السلام عليكم
من عنده فكرة عن عقد العمل للموظف الاداري مع المستشفيات الخاصه كيف يكون
وكيف شروطهم ؟؟
وهل اقدر اتشرط انا مثلهم زي العمل فترة او الانسحاب اي وقت ؟؟
وكم تكون رواتب الاداري الجامعي في المستشفى الخاص الي عنده فكره او معلومه او نصيحه لايبخل
ودمتم بخير ..

اغلب المستشفيات الخاصة والصغيرة بلا عقود
وبعضها يطلبون كفيل غارم

هو مستشفى كبير وقالو فيه توقيع عقد بكره
بس انا ابي اداوم فترة وحده وهم يقولون حسب مايطلب لعمل يكون الدوام وابي اجرب الشغله اذا ماارتحت او ماعجبتني شغلتهم بنسحب بدون مايكون علي اي التزام بس ماني عارفه يوفقو يكون لي شروط او لا
هذا الي اقصد

أختي أمسكي الوظيفة بس
انا اشتغلت بالمستشفيات وفعلا كرف ولكن من انجح الوظائف والتخصصات وعليها اقبال
المهم الراتب كيف ؟؟؟
لأنه هو الاهم واللي يفرق ؟؟
بالعقد تلقي كل الشروط
قبل ماتوقعي على كل ورقة اقريها كامله واستفسري من الموظف
لان هذا حقك
انا الحين يااختي داخل تدريب بحول الله بمستشفى الحبيب وبعدها اترسم
الوظيفة عز والراتب يغنيك عن الناس وخاصه انتم يالبنات

اختي اسمعي كلامي زين من واقع تجربه معي انا شخصيا ومع اختي راح اقولك قصه اختي
حطي في بالك ان القطاع الخاص دائما هو البوابه اللي تخليك توصل للقطاع الحكومي هذا اذا مو انت بعد فتره من الشغل في القطاع الخاص قلت بلا حكومي بلا غيره لان القطاع الخاص يقدرو الموظف ولكن على حسب ادائك ومجهودك .... اختي اول ما تخرجت اشتغلت في مستشفى سعد وطبعا طلعو عينها من الشغل وبعد سنتين جاها عرض وظيفي من مستشفى الرعايه براتب ازود من راتبها 1500 ريال ومع هذا طلعت وراحت للرعايه وهي الان لها حول السنتين ومرتاحه جدا وقالت حتى لو جاني حكومي ماراح اطلع لانه الخاص يقدرو الموظف ولكن اكررها على حسب ادائك واسال الله العلي القدير انه يوفقك ويختار لك الافضل