المعده والشركة تحاسبك انت
انا اشوف هذي اسب طريقة واقولها بامانة وهذا لاسباب وهي
1- انت ما غامرت بمبلغ كبير وخايف تخسرة
2- انت بعيد عن احتمالية الخسارة لانك تتعامل بفلوسك بس وبموجب عقد مثبت وصريح
3- ما تشيل هم المعدة تخرب او تخبط او يجيها اي شي المعدة اللي تخرب يتحملها صاحبها لان السواق سواقة والمعده معدتة والعقد يحفظ حقك
4- ما يلزمك تشرف على المعدة وشغلها صاحب المعدة هو اللي ينوب عنك في ها الامور
ختاما
اسال الله لك التوفيق والرزق الحلال
|
العرض العادي
