صباح الخير ..
حبيبي أنا كنت بتجمع قبل كذا لجامعة كنا ننتظر من شهر ٢ إلى شهر ١١ الماضي تخيلو وصلت عدد ابصفحات اكثر من ١٠٠٠ صفحة كان انتظار طويل وممل و مرهق كنا كل يوم ندخل المنتدى و بسببها ضيعنا بعثة لأنهم اعطوني أمل كبيرر بالقبول بس قسمه الله كانت فوق قسمه العباد و ماكان الوظيفة من نصيبي .. اتمنى تكون جامعة شقراء احسن حال .. و تطلع النتايج بسرعة .. و كمان حابة استفسر بصراحة الجامعة تفضل بالترشيح الأفضل بالمقابلة او الأعلى معدل .

اتمنى اللي عنده اي خبر عن كلية ساجر للبنات ينزله لنا .

جزاكم الله خير .*

قصدي حبايبي
واعتذر عن الأخطاء الكتابيه لأني اكتب من جوال

^
^
^

كان طرتي للبعثة وفي حال اتصالهم رجعتي ..

عموما الله يوفق الجميع ^_^ |

~

[align=center]
من وين أدخل وأشوف الطلب وش صار عليه
قد دخلت مره وألحين نسييت
[/align]

مراحب

بنات الاحياء اللي راحوا للقويعيه شو صار معكم ؟

دوبني رجعت الحمدلله ربي حفظنا كان بيصير علينا حادث
من جد المشوار طويل وطريق السيل كله شاحنات الله يهديهم احسهم يسوقو وهما نايمين

المهم حبيت اقولكم تجربتي

اول شيء بديكم نصايح ، تعالي بدري للكلية حتلاقيها بحي الديرة تعالي بدري عشان يوزعو اوراق وتعهد تمليهم انا عشان جيت متأخر اعطتني الورقة متأخر وبالتالي اتأخر اسمي لان المقابلات حسب الي تسلم ملفها أول اضطريت استنى للساعه 2 ودخلت المقابلة اوكي .

ثاني شيء لاحظت بعض البنات يطولو معاهم يعني الي يدخلو اول شيء تقعد نص ساعه او ربع ساعه انا ماطولو معايا تقريبا 7 دقايق او 5 ..

قالت عرفي عن نفسك ، عندك دورات ؟

كيف جيتي من مكة ؟ ---> استغربت من سؤالهم

وسألتني 3 اسئلة عن التخصص ونبهت على شيء ان مانقول الاسئلة لان اصلا حيغيروها من بنت لبنت ، يعني مثلا وحده يسألوها حيوان وحده نبات او يمكن يسألو حسب تخصص البنت، وتقول وحده نسألها سهل ووحده عادي يعني زي ماتقولو حسب حظك

المهم لا ترتبكو وبالتوفيق اكتبلكم وانا نعسانة ان شاء الله مانسيت شيء ، في امان الله

صباح الخيرات
سوري تأخرت عليكم بالتقرير حق القويعية
اول شي اطلعو بدري لأنك ممكن ما تحصلين موقع الكليه بسهوله
دخلنا واجتمعوا بمبنى 2 الكلية صغيره واضحه المباني او تقدرين تسألين ثم اخذو ملفاتنا لازم ملف اخضر
فيه اختباااااار المفروض كان يقولون لنا انو فيه اختبار تحريري من ثلاثين سؤال بالانجليزي وعن الاحياء كلها واغلبها أسئلة عامه وسهله وفيه دكتورة حبوبه ترجمت للبنات الأسئلة
كنا تقريبا ثلاثين بنت بعد الاختبار قالو انتظرو عشان مطابقة الاوراق مشكلتهم مرررره باردييين ومو مرتبين طولو وهم يطابقون الاوراق ثم اعطونا الاوراق الاصل
وكانت السكرتيرة مسجلة الاسماء بورقة صغيره قالت خلاص انتظرو وبناديكم بالدور للمقابلة بالبداية كانو مرررره بطيئين يطولون مع البنت مره بس بالأخير صارو ما يطولون ما خلصت الا الساعة 3 تقريبا

المقابله كانت حلوه الي يسون المقابلة 6 دكتورات ومن ضمنهم العميدة مصريات و بس وحده سعودية الي هي العميدة أتوقع
اول ما دخلت قالو لي تكلمي عن نفسك في اقل من دقيقة ثم سألتني ايش كان مشروع التخرج الي اشتغلت وطلبت مني أشرح التجربة ع السريع بعدين سألتني سؤالين عن التخصص كانو مره بسيطه وسألتني اذا عندي استعداد اشرح بالانجليزي و اي تفضلين التواصل الحركي او اللفظي وخلصناا

وقالو النتائج بعد شهر على الموقع
والي ما أرسلو لها كان فيه ورقة مطبوع فيها أسمائنا وارقام الجوال والسجل المدني روحي يمكن تحصلين اسمك انا سالت بس محد فادني وصراحة شفت بنت تكتب اسمها بالأخير واستغربت قلت عادي قالو لا بس ما ادري ايش سالفتها

ان شاء الله اكون أفدتكم وما اكون نسيت شيء وأي استفسار انا جاهزه
و فالكم التوفييييق يارب

الله يعطيكم العافية ،'
شوكلاه ،،
ربي يسعدك ممكن تقولي اسئلة التخصص اللي جاتك
وأكون شاكرة لك ،'

اولا صباح الخير

كيف الحال للجميع

رجعت لكم بعد مشوار يهد الحييييييييييييل بس الحمد الله على كل حال

يمكن البنات سبقوني وقالو اش صار على مقابلة الأحياء في القويعية واهم شي ذاكروا لانو اكيد بيختبروكم الأسئلة سهلة بس طبعا بالانجليزي وجات دكتورة شرحت لنا الأسئلة وبعدين وقعنا على تعهدات واخذوا اوراقنا الأصل والصور وملف اخضر علاقي ضروري اخضر انا كنت جايبه شفاف ومارضيت تاخذه والله يسعدها وحده اشترتلنا ملفات الله يوفقها ويرزقها الوظيفة وبعدين خلونا في قاعة واخذوا 5 بنات وجلسنا طولنا على مابدأت المقابلة طبعا أول ناس استفردوا فيهم زي منايا هههههه الله يعينهم وبعدين انا دخلت قالت عرفي عن نفسك طبعا اللجنه فيها كثير ومشغولين بالأوراق وعرفت عن نغسي وقالت اتكلمي عن مشروع التخرج قلتلها انا من بنات كلية التربية ماكان عندنا مشروع تخرج وسألتني اش وظائف الحيوان واش تقسيم الحيوانات وبعدين سألتني دكتوره ثانيه من هوا أحمد زويل طبعا لما نطقت الاسم انا افتكرت انو عالم مصري بس ماكنت عارفة اش سوا او اش اخترع فقلتلها مااعرفه وسألتني اذا كنت عزباء أو متزوجة وبس

طبعا المقابلة كانت سهلة والحمد الله عدت على خير

وتعرفت على بنات قمة في الأخلاق صراحة أكيد الحين يقرأوا كلامي ويعرفوني هههههههه أساسا كشفوني من كتابتي بالمنتدى الله يسعدهم ويوفقهم ويرزقهم مايتمنون

والله يوفق اللي باقي ماسوت المقابلة بس حبيت اخبركم اش صار عشان تكونو مستعدين