وظائف في شلمبرجير مع واسطه منتدى البطاله

مليت ظلمك · #**171** (**permalink**) 07-05-2008, 02:20 AM

اقتباس:

المشاركة الأصلية كتبت بواسطة الفجر المشرق

السلام عليكم

مساء الخير

انا حسب مافهمت من كلامك انك تطلب من الموظفين انهم مايتركون وظائفهم
ويخلون فرصه للعاطلين بس انت تقول انك تركت الشركة عشان طلعتلك وظيفه
ثانيه ارجو توضيح سبب طلبك من الموظفين عدم التقديم على الوظايف وانت مخلي وظيفتك

وتقبل مروري

وعليكم السلام ..... اخوي انا طلعت من الوظيفه لاني حصلت وظيفه ثانيه مو على حساب احد يعني حصلت على عرض للوظيفه مو انا الى طلبتها هذا اول شي وثاني شي انا ماتوظفت وكان عاطل يبقا الوظيفه واخذتها منه يعني الوظيفه انعرضت على مثل قوله فلان فيه وظيفه بالمكان الفلاني حلوه وراتبها احلى من الشركه الى انت فيها وتداوم خلال اسبوع والمقابله بعد يوم انا مضبط لك كل شي لما كنت موظف انا ماكنت ابحث عن وظيفه ولاكن انعرضت على مو عن طريق انترنت او اعلان لا انسان اتصل على وقالى انا ابقاك تتوظف بالمكان الفلاني مايمنعك من هالوظيفه الى موافقتك او عدمها لو ااحس او اعرف اني اخذتها على حساب احد اخر مارحت لها ولاكن هي جتني بروحها ... وانا لما كتبت هالكلام ماقلت لك يالموظف لا تروح تقدم لا بالعكس الله يرزقك اكثر من الى انت تتمنااااه ولاكن حبيت اوضح لك انه لما تقدم ويقبلونك قبول مبدئي واقصد فيها العاطل اقدر اتدخل واوصي عليك واسرع لك المقابله والفحص الطبي واعطيك كل المعلومات وابي اوضح لك شي اخر انه انا انسان نفسي نفسك يعني ماني مدير التوظيف بالسعوديه اسوي الى اقدر عليه فقط ولما قلت الوظيفه ااعاطل او الموظف كلامي مافيه خطاء لان هالمنتدى شنو اسمه .....؟ هل اسمه وظائف للموظفين والعاطلين ....؟ اسمه منتدى البطاله لو كان الشي ينعرف على غير اسمه يمكن اقولك كلامك صح 100بـــ100 ولاكن انا قلت لك قبل لا ترد ياليت تفكر وتحسبها صح وردك على العين والراس وشكرااا على المشاركه ..

مليت ظلمك · #**172** (**permalink**) 07-05-2008, 02:22 AM

اقتباس:

المشاركة الأصلية كتبت بواسطة سلوووووم

شلمبرجير ارسلت لهم سي في على الفاكس عربي و انجليزي و يرد علي واحد و يقلي انا مو فاضي لك خسارة الفاكسات على ههههههههههههههههههه
علماً بأني عندي دورات بالخطوط السعودية و خريج كلية تقنيه تخصص قوى كهربائية و عندي دورات على معدات كهربائية و صيانة

و الظاهر انهم بس إشاعه مثل الشركات الثانيه
فاتحين باب توظيف ولا فيه شي مجرد اسم ( نحنو نوظف شباب سعودي ذو كفائة / فلبيني )
ركز لي على فلبيني

الحقيقه اننا مافينا خير لبعض يا السعوديين

و السلام عليكم

لآ تعــــليق ...

مليت ظلمك · #**173** (**permalink**) 07-05-2008, 02:30 AM

اقتباس:

المشاركة الأصلية كتبت بواسطة الباحث الفوري

تقدر تقول كذا..

ياخوي انا مدير توظيف وعدني بوظيفة ... وبعد 3 شهور ..استقال
وحاولت اتصل فيه ..طلع فاصل جواله
انا جامعي ولغة انجليزية وحاسب الي وخبرة 7 سنوات

والوقت اللي كنت انتظر فيه الوظيفة اللي وعدني فيها ..جتني فرصة عمل في شركة مرموقة ....ورفضتها عشان اللي وعدني فيه...وكذا طارت على الوظيفتين

وانا قاعد ادعي عليه الى الان..
وتوبة اسمع كلام اي شخص ... ومهما كانت الفرصة امسكها ..لانها مافيه شيء مضمون في هالحياة الصعبة ...
والله ماراح يحصل العسل الا اللي يصبر ويصبر ويثابر

وبالتوفيق للجميع

اخوي عقلك في راسك وتعرف خلاصك مافيه شي اكيد بالدنيا هذي الا المووت لك طولت العمر وثاني شي الدعوه ماتصير لخوك المسلم هو حاول انه يساعدك والامور طلعت من ايده يمكن هالوظيفه شر لك بعدين تدعى له بالخير انه ماوظفك فيها ياخوي مو شرط لما تطوفك الوظيفه تسوي كذا يمكن الله يبي لك افضل من هالوظيفه ويبي يشوف صبرك الدنيا كلها اختبارات من رب العالمين وانا اخوك ياما فيه ناس يحاولون يساعدون الناس ولاكن يطلع الامر من ايدهم بقولك موقف صغير وياليت تركز فيه .... احمد وفيصل يعرفون ربع من وقت صير مو طويل احمد كل مايبقا شي كلم فيصل الووو فيصل الحاجه الفلانيه تقدر تسويه فيصل ابشر يا احمد عيوني لك لما اخلصها بعطيك خبر الوووو احمد الحاجه خلصت امورك طيبه وكذا مشت السالفه واحمد كل مايخلص فيصل له حاجه يدعى له بالخير الله يطول عمرك الله يخليك وكل مايخش مجلس يجلس يثنى على فيصل ويمدحه وفيه مره من المرات احمد كلم فيصل على حاجه وفيصل ماقدر يخلصهااا وش النتيجه ......... احمد يدعى عليه ويخرب سمعته قدام الناس هذا انسان كذوووب هذا انسان مافيه خير وكذا وكذا ولاكن لو يدرون الناس وش حصل بين احمد وفيصل يعرفون من هو السيئ ومن هو الرجل الممتاز نصيحه لوجه الله سامح هالشخص هو ماوعدك بالوظيفه الى كان قادر عليها ولاكن الظروف اكبر مني ومنك دمت بخيييييييير

مليت ظلمك · #**174** (**permalink**) 07-05-2008, 02:42 AM

اقتباس:

المشاركة الأصلية كتبت بواسطة العزيزه

مرحبــــا .. مليت ظلمك

عاجزة عن الشكر لهذه الروح المتعاونة والطيبة والصبورة

ألف شكر وحقق الله امانـ يـ كـ تابعت الردود كلها ..

وانتظر من يخبرنا شو صار معاه علشان نكون في الصورة معاكم

وننتظر خبر جميل يفكنا من كذا عاطل بالمنتدى ..

اتمنى من الجميع اتباع كل ماورد من توجيهات ونصائح

الامر لا يأتي بسهولة ,, من بغى السح مايقول أح

الوظيفة يبغى لها بحث وتعب ورايح جاي

عندنا مشكلة أننا مجتمع إتكالي .. قديما كان التقديم عن طريق الذهاب لمقرالشركة ,,

تغيرت الى الفاكس فكان على الجميع الذهاب للكبائن الاتصال

ظهر البريد الالكتروني ,, فأخذ الكسل جالس معانا خلف الجهاز

من مميزات التقديم المباشر أنك تتعرف على بيئة العمل وماهية الادارة

لما لا نعطي أنفسنا فرصة ليرى الاخرون مدى رغبتنا بالوظيفة

بالذهاب لهم شخصيا ً ..

هناك سيكون بالمقدور أن تسأل عن كل شئ ,, بدل الاسئلة في موضوع

هناك اعلانات وظيفية يكون هناك ارقام الاتصال ,, لكن العضو لا يكلف نفسه

رفع السماعة ويسأل عن امر يخص مستقبله ,,

يضع سؤاله الى كاتب الموضوع

وكأن كاتب الموضوع هو مدير التوظيف ,, متناسيا ً ان يكون هذا الكاتب فقط

ناقل للموضوع ..

نقطة أخرى .. أود الاشارة لها ,, بخصوص الموظفين ..

نحن نتمنى لكم مستقبل أفضل ,,

ونقدر رغبتكم في تحسين مستواكم بالوظيفة مناسبة

لكن لا تزعلون نحن نتمنى الوظيفة لعاطل من سنين ..

مليت ظلمك .. كمان أنا عاجبني الموتور ..

اتمنى من كل قلبي المحب التوفيق للجميع ..

ولا تنسونا من الدعاء ..

تحياتي

العزيزه

العفوووو يالغاليه العزيزه جعلك الله عزيزه طول عمرك وكلامك صحيح ولاكن انا استغرب من بعض الاعضاء انه يقولى كلمني على الجوال اروح لمنو هناك اقوله من طرف منو وفيه ناس تراسلني بالرسائل فقط يعني حتى بالموضوع مايشارك احب اوضح حاجه يالعزيزه الى مايركض ورى مصلحته الناس ماتركض وراها يعني الوظيفه وبنفس هالشركه مو سهله بالصوره الى يتوقعها بعض الاعضاء ولاكن انا وضحت كل الطرق والاساليب وبعض اسماء المدراء وقلت باذن الله الى يقدم ويقبلونه قبول مبدئي باذن الله اكلم له اكثر من شخص لان هالشركه محتاجه موظفين من الثاانويه وفوق ولاكن الى اشوفه الكل يبي يتوظف عن طريق الواسطه الى قلتها بردهم لى اروح لمنو واقوله من طرف منو افرضي انه قلت روحو لفلان وقولو له من طرف فلان وراح بالوقت نفسه 25 شخص او اكثر شنو بيرد على الشخص شنو يبقا يقول اكيد بيقول انت حطيتني بموقف محرج اوظف منو ولا اخلى منو ...؟ انا الى اقدر عليه اوظف واحد او اثنين عن طريقي ماقدر اوظف عشرين واحد والله لو انه منو مايسويها ...؟ ولاكن الى اقدر اساعد فيه واضبط وضعه الى عنده شهادات وخبرات يقدم يقبولنه وانا حاظر له بالى يبي واكلم له اكثر من شخص وارسله لاكثر من شخص ولاكن الناس تبقا الوظائف على طول لروح لمنو واقوله من طرف منو اسف على كلامي الى ابي اقوله ولاكن فيه ناس لا اعرفهم ولا يعرفوني والمنتدى يضم الصالح والطالح الصاحي والمجنون شلون اقدر اقوله روح لفلان وقوله من طرف فلان اول شي تسويه روح قدم ورد لى لاني وضحت كل الطرق الى قلتها والاساليب لو احد يتبعها بذكاء وصبر باذن الله يتوظف حتى بدون تدخلى ولاكن الى اشوفه عكس الى توقعته الكل يوجه الاسئله لى والانتقادات وانا ماراح اقصر بحق اي واحد انا الى اقوله انك سو الطريقه الى قلت لك عليها وان انقبلت باذن الله راح اوصي عليك وارسلك لناس واجد لان هالشركه طالبين موظفين بالهبل وبــ100 بــ100 يقبلون الى عنده شهاداااات والله اني اشوف ناس تقول عندي الشهاده الفلاني والفلاني انه شهادات قويه ولاكن استغرب انه يبقا واسطه انت قدم ورد الخبر دمتي بخير يا مشرفتنا الغاليه والعزيزه ... الموتر مقصوص ههههههههههه يصلح للقنص

مليت ظلمك · #**175** (**permalink**) 07-05-2008, 02:44 AM

اقتباس:

المشاركة الأصلية كتبت بواسطة اقحطة

غير صحيح الكلام انا ذهبت اليهم وقالو يريدون كلية الجبيل او كلية ينبع

ياليت توضح ياخوي رحت وين واي مكان لان كلامك مو مفهوم بالضبط ...؟

مليت ظلمك · #**176** (**permalink**) 07-05-2008, 02:46 AM

اقتباس:

المشاركة الأصلية كتبت بواسطة jaco

اليوم رحت لشلمبرجير وما حصلت مشكلة من العسكريين اللي في الموقع بس لما رحت للباب طلع لي سكورتي وسألني ليش جاي قلته جاي اقدم على وظيفة قال لي مافيه تقديم هنا روح للمكتب الثاني اللي جنب مركز طابة لكني اصريت على موقفي وطلبت اكلم اي واحد
وبعدين كلمني واحد من الموظفين اللي بالداخل وقال لي نفس الكلام روح للمكتب اللى عند مركز طابة .
انا عندي شهادة جامعية وشهادة دبلوم ودورة انجليزي

ياخوي انا وضحت لك كلامي قلت لك التقديم مفتوح واطلب واحد اسمه حسن بن غازي ياخوي لو تراجع الموضوع تشوف كل شي واضح ولاكن استغرب من بعض الردود دمت بخير

مليت ظلمك · #**177** (**permalink**) 07-05-2008, 02:50 AM

اقتباس:

المشاركة الأصلية كتبت بواسطة FBI2007

شكــــــــــرا لـــــــــكــــــــــ

العفووووووو

الكتلوني · #**178** (**permalink**) 07-05-2008, 03:57 AM

اسمه حسن غازي
وش يصير ذا

اناا برووح يووم السبت احصله؟؟؟ وفي اي وقت احصله؟؟

ردوو عليييي بليييييييييييز

addb · #**179** (**permalink**) 07-05-2008, 12:01 PM

اقتباس:

المشاركة الأصلية كتبت بواسطة مليت ظلمك

الســلأم عليكم شباب ودي اتكلم بس مابقي احد يفهمني بالخطاء ابقي الى يقرا كلامي يفكر فيه لا يرد على طول الى بعد التفكير انا لما سويت هالشي لوجه الله وبينت بكلامي كل حاجه ولاكن الى نبقاه انه العاطل يتوظف وليس الموظف يطلع من وظيفه لوظيفه لاحد يفهم كلامي بالخطاء لاني اشوف ردو الاستئذان من الدوام صعب دامك موظف عط فرصه لغيرك يعني ماهي بحري عشان الكل يتوظف نبقا ندخل على الى نقدر عليه وياليت انه ماحد يفهمني خطاء لان الموظف ماشيه اموره وعنده خبرات يقدر يقدم على اي وظيفه ولاكن الى عنده شهادات كمبيوتر وانجليزي وعاطل جالس اكثر من ثلاث او اربع سنوات ولاهو موظف لمن تحق الوظيفه للعاطل ام للموظف الذي يتنقل من وظيفه لوظيفه انا ماكتبت هالكلام عشان احرج فيه احد ولاكن هالمنتدى يسعي بتوفير وظائف للعاطلين يعني الى جالس لا شغل ولا مشغله مو موظف ويمشي له راتب ويبي يدخل هالشركه حبيت اوضح هالنقطه واذا كان في كلامي خطاء او اي حاجه تحرج او تضايق احد يرد على وانا مرحب برده بكل صدر وسيع وبكل سرور على ما اظن كلامي مافيه خطاء ولاكن الانسان ليس معصوم من الخطاء وياليت الكل يقدر هالشي لان والله فيه ناس جالسه ومعها شهادات كثيره ولا محصله وظيفه واسف اذا ضايقت احد او احرجت احد ولاكن لابد من قول هالكلام دمتم بخييير

كلامك على العين والراس أخوي وأنا أأيد كلامك
بس أنا عندي دبلوم شبكات وصار لي سنة أشتغل في القصيبي براتب أساسي 1700 وبعد ناطلعة روحنا واحنا نطلب زيادة جتني300 ريال
يعني احنا بهالراتب وش نسوي
على العموم رحم يعطيك العافيه على المجهود اللي تبذله لخدمة المجتمع ولو أقدر أعينك وزير للعمل كان عينتك