البدايه ..

شفّي ابيع المعالي روح واملكهـا

تبيتها من حياتن ما يجي قـدرك

نجمن ونفسك عليها ما تصعلكها

الوطن

قريت ومالقيت اصدق من القرآن والسنه

وحكم الله بسيوفن على الايات مسنونـه

ونفسن باعت الدنيا لوجـه الله والجنـه

وملكن شرع الاسلام دستـوره وقانونـه

تعلي واصعدي يا رايه التوحيـد مستنـه

مدامك في قلوب المخلصين الدين مصيونه

عيال اللي ثنا دونج بحد السيف يوم انـه

على هدي النبوه والرساله سارت طعونه

اخو نوره وشعبن افتخر به حيث انا منه

ظفيريوالوطن عهدن على اموت ما خونه

نـص ( التزوال )

عوّد سهيل يغري روحي المتعبه

للسفر والسفر ابعد من احبابها

والهوى من بلادي كيف مايجذبه

وهي قطعة سحاب ادنات ماجابها

الوطن جنتن محيمتن معشبه

ياكثر ماسرح مثلي ورا بابها

له رميت العمر درب وغديت اتعبه

رحلتن زرفلّت التزوال بركابها

درّت ياما وشفت وكانت التجربه

ضيعتن عجت الضيقات بشعابها

ليت وجدي نهايات المدى تذهبه

مع ضوى نجمتن تستدني غيابها

عوّد سهيل والجنه نضج حبحبه

والشوارع بها من ريح حبحابها

التمس في عيون البايعيين اجوبه

للسؤال المحال الظال بأهدابها

وش تبيعون يا اهل الدمعه المسهبه

يافقارى بلاد الله واغرابها

ما بذاك الدهر من شرقه لمغربه

نخلتن حرتن ماهمّت بترابها

سرتبه طرتبه وقعتبه حرتبه

والحياه الكريمه قلت اسبابها

يجني الذيخ رزقه في مهز ذنبه

مير وش هزه الأساد في غابها

كل حين خلقه الله على مربته

من لقى عيشتن لابد يرضى بها

وان بقى طيبن فالطيب هو منسبه

لو تباهت رخوم الناس بإنسابها

كم ضحك جاهلن من كلمتن صحت به

له بكى شاعرن مثلي وغنا بها

انا افصح كتاب بهذه المكتبه

إن قرأني اديبً يفهم آدابها

امتلت كل صفحات الفكر اتربه

في رجى من يقلبها ويقرابها

ارفض اكون في جو الشعر ارنبه

حلقت والثمن في مخلب عقابها

عشت حرن على حريتن اكسبه

من مواجع قيودي لا من اصحابها

وكل روحن مثل روحي مهي مذنبه

كانها خالفت ربن من اربابها

يثبت الشاعر العملاق في مرقبه

إن رفع شعله الأحرار وكاتبها

من رقى بالحياه بشمية الثعلبه

تافهن لو لقى نفسه بمرقابها

بر الوالدين ..

دنياك لا تخفض جناحك عليها

الا لبر الوالدين بتفا***

نفسك رضا الله من رضا والديها

مرضاتهم شفاعتك يوم تدعيك

لا تطلب الجنه ولا تحتريها

ان ما بدت من والدينك حسا***

واعرف عيالك لو تجملت فيها

فعلك بشيبانك ، يجي فعلها فيك

قصر الحصن

يكفي فخر انك من قصور زايد

وانك بعين المجد من وين مالّد

كم خلد التاريخ مثلك فرايد

لكن اشوفك قمتن مالها حد

واقرا على جدران سورك قصايد

مرّ الزمان وخطها فيك وامتد

عن سيره الأبطال يوم الشدايد

ابياتها لأجيال الأجيال تنعد

ياقصر لك شعبن وفي ٍ وقايد

على العهد زايد خليفه محمد

تبقى بظل اهل الشيّم والعوايد

حصنن منيع وعنك الأهوال ترتد

للشاعر : فالح الدهمان الظفيري

أبـــــوطـلـــــفـــاح

يآالهي,.,
دآخ رآسي واحولت عيوناتي,,

يمين يسآر..
مع انه روعهـ ..
تسلم الأيآدي..

ســـلامـــت عـــويــنــاتـــك يـــامــنــبـــع الــــــذوق

سلامـت عــويــنــاتــك يــامــنــبــع الـــذوق