ليش ما اترك الوظيفة ؟

دبر لي 10مليون ريال مابمس منها اي فلس .. فقط بكحل بها عيون وزارة التجارة ( الله حسيبهم ) لانهم شارطين 10مليون ريال لكي يتم منح سجل تجاري لمزاولة التقسيط والتمويل

يعني انا غريمي وزارة التجارة لا ثقافة مجتمع ولافكر مغلق ولا تعصب السبب وزارة التجارة
رغم ان وظيفتي مستحيل احد يرضى يفرط فيها الا اني اذا حصلت على سجل تجاري لللتقسيط سوف اتركها دون تردد ..

المفروض التجار يعملوا احتجاج خصوصا تجار التقسيط
من هذا الشخص اللي بيتحكم فينا ليش 10مليون ؟! بنائاً على اي دراسة اصدرت هالقرار ؟!
لمصلحة من ؟ اين حقوق الانسان ؟!
قطع الأعناق ولا قطع الأرزاق
ليش البنوك تحتكر العمليات المصرفية !!

انطلق نحو اقل الحلول ضررا بك
والنصحية ان تجمع بين الأمرين يكون خير

ليش اتمسك بالوظيفة الحكومية ( اجل اتركها ورح جرب القطاع القاص )

وراك ماجربت الكرف والاهاتات والشاتام من الاجانب اي خطا تسويه تحس انك ذابحه ولده

وبعدين القطاع الخاص للخبرة فقط وليس للتوظيف + الاهانات من جماعتك لان موظف فشركة

اشكر كل من مر وعلق
وزبدة الموضوع ان الشخص لا يتمسك بالوظيفة سواءا حكومية او قطاع خاص , تكون هذه الوظيفة محطة عبور , وبعد ذلك يعمل لحسابه .
الوظيفة معتقل اليف

الوظيفة في القطاع الخاص علمتني وأجبرتني على أمور كثيرة .

أكملنا التعليم الجامعي وتخرجنا بمرتبة الشرف في إدارة الاعمال ولله الحمد ... ومع ذلك صاحب الشركة السعودي مع الأسف رفض أن يحسن راتبي أو الوضع الوظيفي ... وكأنه جائتة صفعة أثناء تقديمي بطلب إضافة الوثيقة الجامعية للملف الوظيفي .

ننتظر الفرصة والوقت المناسب للإنطلاق ... حالياً نقوم بجمع أكبر قدر من المعلومات وأكتسبت خبرة كبيرة من حيث الإطلاع على التجارب وبالإضافة إلى دراستي لإدارة الأعمال .

من يفكر حالياً بوظيفة حكومية أو وظيفة في القطاع الخايس ... صدقني بعد فترة من الروتين الوظيفي راح تفكر بشكل جدي لتأسيس كيان تجاري خاص فيك إذا كنت من أصحاب الطموح والإطلاع .

نسأل الله التوفيق لنا ولكم ... تحياتي للجميع

تسعه اعشار الرزق من التجاره

ولا فلوس راتبك ماهي رزق ولا احد يعتمد عليها . نص الشهر وراتبك يسلم عليك

الله كريم . والارزاق بيد الله سبحانه

من خلال معرفتي : في أغلب دول العالم يفضلون العمل في القطاع الحكومي

لأنك تعمل في مجال دولة ومجال غير ربحي يعني يكون الضغط عليك اخف

من القطاع الخاص لانه مجال ربحي يعني تشتغل في شركة يبغونك

تأدي عملك بأكمل وجه وزيادة ورواتبهم شبه سيئة وفي النهاية الهدف مادي بحت

اما الدولة لا هدفهم انك تأدي عملك للمواطن وفي نفس الوقت يفضلون القطاع الحكومي

عشان الراتب واغلب الزيادات الحكومية والمكافأة يكون لهم نصيب الأسد

بينما الخاص أنت وحضك اذكر عام 1432 يوم الملك اعطا راتبين اكراميه

في شركات اعطو موظفينهم وفي شركات لا


بعدين عندي شي بقوله القطاعين الحكومي والخاص اثنينهم في مميزات وعيوب

مثل الترقيات القطاع الحكومي يعتمد على فترة عملك وشهاداتك ويمكن ما اترقى بعد

لكن القطاع الخاص برغم اني متابع جيد له الترقيات تكون حسب الجهد

اعرف شباب والله بدون مبالغه معاهم كفاءة وأقل اشتغلو في شركات

رواتبهم تعبانه جدا واستمرو في الشركة ولا حتى كملو دراستهم

بس اجتهدو وعملهم يأدونه على اكمل وجه ماشاء الله واحد سار مدير شؤون الموظفين

وواحد اعرف واشتغلت معه كان مديري يشتغل في الشركة من سنوات

والان نائب المدير العام طبعا في شركات حسب جهدك تخليك كنق

وفي شركات لو تموت مادرو عنك وفي شركات افضل من الحكومي ب الف مره

من ناحيت الراتب والمميزات والعلاوات والبدلات والامان الوظيفي


القطاع الخاص بختصار شديد

قطاع متناقض صعب تحكم عليه كله لانه عباره عن شركات مستقله فكرياً واقتصادياً

يعني حسب شركتك الي تعمل فيها مثل ماقلت بعض الشركات تجتهد تسير ملك

وفي شركات تموت ولا درو عنك ويخصمون على الزله والخطأ وفي شركات مايخصمون

اذا كنت موظف قديم ويعرفونك ويقدرون الموظف لانه خدم عندهم ويحترمونه لا مايخصمون ابد

وهذا يرجع للإدارة وفكرها واستراتيجيتها انا افضل القطاع الخاص اذا كانت الشركة الي اعمل فيها

تقدرك كموظف كانسان تبحث عن رزق تلتمس لك العذر تعطيك راتب وبدلات على قدر عملك

لكن في شركات تكرف ليلك ونهارك ومتى ما شافو انك مالك داعي فصلوك

وكل ماتغير مدير غير معه تشكيله من الموظفين وهذي اعتبرها سذاجه معمقه

والحقيقه ان الشركة لابد من كسب الموظف مادياً ومعنوياً لتكسب منه الأداء الممتاز

والي يقول الشباب مافيهم خير يروح شركة تعطي رواتب زي الناس وتقدر موظفينها

ويشوف كيف الشباب يشتغلون بأداء ومهنة واحتراف واخلاص

لكن تقط علي كم قرش وتمن عليه وتهزئني في حال الخطأ وفي حال الظروف

وتبي عمل بكفاءة مثل ما انت تاخذني لغرض الحاجه انا اشتغل عندك لغرض الحاجه

ليس بيني وبينك زيادة على ذلك.

لكن هذي الشركات قل ماتجدها لذلك افضل القطاع الحكومي ولو اجد وظيفة

اعرف يقين انهم رح يعطوني على قد جهدي ويحترموني ويكون الامان الوظيفي موجود

اسحب على ام القطاع الحكومي الي بقعد فيه سنين وانا انقز حبه حبه.

وحاب انوه يوم تقول كل خمس سنين يغير لا هذي خطأ فاذح امسك قردك لايجيك اقرد منه

واليوم الوظائف نصطادها من فك الأسد واذا صدناها نعمه.

اما عن كلامك عن التجارة فهي مربحة وممتازة لكن يبغالها واحد فاضي

والفاضي هذا مامعه ولا قرش والشغل يبغاله محل ورخصه وفلوس كثيرة.

ماعليش على الاطاله والهذره الزايده لكن كلام داخلي حبيت اقوله من خلال خبرة ومشاهدة

ماوظائف لا حكومي ولا خاص في القصيم
ماشفنا شيييييييي
انا واخوي واختي كلنا نبحث لو وظيفة براتب 2500 مافي
وحتى اخوي مقدم على كاشير اكثر من مرة وما حصل

ويجي اعلان او اثنين كل شهر وتطلع وهمية وايميلات وهمية
والعدد قليل جدا للشباب ومعدوم للنساء
هذا غير النقل اللي يشيل اقل شي 1400 ريال بالشهر لو حصلت وظيفة

يعني مقفله معنا بقوة في القصيم