بصراحه هاذي هي المشكله الحقيقيه عندنا افكار وعندنا مشاريع تدخل ذهب بس المشكله في المال وش فايدة افكارنا اذا مانفذناها واستفدنا من دخلها بتصير حبر على ورق وبننساها مع الوقت فيه ناس هنا عندهم افكار قويه جدا ومشاريع ناجحه بس وين السيوله وهي المشكله الحقيقيه والعقبه الكبرى فاذا انحلت سترون من اعضاء منتداكم رجال وسيدات اعمال تفخرون بهم فساعدونا بحلول قد تغير حياتنا للابد فلا تبخلوا علينا بارائكم مع تمنياتي بالتوفيق للجميع

اذا ماعندك رأس مال يبقى عندك الطموح وهو الي يسهل عليك وصولك لرأس المال ابدأ بالقليل تجد الكثير

الله يوفقك موضوع رائع وفي الصميم استمر ياصديقي

طبعا فيه بنك التسليف يدعم المشاريع الصغيره بس شروطهم مو منطبقه علي و حتى القروض الاخرى مو منطبقه الشروط بس ممكن استفيد منهم عن طريق شخص اخر مو محتاج للقرض وانا احصل على القرض ويكون كفيله من طرفي انا وكذا يضمن اني بسدد وياخذ مبلغ بسيط مع ان مبلغ القرض مو كبير بس يساعد او نقدر نستثمره حتى نصل لمبلغ المشروع وفيه المئويه بس سالفتهم طويله لي الان سنه مقدم وماصار شي وسمعت عن باب رزق بس ماجربتهم وطبعا انا مو موظف يعني مااقدر اخذ قرض من البنوك وبفكر ببعض الحلول الاخرى وان شاء الله نحصل حل للسيوله

اي والله الشغله صارت واسطات الله لا يبارك فيهم مفروض كل طموح عنده مشروع ممتاز يدعم على طول

اوقات افكر اشوف من المسؤل عن الصناديق هذي واروح اشبكه واصير صديقه يعنني مدري وين شغله

بعدين اخليه يضبطني ههههههه وبجي اضبط الي بالمنتدى كلهم اجل صديقي على الفاضي


انشاء الله يفيدونك الباقين يارب

شاكر مرورك اخوي ودعمك وفكرت بمشاريع صغيره برأس مال صغير حتى اصل الى المبلغ المطلوب وحصلت مشاريع كثيره وربحها جيد

الله يوفقنا واياك .. طيب ليه ما تبدأ بمشروع صغير .. ؟

مؤسسة التمويل تعطيك المبلغ يوصل ل 30 الف والسداد خلال 16 شهر ..

الفائدة الربحية 0.6

ليه ما تخلي اخوانك .. ولا واحد من اقاربك يآخذ لك التمويل ..؟
وابشرك المؤسسة تعطي تمويل للنساء .. يعني لو اختك موظفه خلها تآخذ لك التمويل بإسمها وسوي مشروعك وسدد لها كل شهر المبلغ ..

ولا احد يثق فيك يآخذ لك المبلغ .. وسو مشروعك وسدد له كل شهر من ارباح المشروع .. والحمدلله ,,

اهم شي انك تستخير وتسوي دراسة كافيه للمشروع ,,


هذا الايميل لو حبيت تتواصل للتمويل .. المبلغ مفتوح من 3000 لين 30000

f_011011@hotmail.com

ولو عندك اي استفسارات حياك ..

الله يوفقك يارب ويسهل امرك ويوفقنا واياك..

يعطيك الف عافيه اخوي انا ماكتبت هالموضوع الا لانه تسكرت جميع الابواب بوجهي ابي حل ذكي وبسيط ومثلي كثير وبالنسبه للقرض حلو وبحاول اقنع احد انه ياخذه باسمه بس المشكله كم القسط اذا بغيت 20000 وكم الفايده اخاف اضغط على نفسي ومااقدر اسدد

مع احترامي لك أنت لن تنجح حتى و إن وجدت رأس المال

و السبب يرجع لانك جعلت رأس المال هو الطريق و الملاذ للنجاح

المال عمره لم يكن سبب رئيسي في النجاح هناك شركات عالمية سقطت و هي تملك المليارات من الدولارات .

التخطيط السليم و مشاورة أهل الراي و الخبرة هو الطريق الصحيح للنجاح

ابدأ على قدر إمكانياتك و المثل يقول مشوار الميل يبدأ بخطوة .

أبدأ بالأشياء الصغيرة حتى يكبر نشاطك و لا تكبر اللقمة فتغص .

احذر بقدر الأستطاعة أن تتراكم عليك الديون .

اعتبرني آحد أخوتك

اتمنى لك التوفيق و للجميع

تسلم اخوي ومقدر نصيحتك بس حتى المشاريع الصغيره تبي راس مال وبالنسبه للتخطيط درست المشروع من جميع الجوانب وسالت الناس اللي عندهم خبره واستفدت صراحه منهم وفهمت الموضوع كله بس راس المال هو الباقي عشان ابدأ

يعطيك الف عافيه طموحات توني بادي اذا خلصت الاجراءات براسلك وبالنسبه للتمويل سمعت ان باب رزق يوفر تمويل للشباب وفيه واحد من الشباب قبل فتره اخذ من عندهم دينا طبعا باسم الشركه حتى يكمل الاقساط واللي عنده معلومات يفيدنا عن باب رزق او طرق تمويل اخرى