السلام عليكم ورحمة الله وبركاته

مساء الخير للجميع

بعد توفيق من الله انقبلت بأحد البنوك المعروفه والكبيره في المملكه والحمدلله على كل شي
لاكن توجد مشكله مدري هي كبيره او صغيره او انها مو بمشكله .. كلام بالهوا فقط .

بعد ما خلصت مقابلاتي في البنك قالولي لو عليك بلاك لست ( القائمه السوداء في سمه ) مراح نقدر نخليك تباشر شغلك حتى تسدد المديويات او القروض المتعثره عليك وانا عندي قروض وعندي مديوينات ما اقدر اسددها الا بعد ما اتوظف بوظيفه يكون راتبها جيد

الأستفسار
اللي مضاف بالقائمه السوداء هل يمنعه من الشغل في البنوك ؟

وأسف جدا على الأطاله


تحياتي
ريان الشمري

إيه ممنوع لانك على قائمة سمه و ماراح تتوظف بأي بنك لحد ما تسدد اللي عليك

سواء فواتير او قروض لازم تسدد

الحين هم بلغوك و أعطوك فرصة تسدد نصيحتي لك لاتضيع الفرصة تقدر تاخذ المبلغ من احد و بعد ما تتوظف ان شاء الله ترجع له فلوسه

و بالنسبة لاسقاط اسمك من سمه بعد ما تسدد راح ياخذ وقت طبعا
بس اهم شي عند البنك تجيب. لهم ما يثبت السداد و بس

موفق *

طيب اخوي سمه يرضون لو ابدا معهم اقساط ؟

انا يوم توظفت قالولي لازم تسدد المديونيات الي بسمه (لانك لو توظفت عندنا ماراح تقدر نعطيك قرض لين تسدد الي عليك واسمك مايكون في سما )

انا قالولي كذا في الراجحي طبعا هيه حركه منهم علشان ماتكون عليك اي مديونيه وتكون جاهز لاخذ القرض منهم لان اغلب الشباب اول مايتوظف ياخذ قرض مباشره او يشتري سياره على البنك او او

فهذا المغزى انت شوف ادارتك وكلم مدير الموارد البشريه حقك على انفراد في الموضوع

والله يسهل تحياتي